أستفسارات موضوع .. رحلتي الى صير بني ياس ..

[بيبي دمعة]

أول شي أحب أشكر الخوات اللي ردو على موضوعي وحبوه.. وللاخوات اللي كان عندهم استفسارات حبيت أجمعها في موضوع واحد..

وهذا رايط موضوعي للي تحب اتشوف الصور..

http://forum.uaewomen.net/showthread.php?t=509783

نبدأ بالأسئلة والأجوبة..

-الحجز..

كان عن طريق التلفون ريلي اتصل الفندق وحجز طبعا خذوا رقم بطاقة الأئتمان عسب الضمان.. وهم عن طريقهم رتبوا حجز الباخرة والمواصلات للفندق..بس ريلي سأل عن التوقيت..

-الاسعار..

الغرفة كانت على 1100درهم - والفيلا كانت على 3400درهم

-المسافة..

كانت الرحلة بالسيارة لين مرسى حبل الظنة وخذت تقربيا ساعتين وشوي لان وقفنا صوب الواحة تعرفون اللي عنده أطفال هذا حاله..

ومن المرسى لين الجزيرة خذت عشرين دقيقة ونفس المدة تقريبا من مرسى الجزيرة بالباص لين الفندق..وكل المواصلات الدخلية على حساب الفندق..


-رحلات السفاري - التجديف - ركوب الدراجة الهوائية..


رتبها ريلي من وصلنا الفندق على طول مع المشرف وكان الاختيار لنا وطبعا على حساب الفندق..

-كم يوم يكفي..

عن تجربة مو أكثر من يومين لأان المنتجع روووعة بس الجزيرة صراحة ما تسوا اكثر من يومين..

-الأكل..

طبعا لانها جزيرة فما في شي حوليها الاكل كان كله من الفندق والأكل بصراحة لذيذ وحلو.. طبعا ما كنا ندري ان في مطبخ جان يبنا اكلنا معانا.. بس بعد ماعندهم قدور في المطبخ لذا اللي يبا يطبخ مناك اييب قدوره معاه..

الخدمات..

ماشاء الله عليهم رووعة .. بس أخرونا في الفيلا لين ما طلعو الناس اللي قبلنا ورتبوا الغرفة يعني كنا مفروض ندخلها الساعة 2 بس دخلنا الساعة 3 وربع..ولان وصلنا الساعة 1 كان الشيك ان الساعة 2 وقعدنا في الاستقبال نتريا.. يابولنا فوط باردة اترد الروح.. عصير كركديه مو حلو.. وبعدين عطونا غدا 3 اشخاص على حسابهم أظن كان بسبب التأخير مو متأكدة .. طبعا الغدا رووعة..

التصوير..

بكاميراسوني .. تقريبا نفس اللي بالصورة تحت..

المزيد من آخر المواضيع من نفس القسم:

• شتاء دبي غير مع كنوزها التاريخية والتراثية...
• دبي تستعد لليلة رأس السنة بعروضٍ مبهرة
• اجمل الأماكن السياحية في جميرا دبي
• حوض الحجرات المفقودة في دبي
• اهم المعالم السياحية الجذابة في دبي
• جولة في فندق والدورف أستوريا دبي بالم جميرا
• منتجع وسبا دبل تري من هيلتون جزيرة المرجان
• جزيرة ياس افضل الوجهات الترفيهية للعائلات
• اجمل اماكن السياحة الشتوية في الامارات
• اقوى عروض فنادق ريكسوس لعيد الأضحى

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[العهود111]

للأسف خاطري اشوف اصور مب ظاهره

بس الحمدلله شكلكم استانستوا

الغاليه ممكن اطرشين لي رقم الفندق + المكان بالضبط

وتسلمين يالغلا على هالمعلومات

[بيبي دمعة]

للأسف خاطري اشوف اصور مب ظاهره

بس الحمدلله شكلكم استانستوا

الغاليه ممكن اطرشين لي رقم الفندق + المكان بالضبط

وتسلمين يالغلا على هالمعلومات

الغالية اكثر من وحدة اتقول لي الصور مب طالعة..بس الغالية انا ما عندي رقم الفندق انتي دخلي علـ Google وحطي أسم الفندق منتجع جزر الصحراء Desert Island Resort & Spa وبيطلع لج الموقع وصور عن الفندق وانتي عاد شوفي الفلل والغرف واللي سمعته انهم رفعوا اسعارهم عاد انا مادري الغالية...