علاج البواسير بعد الولاده

[الخياله2008]

مراحب خواتي..
اختي من اسبوعين ربت بعمليه قيصريه.. ومن نهاية شهرها طلعت البواسير لها بشكل فضييييييييع حتى ماتروم تيلس.. وعقب ماربت سارت النور وسوا لها عمليه؟؟
وتخيلوا يوم ظهرت من العمليات تصيح تقول نفس الالم وكثر ويوم ياها الدكتور طبعا ثاني يوم الظهر قالها لا انا ماشلت اللحمه الزايده بس وسعت وعقب ثلاث اسابيع عملية ثانيه تخيلوا..
اختي ماتت صياح فوق هم عملية الولاده عملية البواسير ودكتوووووووووور فاااشل وما شال الالم يبون فلوس بس؟؟؟

بنات منو تعرف عياده تسوي عمليه بواسير بليزر وبدون جراحه والم.. وتكون في بوظبي..
ولو خلاص ماشي في بوظبي في دبي
بلييييييييز اختي وااااااااايد تعبانه..

[الشيخه حمده]

والله انا بعد ابا اعرف لان اختي ربت وصايرلها بواسير ياليت البنات يفيدونا ..

[frooha]

الله يشافيهم
ما اعرف بس حبيت اقترح دشوا ع القوجل وراح اكيد تلقون حل

[ستلا]

للرفع

[ام رشوودي]

تدهن المنطقة بزيت الخروع وبطيب

[أم وديمة26]

عندج عيادة الدكتور جهاد ف دبي ، بعد ما ربيت بطفلي الاول سويتها من غير الآم والحمد الله بس اللاسف بعد الولادة طفلي الثاني رجعت بس برجع عنده لان الصراحة من غير الآم .

[ليمونه الامارات وبس]

لا تروحين عند جهاد و لا غيره والله دعايه على الفاضي في المجلات انا رحت عنده وقص علي ولهف 4500 درهم مني علشان اشيل ناسور وهي قطعه لحم صغيره تطلع بعد ما تربين و كنت كل ما اروح الحمام يطلع مع الوسخ دم و الم فضيع قام حضرته و سوالي عمليه اليوم الواحد و شل الناسور و قالي بعد انتي عندج 4 بواسير درجه ثانيه بس ما شلهم لاني كنت تعبانه من الحبه الي برع (الناسور) المهم بعد اسبوع من العمليه ردلي الناسور و ساعتها اتصلتله و عصبت عليه و قلتله كيف جذي انا دفعتلك و ما قلتلي انه بيرد بعد اسبوع قام حضرته و قالي تعالي بشله مره ثانيه بس لا تدفعين شي.

بس انا موب غبيه ارد عند واحد شرات هالدكتور يلعب فيني ...قمت و رحت عند غيره و غيره و سولي ربط حق البواسير و عطوني كريم حق الناسور و تحميله وووو بدون فايده المهم كلهم طلعوا مادييين درجه اولي و الالم يزيد كل ما اروح الحمام و انا موب عارفه من شو و فوق هذا الناسور ذابحني ما اقدر اقعد فتره طويله قمت و اشتكيت حق ربيعتي و قالتلي عن دكتور في الجميرا عياده عدال الميركاتو دبي اسمه دكتور صلاح حداد وثاني يوم رحتله المهم قلتله ان الناسور طلعلي بعد ما ربيت باسبوعين و قلتله شو سوولي الدكاتره قام كشف علي و قالي شوفي اصلا ما يصير اي دكتور يسويلج عمليه بواسير الا بعد ما يمر 4 شهور على الولاده و قالي ان الليزر و الربط كله علاج مؤقت المهم قالي ان سبب ظهور الناسور الى هو قطعه اللحم الصغيره عدال فتحه الشرج من ال(pushing) وقت الولاده و قالي ان عندي شرخ شرجي من داخل فتحه الشرج هو الي مسببلي الم فضيع يعني الناسور ما يروح الا بعد ما يشيل الشر الشرجي و قالي ان البواسير الي عندي بعدها موجوده و ما بتروح الا بعمليه و هي الدبابيس ....المهم انا كان عندي ضمان صحي و عياده لدكتور تقبل بطاقه الضمان الصحي و اتخيلوا سويت العمليه و مت من التعب و الالم احس ان في شي داخل في فتحه الشرج اباهم يطلعونه موب عارفه شنو و سويتلهم مناحه في المستشفى المهم بعد العمليه لما رحت البيت الالم بعده كان موجود كل ما اروح الحمام و كنت اتصل في الدكتور و اشتكيله قالي كل ما اتسوينه روحي و حطي الجل المسكن الي وصفه حق نسيت اسمه بس صدق خف الويع و بعد اسبوعين صرت مثل الحصان صح بعد العمليه تعب بس لازم اتحطين الجل المسكن يج مثل الانبوب ادخلينه داخل فتحه الشرج و تضغطين عليه و بتحسين براحه و الله ذكرتيني كانت معاناه بس الحمدالله صرت بخير لا ناسور و لا بواسير حتي ما شي امساك المهم ما تاكلين فلفل لانها المسبب الرئيسي للبواسير و لازم تاكلين الياف و خبز اسمر و ترشبين ماي و ان شاء الله ربيعتج بتصير بخير

المهم اسم العياده صلاح حداد و هو عدال ميركاتو دبي و الله بنات انا ما اسوي دعايه بس صدق طلع الدكتور ولد حلال و موب مادي اهم شي ان الدكتور بيشرحلج كل شي و بيجاوب على اسالتج