انفاكول

[جواهر الكون]

السلام عليكم خواتي.....
انا بنتي عمرها شهر و ارضعها صناعي وتعاني من الغازات و استخدمت معاها دوا انفاكول قبل كل رضعة وحسيت ان الغازات راحت عنها بس اللي لاحضته في بنتي اني من استخدمت الدوا وهي كله نايمه.....ورضعاتها قليلة....بليز ساعدوني يا امهات.....ابا حل.....
ع فكرة استخدمت معاها خلطة الينسون و الكراوية و المثيبة بس فادتها الخلطة مدة بسيطة و بعدين ما قامت اتسوي مفعولها......والسموحة اني طولت معاكم....

[حرم الياسي]

انا بعد بنتي عمرها شهر وشوي

ومافاد معاها شي الا انفاكوول >> بس مرات يوم المغص يكوون قوي مايفيد معاها

مع اني ارضعها طبيعي .. بس يوميا فيها غازاات



وصح ترا الدوا يرقد >> انا ماصدق يوم ترقد

[zoomyat]

ماعندي فكره عن هالدوا ... ماحب اعطي عيالي من البدايه ادويه احس يخرب مقاومتهم للامراض عقب

كله كان اعتمادي على الميثبه والجلجلان والينسون

[جواهر الكون]

بغيت اسالج حرم الياسي كم مرة تعطينها انفاكول في اليوم؟ وهل اقدر اعطيها الدوا كل يوم عسب اتخلص من مشكلة الغازات؟

[BabY_Sol3eiah]

حبيبتي الانفاكووول تعطينه البيبي 3 مراااات في اليوم

و قبل ثلث او نص سااعه من الرضعه

و ان شاء الله تروح الغازاات عنه

و لا تنسين تسويله ريااااضه عسب تروووح عنه الغازاااات (( يعني تمسكين ريوله من الكااااحل و ترفعينها لين توصل ركبته عند بطنه )) مادري فهمتي علي والا لا

[ام ضاويه]

أذا تبغون ترتاحون من الغازات انا كنت استخدم زيت خاص أشتريه من عند محل فالشارجه من الفلبين وعلمتني عليه وحده تفركين بطن البيبي تحت السره وبتسمعين الغازات تطلع وبيرتاح الياهل وماتم حد من ربيعاتي يوم انزل الشارجه لازم أشتري هالزيت وبتحصلونه فأي محل ايبيع مواد الصالونات بس أيكون فلبيني وأسالوه عن زيت الغازات حق الاطفال والكبار

[why]

هلا اختي
انا بنتي احين كملت 3 شهور كانت من ولدت عندها نفس مشكله بنتج انا بعد ارضعها صناعي
لا تعطينها انفاكول قبل كل رضعه عطيها فليل قبل اخر رضعه و بترتاح فليل وباقي اليوم عطيها ملوبا شاي الاعشاب مره و مره يانسون مع نبات فوريهم عنار لين ما الماي يتغير لونه وبترتاح انشالله مرات كانت تيي ايام تتعب وايد ومرات اقل بس تحملي لين شهرين وبعدين بتتحسن روحها بس لاتعطينها وايد انفاكول الان يسوي امساك ولو بغيتي اي شي تواصلي وياي علخاص وانشالله افدج