يومياتي مع الحمل فوق اللولب

[حرم الطيار]

سالفتي ياخواتي اني كانت اخر دوره لي 2من شهر 9 ويلست ثلاث ايام غريبه صح لاني متعوده اتم خمس اوست ايام انزين مرت الايام والحبيبه ماشرفت وكانت فيني اعراض الدوره سرت وكلت اناناس وشربت حلول وشاي مرمريه ماخليت شي هاي شكلها ماتبه تنزل مر اسبوع والام ضهري وريولي ماتخف انزين انا مركبه لولب شكيت قلت بروح العياده بقولها ان ضهري يعورني يمكن التهاب في البول سرت العياده وسوتلي فحص بول الله يكرمكن وطلعت النتيجه شووووووووووووووووحامل مبروك قلتلها اسمي يمكن غلطت قالت لاللللللياحبيبتي حامل مبروك انزين وسيدلولب كيف بطلعه انزين وانا اقول اشفيه ولدي عصبي خاطف يصفعني وراجع يصفع ويرافسني وكل 5دقايق يبه يرضع ومستوي عصبي ولا ياكل من شهر انزين الحين ابه اشل اللولب رحت مستشفى الكورنيش قلتلها ينزل عليه دم وضهري وريولي اتعورني قالت يمكن من اللولب اذا قريب الخيط بنشله واذا بعيد بنخليه بس بسوي التهاب وبيضر الجنين وقالت سيري سوي صوره وتعالي ويوم رحت عند مال ت الصوره تقريبا قدامي 25 وحده ووووووويه مافيني ايلس الكثر وسرت وخليتهم والعصر رحت مستشفى النور وخبرتها حالتي طبعن انا رايحه طواري وقالتلي الاحتمالات كلها 50 بالميه انزين كيف يعني شو قالت ممكن انطلع اللولب ويثبت الحمل ويمكن مايثبت ويمكن اذا بعيد خيط اللولب مانطلعه بس بييج التهابات وبيضر الجنين وطبعن حاولت اطلعه والحبيب لاصق في جنب واحد ماياي سيده وحاولت من غير ماتتعمق لداخل عشان مايضر الجنين وبعد ماطلعته قالت الحين بيوقف الم ضهرج وبخف كله ها من اللولب وعطتني موعد بعد اسبوع عشان اتسويلي صوره ونطمن والحين ينزل عليه دم لونه بني واحمر فاتح نقط وضهري يعورني وصراحه خايفه ادعولي ان الله يثبت حملي يارب وفيه حد استواله مثلي فيدونا ياخواتي وريحوني جزاكن الله خير ورزقكن الجنه يارب

[LoOveNisTa]

ماعندي خلفيــة حبوبــة ..

الله يثبت لج حملج انشالله وتفرحين بشوفــة ضنــاج ..

[MS.DL3]

ماعندي فكره حبيت ارفعلج الموضوع وانشاالله الخوات مابيقصرووون...

[أم راشد 2007]

الله يثبت لج حملج ان شاء الله

[النقبية80]

ان شاء الله راح يثبت حملج لانه حرمة اخوي مثلج والحمد الله ربت طبعا اللولب ظل ماقدروا يطلعوه لين الولاده

[حرم الطيار]

انا شليته اللولب خلاص بس ينزل عليه دم بني مثل الاستحاضه واحمر فاتح شوي وضهري يعورني ها مخوفني

[كابتشيتووو]

انا اذكر خالووووه من 6 سنين جي تقريبا كانت مركبه لولب وكملت 3 سنين وحملت عليه ..

واللي اذكره انه ماشلته عقب ماربت سوت عمليه وظهروه ..

والله يثبت حملج حبوووبه ^^