تصويت عن أفضل دكاترة الولادة والنساء في مستشفى الزهراء الشارقة!!!!!

**تاجره ف كل شي** · 2009-09-13, 02:20

السلام عليكم ورحمة الله وبركاته
مرحبا خواتي
اشحالكن؟؟وعلومكن؟؟
خواتي هالموضوع عباره عن تصويت

ابغيكن تصوتن لي على افضل الدكاتره(( دكاترة الولاده والنساء)) ف مستشفى الزهراء
انا عن نفسي فاتحه ملف مع الدكتوره نفيسه
بس مراجعاتي كلها ف عياده خاصه
وكنت حاطه ف بالي هيه تولدني اذا الله راد
بس طلعت مسافره انجلترا
وما اعرف اذا بترد قبل ما اولد والا لا؟؟
وعشان جيه ابغيكن تفيدني عن احسن الدكاتره
بليز خواتي هذا شهري وابغي تفاعلكن؟؟

ودعواتكن لي ربي يسهل ولادتي واقوم بالسلامه انا والبيبي ان شاء الله
ويزاكن الله خير مسبقا

المزيد من آخر المواضيع من نفس القسم:

**Hard2Ctrl** · 2009-09-13, 02:44

انا كنت عند نفيسه .. بس حولت ملفي على دكتوره شما .. هم عموما يمدحون ثلاثه دوم .. نفيسه .. شما .. اميره

شما وايد سويته و شاطره .. سرت عند وايد دكاتره بس شما اوكي و تعرف شغلها و اهم شي ايدها خفيفه خخخخخ

**omm_elbanat** · 2009-09-13, 02:51

السلام عليكم
أنا متعوده أربي مع الدكتوره جوان وهي تولد في مستشفى الزهراء.. وغنيه عن التعريف شاطرة ومتمكنه بس ماتولد إلا اللي اتابع معاها من أول الحمل بس جربي أحيانا توافق... وآخر ولاده لي كانت مسافره وربيت مع الدكتوره أميره وهي شرحه وحبوبه جدااا وصبوره على الحرمه والكل يمدحونها .. بس الحق يقال د.جوان متمكنه أكثر وخياطتها ممتازه ونظيفه...
والله يسهل عليج ان شاء الله ويرزقج بالولد أو البنت الصالحين..

**لطيفة الحلوة** · 2009-09-13, 02:52

السلام عليكم..

أنا بعد أراجع عند نفيسة ..

و اجازتهااا بتخلص عقب العيد ..

ع العموم >> يمدحونهاااا و نحن ف العايلة مجربينهااا مرتين ..

و البقية ما أدري عنهن...

و الله يسهل ع الجميع

**دلع بو راشد** · 2009-09-13, 02:52

ما عرفت والله .. والله يسهل عليج ..

للرفع ^^

**لقائنا فالجنة** · 2009-09-13, 03:09

الله يسهل عليج حملج ولادتج يارب..

انا اللي اعرفها واللي كل وحدة تمدحها هي دكتورة نفيسة..

واذا هي مب موجودة.. انشالله رب العالمين بيسهل عليج ولادتج بها والا بغيرها.. بس خلي ايمانج بالله قوي.

بس حبيت اقولج.. انشالله لما اييج العوق.. لا تستعيلين وتسيرين المستشفى بسرعة.. اتريي شوي.. وحاولي تشربين شي حار مثل الجرفة او الزعتر او الزنجبيل.. وسيري عيادة خاصة عشان يخبرونج عن عنق الرحم.. كم انج مفتوح.. واقري طول الوقت الآية رقم 54 من سورة الاعراف "ان ربكم الله الذي خلق السموات والارض في ستة ايام ثم استوى على العرش يغشي الليل النهار يطلبه حثيثا والشمس والقمر والنجوم مسخرات بأمره ألا له الخلق والأمر تبارك الله رب العالمين"

الله يسهل عليج ويرزقج ويرزق جميع المسلمين الذرية الصالحة يارب.

**ظبيانية81** · 2009-09-13, 04:42

انا اراجع عند الدكتورة ريما في الزهرا وسمعت انها يديده .. الصرااحه ارتحت لها واشوفها ممتازه

**Miss Cavalli** · 2009-09-13, 04:44

أنا كنت أراجع عند دكتوره ريما بس سافرت و أنا في الثامن جان أحول لدكتوره شما و تندمت اني ما كنت وياها من بداية الحمل لنها ماشاء الله بيرفكت ،، وأيد شاطره و تعاملها من ارقئ ما يكون

**حلوه و مره** · 2009-09-13, 05:17

الغاليه انا اراجع عند الدكتوره اميره فديتها وااايد شاطره وشرحه وحبوووبه وتعااملها واايد راقي مع الناس والي اعرفهن ربن على ايديها والكل يمدح خياطتها وحرمت اخوويه تقوول موول ما تحسين بالخياطه من اول يوم تكونين طبيعيه مع انها حليلها يوم تولد يكوون الشق كبير عيالها تييبهن ما شاء الله تبارك الله وزنهم واايد زاايد وهي والي اعرفهن مرتاحيلها وان شاء الله انا بربي عندها
واقووولج اميره اميره اميره لانه هي ونفيسه اجدم ثنتين فالمستشفى وخبرتهمم عااااليه
والسمووووووووووووووحه طولت علييكم
الله يسهل عليييينا يارب

**أم عبادي2006** · 2009-09-13, 06:49

انا مرة راجعت عند دكتورة ريما وحسيتها فاهمة شغلها وعندها خبرة..

**ميرال** · 2009-09-13, 08:59

جزاكي الله كل خير انا داخله اكتب نفس الموضوع

انا نفس مشكلتك وموعد ولادتي قرب

انا في شهري وخبروني امس انها جايه بعد العيد الله يستر

اذا استقريتي على دكتوره يا ريت تخبريني

**Miss Cavalli** · 2009-09-13, 12:07

اللي سمعته انه دكتوره نفيسه ما تولد مريضات غيرها

**صغيرونه ذوق** · 2009-09-13, 13:10

<<<<<<<<<<<<<<<<<<<<منسدحه فالموضوع

**ام اية و نور** · 2009-09-13, 13:13

لا حبيبتي عادي اذا كانت وحدة منهم في اجازة تولدها الثانية

**أميرة2009** · 2009-09-13, 14:03

أنا سمعت إن مستشفى الزهراء
يسووون عمليات قيصرية لأكثر الولادات حتى الحالات اللي مو محتاجة
تدرون المستشفيات الخاصة دايما هذا حالها
أنا ما ولدت في الشارجة بس أسمع إن القاسمي أوكي وأحسن قسم فيه قسم الولادة سألت أكثر من وحدة مجربة

الموضوع: تصويت عن أفضل دكاترة الولادة والنساء في مستشفى الزهراء الشارقة!!!!!

أدوات الموضوع

عرض

تصويت عن أفضل دكاترة الولادة والنساء في مستشفى الزهراء الشارقة!!!!!

المزيد من آخر المواضيع من نفس القسم:

المواضيع المتشابهه

مستشفى الزهراء الشارقة

كم سعر الولادة في مستشفى الزهراء

سعر الولادة في مستشفى الزهراء

تفاصيل الولادة في مستشفى الزهراء .........