مـــصـحـف القــيــــــام ..يســاعـدج على حفظ و ختـم القرآن بسهووووولــــــــه `(صور)`

[فوشيَه]

السلام عليكم ورحمة الله وبركاته


حبيت اعرض لكم مصحف القيام

(الجزء الواحد ) في المصحف العادي بعشر صفحات

بس في هالمصحف بصفحتين بس!!!

وملون حسب الاحداث

رووعه للي يبى يحفظ ويختم اكثر من مره..
وشكله حلوو ...اللي يشوفه مايقول انه القرآن كامل ..

مصحف القيام يجعل القراءة أسرع والحفظ أسهل حيث أن القارئ يتلو خمس صفحات في صفحة واحدة. ولتسهيل الفهم قسمت الصفحة حسب ألوان مصحف التفسير الموضوعي حيث يرمز كل لون لموضوع

المصحف وصفحاته..



المقدمه



اولى صفحات سورة البقرة


منقوووووووووووووووول للفائــــــــــــده .. [/COLOR]
[COLOR="Red"]

تنزيل الموضوع هو هديه مني لكم ..بمناسبه شهر رمضان وليـــس للدعايه..الله يشهد على كلامي ..

انا وايد عيبني الصراحه .. وان شاء الله لو حصلته بسعر حلو باخذه هديه لخالاتي وخواتي وأخواني ..
وانتو بعد لو حابين تهدون اهلكم هالمصحف جداً رائع..

واللي عندها منه تخبرنا عنه .... ووين ممكن نحصله .. او من وين شارتنه مع السعر ..لتعم الفائده عالجميـــع ..


انا حصلته في مكتبه الفرقان في دبي.. ب 70 ومكتبه دبي التوزيع ب 90 ..
وسويت بحث في قوقل ..شفت وحده تبيعه ب 40 ! بس مب محصلتنها ..اللي عندها رقمها بليييز لاتبخل علينا

تصويري..


سُــمـــــك المصحف بالنسبه لــقلم الرصاص ....!!!!!


لايفوووتكم بنات صدق روووووووووووووووووووعه..امس قريت شوي وماصدقت اني خلصت اللي قريته بهالسهوووله

ومبــــــــــــــــــرووووووك عليكـــــــــــــــــم الشهـــــــــــــــــــــر مقدمــــــــــــــــــا....

وكــــل عــــــــام وانتــــــوووو الـــــى الـــلــــه أقـــــــــــــــرب ...

دعواتـكـــــــــــــــــــــــــــم ..

المزيد من آخر المواضيع من نفس القسم:

• من مظاهر التسامح الإسلامي الرحمة
• الصدقة وعلاقتها بالجهاد والنصر
• الهداية والثبات عليها
• الرحمن الرحيم جل جلاله
• الرحمة من لا يَرحم لا يُرحم
• العنف الاسري وقانون 10 لسنة 2019 الصادر...
• يعود ظهره طبقاً واحداُ
• الصحابة معجزته صلى الله عليه وسلم
• التسامح والرحمة في الإسلام
• صلة الرحم السعادة المهجورة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[@طيف@]

الغالية موضوعج رائع جزاج الله خيرا موجود في مكتبة الهدى في الخالدية تقريبا قيمة 60 درهم وإن شاءلله اكون افدتج

[! ميروه !]

فعلا المصحف وووووووايد حلوو .. وسهل وبسرعه الواحد يقدر يختمه

بتحصلونه في دبي بسنشري مول فووق مكتبه يم الالعااااااااب ,,

وبالتوفيج

[غصب البان]

وين ممكن احصله في العين؟؟؟؟

[فوشيَه]

الغالية موضوعج رائع جزاج الله خيرا موجود في مكتبة الهدى في الخالدية تقريبا قيمة 60 درهم وانشاءلله اكون افدتج

يزاج الله خير ..
اسعدني مرورج العطر

[جورية سعود]

من سنتين تقريبا أخوي أهداني هذا المصحف جزاه الله خير يقول إنه من مكتبة البلاغ في جميرة عند جمعية الاتحاد على فكرة حلو للختمة فقط أتحسين إنج قرأتي صفحة بس في الواقع إنج قارئة 5صفحات------ لكن للحفظ والمراجعة لا أنا أنصحكم بالمصاحف العادية وشكرا

[miss 36sah]

أمسات الوالده يابتلنا منه واااااااااايد ، وزعنا ع العايله ،

سوره البقره فيه 10 صفحات ونص ..!

واايد حلو ويخلييج تختمين القرآن بسرررعه =)

اللي تحصل منه تووزعه ع أهلها ، منها هم تسهل عليهم الختمه ، وانتي لج الأجر ^_^

وتسلمييين حبيبتي ~

[binttaiba]

بارك الله فيج يالغاليه

[وردة فلاح]

الغاليه انا سالت عنه في مكتبة دارالهجره الي في الشارجه قالي انه 150 او اقل شوي اونه لين الحين مب واصل عندهم وانا خاطري فيه لو تعرفين حد في المنتدى تبيع راسليني ع الخاص وجزاج الله الف خير

[فوشيَه]

فعلا المصحف وووووووايد حلوو .. وسهل وبسرعه الواحد يقدر يختمه

بتحصلونه في دبي بسنشري مول فووق مكتبه يم الالعااااااااب ,,

وبالتوفيج

يزاج الله خير الغاليه .. بس ماقلتيلنا السعر

[8نوف8]

أسمع عنه

بس ولا مرة شفته

اللي تعرف وين نحصله في العين تخبرنا

ويزاج الله خير يالغلا

[نور الح]

أنا حصلتة في مكتبة دبي ب90 درهم

[cute uae]

وين نقدر انحصله في راس الخيمة

[طموحي الجنة]

ما شاء الله

يبالنا ناخذ لنا واحد



جزاج الله خير اختي عالموضووع

[ام بدريه]

انا بعد عندي
خذته من وحده كانت تبيعه بس ب 40 درهم يزاها الله خير
فعلا المصحف وااايد روووعه يسهل على الواحد واييد