القولون ذبحني سآعدوووووووووووني

**شوق الأمل** · 2009-08-24, 22:17

مريت بتجربة القولون العصبي في فترة 2000 لغاية 2005 وكان سببها الآتي:
كنت آكل وايد حلويات ، وكنت مخربطة في آكلي ، وكنت آكل وايد بهارات في البرياني واحب المقالي والشيبس والدقوص وعلشان هالآسباب اللي أنا سبب فيها عدلت من طريقة أكلي وسويت لعمري نظام غذائي بس بشرط تلتزمي عليه
وهاي كانت أحد أسباب علاجي

طريقة العلاج :
أول شي أول ما تقومين ع الريج تشربين عسل طبيعي ( حطي ملعقتين أكل خاشوقة طعام في كوب ماء دافئ وأشربيه قبل الريوق بساعتين ) أنصحج بعسل اسمه معجزة الشفاء الطبيعي ينباع في الكارفور).
وقبل ما ترقدين بالليل نفس الكمية بس نصيحة قبل العشاء أو بعد العشاء بساعتين. وأستمري عليه لمدة شهرين وبطنج بينظف من الغازات لأنه بسبته البطن يكون منفوخ.

أكلج يكون بس سلطة بدون ملح ع الغدا أو معاه تونة.

لاتاكلين مقالي بالزيت نهائيا.

لاتاكلين صالونة بالبهارات نهائيا في فترة العلاج.

لاتاكلين الروب أو اللبن أو شاي بالحليب نهائيا أوخيار.

لاتاكلين الايس كريم وايد او الكاكاو

لاتاكلين بطاطس عمان او البفك

شوفي شو الاكل اللي تاكلينه يعور لج بطنج.

لاتاكلين نشويات مثل العيش والمعكرونة والبلاليط .

لاتاكلين اكل المطاعم لان زيوتهم تعبانه بالاضافة الى الشوراما والمكسيكي بعد والفول والحمص تراها وايد تثير القولون

أكلي خبز أسمر مع قشطة . / زعتر .

أشربي شاي مع نعناع ( حطي بس نعناع طبيعي وماي مغلي ) بدون اية اضافة للسكر بيكون شوي مر بس تحمليه علشان العلاج .

وإن شاء الله بتتعافين ونصيحة اخيرة أمشي لو في الاسبوع 3 مرات بفيدج وبتحسين في تغير.

هذا الكلام من واقع تجربتي مع القولون والله على ما أقول شهيد وأحط في ذمتي ها الشئ.

مع تمنياتي لك بالشفاء العاجل.

**عيونيa** · 2009-08-27, 05:03

أنصحج سيري عن الدكتور محمد نونو وايد زين وايد ناس استفادوا

**Um - Saif** · 2009-09-07, 23:38

المشاركة الأصلية كتبت بواسطة شوق الأمل

مريت بتجربة القولون العصبي في فترة 2000 لغاية 2005 وكان سببها الآتي:
كنت آكل وايد حلويات ، وكنت مخربطة في آكلي ، وكنت آكل وايد بهارات في البرياني واحب المقالي والشيبس والدقوص وعلشان هالآسباب اللي أنا سبب فيها عدلت من طريقة أكلي وسويت لعمري نظام غذائي بس بشرط تلتزمي عليه
وهاي كانت أحد أسباب علاجي

طريقة العلاج :
أول شي أول ما تقومين ع الريج تشربين عسل طبيعي ( حطي ملعقتين أكل خاشوقة طعام في كوب ماء دافئ وأشربيه قبل الريوق بساعتين ) أنصحج بعسل اسمه معجزة الشفاء الطبيعي ينباع في الكارفور).
وقبل ما ترقدين بالليل نفس الكمية بس نصيحة قبل العشاء أو بعد العشاء بساعتين. وأستمري عليه لمدة شهرين وبطنج بينظف من الغازات لأنه بسبته البطن يكون منفوخ.

أكلج يكون بس سلطة بدون ملح ع الغدا أو معاه تونة.

لاتاكلين مقالي بالزيت نهائيا.

لاتاكلين صالونة بالبهارات نهائيا في فترة العلاج.

لاتاكلين الروب أو اللبن أو شاي بالحليب نهائيا أوخيار.

لاتاكلين الايس كريم وايد او الكاكاو

لاتاكلين بطاطس عمان او البفك

شوفي شو الاكل اللي تاكلينه يعور لج بطنج.

لاتاكلين نشويات مثل العيش والمعكرونة والبلاليط .

لاتاكلين اكل المطاعم لان زيوتهم تعبانه بالاضافة الى الشوراما والمكسيكي بعد والفول والحمص تراها وايد تثير القولون

أكلي خبز أسمر مع قشطة . / زعتر .

أشربي شاي مع نعناع ( حطي بس نعناع طبيعي وماي مغلي ) بدون اية اضافة للسكر بيكون شوي مر بس تحمليه علشان العلاج .

وإن شاء الله بتتعافين ونصيحة اخيرة أمشي لو في الاسبوع 3 مرات بفيدج وبتحسين في تغير.

هذا الكلام من واقع تجربتي مع القولون والله على ما أقول شهيد وأحط في ذمتي ها الشئ.

مع تمنياتي لك بالشفاء العاجل.

شو آكل عيل ..
الله كريم .. مشكورة فديتج وان شاء الله بطبق الكلام اللي قلتيه
الله يجزاج كل خير

**ايسوسليز** · 2009-09-08, 04:32

[COLOR="Red"]

[/COLO
R] بصراحه اني هم اعاني هذا الشي اكو مثل الاعشاب نعملها مثل الشاي ايكولون زينه هي للغازات طارده للغازات لون العلبه خضراء

**حافية القدميين** · 2009-09-08, 13:50

كوني هادية وماله داعي للتفكير والتوتر بعدج صغيره والله يشفيج ويفكج من القولون

**~..روح دبي..~** · 2009-09-09, 17:44

حبيبتي ريلي يسير عند دكتور اسمه قاسم الصراف .. وااااااايد زين ..

وهوو مكانه في الشارجه ..

سيري عنده وان شالله تتعافين .. ^^...

وربي يعطيج الصحه والعافيه ..

**دلوووعه99** · 2009-09-13, 03:59

هلا الغالية
بقول لج على نصيحه قلتها لوحده من الاهل عندها القولون ،والحمد لله استغنت عن الحبوب
أشربي زنجبيل مغلي مع الماي او الحليب الصبح عالريق وقبل النوم،وراح تشوفين النتيجه
الله يشفيج ان شالله

**يا ورد** · 2009-09-13, 10:43

عليج باللبن االبارد

لاني نفس حالتج

اشرب لبن يوم احسّ ان الحرب العالميه قامت في بطني

وهدي أعصابج مافي شي يرزى

و ابتعدي عن البهارات القويه والحاره

**ألوانـ** · 2009-09-18, 20:41

المشاركة الأصلية كتبت بواسطة عيونيa

أنصحج سيري عن الدكتور محمد نونو وايد زين وايد ناس استفادوا

المشاركة الأصلية كتبت بواسطة ~..روح دبي..~

حبيبتي ريلي يسير عند دكتور اسمه قاسم الصراف .. وااااااايد زين ..

وهوو مكانه في الشارجه ..

سيري عنده وان شالله تتعافين .. ^^...

وربي يعطيج الصحه والعافيه ..

ماعليكن أمر لو تفيدونا بمكان هالدكاتره أو أرقام تلفيوناتهم ^ـ^

**رومنسيه دوووم** · 2009-09-19, 00:45

حليب البوش

وبول البوش

علالالاج نهائي للقولون وجيي

الصبح او ماتبول البوش تشربينه

هذا سمعته في وحده ف اليمن وتعاالجت منه

وترى فيه حديث عن الرسول (ص) مايحضرني الحين
بس معناه بولها وحليبها علالاج

**MAHA21** · 2009-09-19, 02:59

انا مثلج وحالتي حالة متبهدلة واااااااااااااايد وتعبانة نفسيا كل ما يتصلح شي يخترب شي بحياتي الله يعييييني

**عيمانيه** · 2009-09-20, 02:15

لا اتفكرين و قللي من الاكل الحار

**أم كتكوت** · 2009-09-20, 12:20

شوفي أنا مثلج أموت منه آخر مره معالجه في الإيراني وهون على شي بسيط بس يقولون حبوب زيت كبد الحوت تهدي الأعصاب وتعالجه جربيها وقريت أنته تسوين نظام غذاىي وهو بس تاكلين خيار وعنب أيام والله يشفينا ويشفيج

الموضوع: القولون ذبحني سآعدوووووووووووني

أدوات الموضوع

عرض

المواضيع المتشابهه

القولون وما ادارك ما القولون ... الا صابها تدخل !!!

أهمية منظار القولون في تشخيص وعلاج أمراض القولون المزمنة

القولون

القولون؟؟؟؟؟؟؟؟؟؟؟؟؟