::حياكووو::يومياتـ وسوالفـ::الغاليه عفااري::+همسه او صوره::

[الغاليه عفاري]

مرحبا بنااات...كيف الحال ربكم بخير..مبرووك عليكم مابقى من الشهر الفضيل وكل عام وانتو بخير..


المهم ما بطول عليكم ::باختصار::حبيت اخصص موضوع خاص بيومياتي او المواقف اللي تصادفني في الحياه العمليه اوالاجتماعيه او حتى الـــخ...او لطرح بعض المشاكل+المناسبات من حياتي اليوميه.. وبسم الله ببدأ بالتعريف عن نفسي ويالله على بركة الله>>اوووني عاد استويت حليمه*_@

بردكم ستين سنه ورا اونه عاد اياااام المذكرات ههههههههه
الاسم:الغاليه عفاري
الحاله الاجتماعيه:دبل اقصد سنجل
العمر:الله يعطينا طولة العمر@_@
الاماره:اللي تزورها شيبه وتعود صبي
المهنه:موظفه في احدى الدوائر الحكوميه..الحمدلله-البنك سابقا
السياره:نص فورويل يعني 2ويل
الهوايه:التصوير والفوتوشوب-قراءة القصص الاماراتيه والمجلات-التسوق-الديكوريشن-اكتشاف اماكن يديده وحلوه واممممممم.....
عدد افراد الاسره:6 بدون الوالدين الله يحفظهم
احلى الاكلات:العربيه والايطاليه
الكاكاو:كيندربونس-الجالكسي-المالتيزرس
الموبايل المستخدم حاليا:N75+موبايل2
النادي المفضل:الزعـــــــيـــــــــمـ >>عيناويه مع احترامي لكل الفرق الباقيه
احلى الالوان:البني-البنفسجي ومشتقاته والازرق حلو
من صفاتي:طيبه الحمدلله-عنيده-عصبيه-خوافه بس حلوه المغامره مرات
احلى كلام:ذكرالله



همسه:اعتبر العضوات كلهم خواتي..ومواضيعي كلها تتقبل النقد البناء ورايكم على راسي وحلوه المشاركه سواء في السراء او الضراء والافراح او الاتراح..



تنويه::الاسامي اللي بكتبها في مواضيعي كلها اسامي مستعاره..

المزيد من آخر المواضيع من نفس القسم:

• عن رواتب الحضانات
• انا دلال ابحث عن صديقتي مها.ج
• ساعدوني
• سَ أبْقى بِلآ عنّوآن ~
• هل من مرحب
• حياكم وردات مدينه محمد بن زايد
• مرحبا انا جديدة معكم هل من ترحيب
• بنات بوظبي مرحبا بكن
• كيف اكتب حلمي
• سلاااام للجميع

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[oأم خلووفـهo]

موضوع حلووو وفكره احلى..سوري رزيت الويه وشاركت فموضوعج الخاص بس حبيت ابدي رايي^_^

<<دوومها ملقوفه :$

[الغاليه عفاري]

oأم خلووفـهo::حي الله الغاليه ام خلوفه بالعكس نورتي موضوعي والله ..يسلموووو@_@

[الغاليه عفاري]

بااااااكـ..مرحبا بنات رديت لكم بسالفه يديده عن اربيعتي*خلود


خلود:بنوته من كبري مب معرسه
المهنه:بطاليه..ادوام صيفي في فترة الصيف بس
الجنسيه:مب من اهل البلاد وماعليهم كلام
من صفاتها:جريئه لابعد الحدود-طيبه-غيوره-فرفووشه..

الله يسلمكم هذي خلود اربيعتي من يوم نحن صغار دراستنا ويا بعض من الابتدائيه وبيتهم صوبنا واهلي يعرفون اهلها..هم ناس فقارى وعلى قد حالهم ماعليهم كلام والحمدلله..
المهم عاد طول فترة الدراسه هذي اللي هي اكثر عن7 او8 سنوات تصادف ايام تزورنا وايام افاجأها بهدية عيد ميلادها وتعزمني اذا طلعت مكان ويا الاهل المهم مرت الاياااام والسنين بغمضة عين والله وتخرجنا وخذنا الشهاده ونسبتي كانت اعلى عنها مع انها هي اشطر عني شويه في مسائل معينه..

تخيلوو بنات كل ما اكلم وحده واقول لها ان هذي اربيعتي تقول لي كييف انتي وين وهي وين ومره من المرات حسيت ان سوالفها تغيرت عن ايام الدراسه كل سوالفها عن الشباب و............. ما اثر فيني هالشي ابد قلت ماعليه منو في زمنا مايحب هالسوالف وكل ما اطلع وياها اكتشف ان زاقره حد من ربعها الهووش والله شو انقهر ولا تكلمه واتقول له اسامينا وقبايلنا وين انداوم!!!
عقبها قلت ما بطلع وياها الا في اوقات واماكن معينه يعني يوم اهلها بيكونون ويانا ومابنطول واقول لها خلي ودري عنج هالسوالف والله مب حلوه فحقج..وهي ولا عالبال مره طلعت وياها مكان عام وناس وااحد خطف ما خلت شي ما قالته قطعت الريال تقطيع البلا هو قال كلمه ردت عليه بعشر وهو يضحك طبعا مستانس وحده مزيونه تردد عليه هالرد القوي ودخلت في الاصل والعرق واللون مايخصه يعني شرشحته والله واختها الصغيره تضحك..ويوم خبرت اخوها السالفه استانس قال دواه وطبعا هو مادرى بالكلام اللي ردت عليه يتحرا رد عادي مب سوالف..المهم انا عقب فتره خذو لي الاهل سياره حق الدوام قلت لازم اطلعها بسيارتي اليديده وكل مره اقول لها بنطلع اتطلع لي عذر اونه اخاف نتاخر وابوي ما بيخليني وما ادري شو المهم انا قلت ع هواها واعرف انها اذا طلعت وياي بتزقر حد من الشباب ويالله عاد بتقول له كل شي عني وعن اهلي بعد..ف طلعت ويا ربيعاتي الباقيات ماقصرن طلعه ولا احلى..
عقبها بفتره اونه انتي ما بتطلعيني بموترج والا شو ماتبين تطلعين وياي قلت الها اختاري يوم ووقت وافا عليج بنسير اليوم الثاني اونه يالله بنسير العين وين تبين ههههههههه والله ماصدقت قلت لها لا مايستوي وصعبه وجي اووونه لا عادي اذا تخافين انا بسوق عنج الله والسواقه((ليسن قير عادي وتبا تسوق موتري)) المهم انا ما وافقت طبعا جان تقول لي نحن بنسير ويا ربيعة اختي واذا بتون انتي واختج حيااكم...نحن انسير العين دووم بس ويا الاهل او انا واختي العوده جي يعني مب انا وهي بس ماشي شغل يتدوخ لي راسي هناك بحركاتها وسوالفها البايخه..المهم ماحبيت اسير وياهم وعقبها ياني مسج منها>>اترومين اتمرين علينا الساعه1 في المكان الفلاني..والله شو ما انقهرررررررت..
قلت لها لا وعقب فتره اربيعتنا حصه عزمتني وقالت لي ازقري خلود اذا تبين بتسوي لنا جوو فالطلعه وبناءا على رغبتها طرشت مسج حق خلود انا بنسير الفستيفال العصر ويمكن ندخل السينما..ماردت علي الا عقب فتره وردت بــ: لا انا ما اقدر وانا بسير السينما ويا اخواني وانا متاكده انها لا بتسير ولا شي..ومن هاليوم والله ما اسوي لها سالفه طرشت لها مسج قلت لها انتي تحتشرين يوم نطلع وما نخبرج ولا انمر عليج والحين يوم نعزمج تتعلثين باي شي برايج علاقتنا وين كانت وشو استوت بس فالحه اتقطع بنات الجامعه والكليات يوم يتغيرون عالاقل هم يتغيرون بالاستايل والشكل ومب باخلاقهم *طبعا مب الكل..

همسه:والله مراات احس انها تغار لان عندي سياره واداوم والحمدلله هذا رزق من الله...الكل يحمد ربه اني ابتعدت عنها لان وجودها والعدم واحد وخاصة اختي مهيره وغاليتي مهره..

[الغاليه عفاري]

مرحبا بنااااات...باك ^_^

::اهداء خااصـ جدا::
لا هنْت يا المنديـل خلّـك علـى السِيـت كلها دقايق .. واْرجع أمسـح بـك الدمْـع
بي شـوق لـو صدّيـت عنّـه و قفّيـت آحس به أقـرب مـن الضلـع .. للضلْـع
لو مـا همـوم الليـل مـا كـان سجّيـت من ( شيشةْ العوهة ) إلى ( شيشةْ الفقْـع )
أتبع طريق دبـيْ .. وآناظـر ( الليـت ) لكـن دمعـي يمنـع الشـوف و السمْـع
واْذا وصلـت لأوّل ( دبـي ) .. ردّيـت كني عشقـت الـدرب أو كننـا ربْـع !!
في داخلـي ضيقـة و حـزْن و تناهيـت ثـلاث حـالات إن لفنـي .. لفـن جمْـع
عنـد التمنـي ليتـنـي مــا تمنـيـت وش فايـدةْ كثـر التمنـي بـلا نفْـع ؟!
ما هيب منوةْ ( يعل ) أو ( لو ) أو ( ليت )ذاك التمنـي مـات مـع موتـةْ الشمْـع
ما دام وضعي ساقني عكْس مـا شِيـت !! معناتهـا بمشـي علـى رغبـةْ الوضْـع
والله يلـو عيّيـت .. مـااقـول عيّـيـت أسكت واْنـا مفجـوع مـن شـدةْ الوقْـع
حالي ضريت آعيش نصفه .. بلا صيـت والربع آبيحه .. و آتحفّـظ علـى الربْـع
يتساقـط الـهـم وأصـولـه مثابـيـت مثل الورق يسقـط .. ولا يسقـط الجـذْع
الهم لـه فـي صـدري مْقيـل و مْبيـت زيارتـه ماتنقطـع .. يعـلـه القـطْـع
إن قلـت بمنـع جيّتـه مــا تهنّـيـت كيف أمنعه !! والدافع أقوى مـن المنْـع ؟
لولاه .. ما بكّيت شخص بْـ/ شطر بيـت و لا شعَر من ثانـي الأشطـر بْـ/ نـزْع
و لا عن متابـع هـوى النفـس صدّيـت و لا وقفت لْـ/ صوت ورق" سجع سجْـع
نعـم تصنّعـت الفـرح .. بـس ملّيـت مااريـد تبقـى فرحتـي دايمـاً صـنْـع
غيري تجمّـل بـ/ الحظـوظ المباخيـت وآنا عجـزت آجمّـل حظوظـي القـرْع
هذي همومـي ليـن اعـوّد إلـى البيـت عـودةْ محطّـم تطرحـه دزّةْ الصـبْـع
حاولت أقـوّي عزمـي .. و مـا تقوّيـت غير أنّي محافـظ علـى المذهـب السنْـع
عن ( كرسي أخلاقي ) .. أبد مـا تنحّيـت سلومي .. سْلومي و طبعي .. هو الطبْـع
لى عدْت متحطّـم .. دخلـت و توضّيـت و اْدّيت ركعاتـي .. قبـل سنّـةْ الشفْـع
ثم أدعـي ( الله ) و اْطلبـه لـى تدعّيـت أنّه يخلّصنـي مـن الضيـق .. و الدمْـع
الضيـق و الدمـع الـذي حيـن مرّيـت حسّيت به يمشي من // الضلْع // للضلْـع

همسه من الخاطر::أأه يا ابن طميشان ابدعت في هالقصيده وربي...لا فض فوووك يا المبدع..

[فاطمةالحمادي]

والله انج سوالف^^

[الغاليه عفاري]

فوفو فوفو::حي الله فوفو عطرتي موضوعي بمرورج الطيب وهيه لازم السوالف عشان انتوالف@_@...ويسلموووو من الب..

[الغاليه عفاري]

مرحبااا بناااات كل عام وانتو بخير وصحه وسلامه يارب.. اقبولها مني لو انها متاخره سنه..

المهم بخبركم عن العيد والله ما حسيت به,,

كان يوم عادي جدا ماحسيت انه عيد كانه ويك اند وطاااف ويالله عااد عقبه دوااامات ويلسي جابلي مديرج ويالله يالله الوقت يطووف علي..

المهم اول يوم عيد نشيت تقريبا عالساعه 12 الظهر وقت الصلاه يعني يلست سوالف وسوالف ويا الاهل لين جريب العصر اتلبسنا واتكشخنا واتعطرنا وتيمعنا كلنا في البيت العودعند خالي*مــحـــمـــد

وتمينا نسولف ونعايد بعض وناخذ ونعطي لين طاف الوقت ونحن يالسين اسمع اصوات تظهر من بطني من اليوووع لان من اليوم اللي قبله مب ماكله شي مب مني والله من الحواطه والمراكض الا اشتري هذا وسوي هذا واتحني وحطي وشلي استويت شاندرا هاليومين انا ههههه..

المهم ونحن يالسين عاد قررنا نطلع ونتعشا برع واونه على حساابي ما صدقو الجماعه اتيمعو فالسياره هههههه واولهم الصغاريه رزه عاااد ما يحتاي..عاد انا والغاليه مهرووه وبنات خالي ريم وشوق ووحده من معارفهم شيخه شلينا الغشوه وعالسياره وكلمتين حق اليهال عشان يفكونا من حشرتهم وعيديه لهذا وبوسه حق هذاك وحلويات بس مايبالهم شي هع..

عاد ونحن فالسياره نتسمع ونسولف قلنا بنسير جميرا بيتش نتعشا واخترت انا مطعم على ذووقي(اهم شي مايكون زحمه) والحمدلله كليت اكل ماتبون غيره هههههههههه
المهم عقب كل وحده على بيتها وثاني يوم طلعنا الصغاريه عشان يستانسون وينسون الزعل..وحليهم عيالنا

همسه::بناااات وين عيديتي..لي عـــــــــوده>>اكيد!!

[السدره]

موضوعج حلو ، وطرحج للموضوع جميل جدا


الله يوفقج ،،،، ان شاء الله بتابع يومياتك







السدره

[الغاليه عفاري]

السدره::مرووورج الاروع غلاي..وبتسعدني متابعتج ليومياتي المتواضعه..وشكراا عــ الاطراء..

[الغاليه عفاري]

مرحبا بنات شو رايكم نغير جو ونقرا قصة وضحة وهي قصه حقيقيه واتمنى تاخذون العظه والعبره منها>>عن الخرررط *__*

المهم الغاليات ما بطول اتقوول القصه.....الخ


كانت هناك فتاة تدعي وضحه وكانت في منتهي الجمال والاناقه >>ستااايلش
[img]http://up1.*****.com/2009/9/5wP99659.bmp[/img]



وفي يوم من الايام صادفت ابو الشباب يبتسم وهذي صورته
[img]http://up1.*****.com/2009/9/tIp99660.bmp[/img]






من عقبها واحوالها متغيره وانعزلت عن المجتمع <<<< بالها راح وطي ههههه
[img]http://up1.*****.com/2009/9/AEX99886.bmp[/img]




وفي يوم وعدها يجي يخطبها من ابوها ابو المزاين وجا مثل البرق
[img]http://up1.*****.com/2009/9/KQ499886.bmp[/img]






من يوم ما درت انه جاي وهي ركض للصالون تسوي هذيج التسريحه وتلبس احلي فساتينها مادرت ان حظها اقشر
[img]http://up1.*****.com/2009/9/pFG00025.bmp[/img]







وان الحياة يوم لك ويوم عليك


ان فلان اللي ما يتسمي






نساها ونسي ايامها ياحراام








وشاف له شوفه ثانيه <<< نذل








لا ومنو محد يتوقع أبد!!!



لكن للأسف صادف في طريقه بطلة الفيلم الهندي اللي يحبه مووت وكان من عشاق افلامها



وبعدين طاحت من عينه وضحه <<<<كانت عيونه زااايغه يا مال الحزن
[img]http://up1.*****.com/2009/9/fIV00026.bmp[/img]




ومن عقبها قررت وضحه قرار خطييييير
[img]http://up1.*****.com/2009/9/LXZ00145.bmp[/img]






انتحرت وفارقت الحياه كلها مافكرت بحد ابد>>اهئ اهئ



آآآآآه منك يابو جمول ههههههه


همسه::تولهت عليكم خواتي وان شالله نتلاقى على خير دوووم..والقصه منقووله لعيونكن صبايا

[السدره]

مانبا قصة وضحه ،،،، نتريا قصص عفاري

ما خبرتينا شسويتي في الدوام ،،، ماشي سوالف



السدره

[الغاليه عفاري]

مرحبا السدره بااااك وهالمره لــــعــــيــــووونــــــجـ بس...

بنات قبل كم من يوووم مثل ما تعرفووون كان عندنا معرض جايتكس في ارض المعارض..المهم وانا فالدوااام يتني مديره القسم تطلب مني الكاميرا لانها بتترخص وبتسير هناك وودها تاخذ لها كم من صوره للمعرض وطبعا ما رديتها...المهم من خلص وقت الدوااام افكر اففففكر وين بسير وملااانه *عن جد المهم قررت اخذ اختي الغاليه مهرووووه اقصد تاخذني اختي للمعرض واشوووف شو اليديد ووين وصلت الدنيا بالتطوراااات اللي ما اعرف شو اخرتها>>ما يخصج هع

المهم عاد وصلنا هناااك ويالله يالزحمه حسيت اني في السعوديه والله ما ادري ليييييش وااايد زحمه وخلق الله في كل بقعه..وبعد عناااء طويل حصلنا البارك ونزلت انا ونزلت خيتوووو ويايه ودخلنا المعرض وتمينا نفتر ونشوف ونتطاااالع شو الحلو وشو الزين وشو اللي يستاهل..

اتخيلووو طول ما نحن نتمشى ما عيبني شي واول ما طلعنا حسيت ان خاطري في شي شوووو شوووو


اممممممممم هيه الــــــــــBـــبــــــلاكــ بـــــيــــــريـــــBــــــ >> اوني عاد!

واختي طبعا مب متفيجه حق سوالفي ردينا البيت وانا افكر فيه واتحلم به المهم اليوم الثاني ع طووول طرشت الغالي*فهووودي ع المعرض وما قصر خذ لي واحد وخذ له هووو بعد واااحد والله انه جاازفـ
لعيونيـ..
والله حزتها انا راقده واختي اتقول قووومي يابولج اللي تبينه وانا اقول فخاطري شو اللي اباه انا ابا واااايد اشيااااء لا يكووووووووون .........>>سار فكري لبعيييييييد هناك هناك !!

نشيت وشفت الــBB>>الحمدلله+وااااو


همسه::بس الحمدلله ع كل حال مقدر ومكتوووووبـ وكلن ونصيبه قولن الحمدلله:: ياااااااااااااااااااو:: @_@

[عقد الماس]

مســــاء الخير يا حلوووه

حلووووه اليومياااات كملي ^___^

[القلب مشغول]

كملي كملي كملي