صفحة 1 من 7 123 ... الأخيرةالأخيرة
النتائج 1 إلى 7 من 46
  1. #1
    عضوة


    رقم العضوية: 66539

    تاريخ التسجيل
    23 - 12 - 2007
    مشاركات
    97

    توضع للمواضيع المميزة فقط و لايحق استخدامها للمواضيع التجارية بنات اسمعوا قصتي وتجربتي بالصور ( استعمالاتي اليوميه)


    السلام عليكم ورحمة الله وبركاته

    هلا بنات اشحالكم شخباركم شو مسوين .. ان شالله مرتاحيين ..^^
    أكيد انتوا مستغربين اني منزله موضوع .. لاني اول مره انزل موضوع يخصني بها المنتدى لاني بس كنت ادوور من موضوع لموضوع آخذ شوية معلوومات من البنات الي تفيديني .. بنات حبيت انزل هالموضوع عن استعمالي الشخصي انا ما نزلتكم اياه الا اني متاكده من نتايجه مرضيه يعني للي انتوا تبون توصلونه ... ما بقلووولج والله هالمنتج خلاني بياااااض الثلج ولا بجذب عليج انا راح اقوولج كل شي بتفصيل الممل شو صار وياي .. بس في البدايه خلني اقولكم قصتي ...
    انا من النوع الي بشرتي جافه لدرجه فظيعه وتتحسس من اي شي احط بويهي المهم انا بديت احط المكياج بويهي اقووولج اياه بعباره صريحه يوم كنت 3 اعدادي كنت احب احط مكياج وكريمات اقلد خواتي الكبار ابي اكون حلوه شراتهم الله يسلمكن وانا احط واحط ويهي استوى معمل تجارب للكريمات المهم الله يسلمج ظهر لي حبوووب اول شي ظهر لي حبووب هالحمر الصغار ع الخد بس ها بعده ما نتشره .. شو سويت سرت اشتريت هذي اقنعة ما ركته هيملايا مال الخيار اذا تعرفونه .. المهم حطيته وتميت عليه وتميت استخدم وياه اسكنوووول مال الخيار ... وانا كان توزيعي غلط كنت ما اعرف انه يوم تمسكين الحبه لازم ما تمسكين منطقه ثانيه نظيفه المهم الحبووووووووووووب انتشرت بويهي كامل اتعرفون شو يعني دمار والله لو قلت لكم شو دمار ما بتصدقون كرهت عمري حتى عفان الله قلت الثقه الي بنفسي ما قمت احب اطالع ويه حد .. ما شي ثقه خلاص كيف اجابلهم بويهي المبقع حبووب وفوق ها كله اتعرفون يوم الحبه تمووت اتبقع بقع سووده .. شووووو والله ما خليت شي من الكريمات ما سويته .. حتى اني قمت انقع احط كريم فوق كريم لا والمشكله احط وايد ( جنه اليوم الثاني بيختفي )
    عقب وحده من البنات الله يخليها عطني كريم ما اعرف شوها قالت استخدميه هي تستخدمه للامانه بنات ما اقص عليكن استخدمته قولي قرابة شهرين وتمت الحبوب شوية تختفي ما اعرف من الكريم ولا الحاله النفسيه ارتحت انه ما شي حبه كلهن ما توا
    المهم انخطبت

    اكيـــــــــــــــــد مليتوا من القصه المهم بس بخبركم شو استوا وياي اتريووا شووي يوم انخطبت قلت لالالا لازم اعدل عمري اطلع غاويه بويه ريلي المهم شو سويت ع المعلومات الي عرفتها من الخوات تذكرت اشياء يعني انا كنت اشوفها من البنات وقلت خلني اسويها للعلم بنات بخبركم اذكر اهنيه تاجره ما بقول اسمها المهم قبل ملجتي بجم اسبوع طلبت منها كريم كان فيني نمش شويه نمش السودا ع البشره ابي اخفيها وخذيت منها كريم وايد مدحت فيه والله يا بنات انه دمر لي ويهي زياده انا ما صدقت انه طاروا الحبووووووووووووب وردت لي الحبووب والله قلبي انقبض وتميييييييييييت اصيح والله اصيييييح من القهر .. حسيت بالنبات الي يشكون من حب الشباااااااااب والله انه قلبي وياهم ....... عقب رديت عند ربيعتي وخذيت نفس الكريم الي عطتني قبل ترى هي تسوييه وغربلاتها ما تقولي شو تسوي فيه ومع جم من عنايه . بشرتي استوت صافيه الحمدالله لك يارب .. ما فيها اي بقع واي حفووووور بالبشره ةوالحين صار لي انا متزوجه 3 سنوات .. وما اشوف اي تأثير بقولكم ليش بس خلي صبركم شوي طويل علي ...


    اول شي كيف عالجت بشرتي
    في البدايه قلتلكم انا بشرتي جافه وتتحسس من اي شي احطه فيها هذي الادوات الي تعالج فيها ومستمره معاها لين الحين بقولج شو فايدت كل واحد منهم بنات اذكرج للحين ( هذا استعمالي الشخصي ) يعني انتي لا تسيرين تغيرين كريماتج ما ابي اقص عليج واقولج سيري حطي لانها وايد شي بنات في المنتدى احتاروا من كثر الكريمات والخلطات الي يسمعون عنها البنات انا بس حبيت اشاركم تجربتي




    الادوات الموجوده بشرح من صوب اليمين

    1- قطن
    2- اكسترا دريم ( مقشر للوجه) رقم اثنين بقولج معلوومه انا اخترت رقم اثنين لانه انا قلت النمش الي بويهي يو استخدمت كريم ربيعتي الي رمست عنه فوق يعني انتي بتستخدمين تدرج الارقام على حسب الحاله الي فيج خذيه ع النسب
    مثلا رقم 1 نسبة الترتيتنوين بيكون 25% ورقم 2 50% ورقم 3 75% ورقم 4 100% يعني بيكون قووي وايد ع البشره
    3- زيت اللوز
    4-سودو كريم
    5-قناع مكوناته( كركم - زنجبيل - زيت اللوز )


    طريقة استعمالي هالمنتجات

    استخدمت المقشر اكسترا دريم لمدة شهر هو اساسا ما تستخدمينه اكثر عن 3 شهور للتنبيه بنات انا اقولكم .. قشر لي ويهي من اول اسبوع راح اتشوفين نتايج اتقسير من 3 استعمال بتحسين بشرتج جافه مره .. انا اول ما حطيته حسيت بحرووق بويهي خفت قلت يمكن تحسس بس ها شي عادي رحت صوب المكيف وسويته وثواني راح عني
    ها في البدايات عادي لانه طبيعي بشرتج تتقشر ويلسعج شوي بس عقب عااادي يوم بتحطينه ما بيستوي لج شي



    ويوم خلصت مدت الشهر قمت استخدم المقشر بس الصبح عقب اغسل ويهي الظهر واحط كريم سودو وزيت اللوز علشان يرطب ويهي لاني قشره وبيكون جاف يبيله ترطيب والفليل استخدم كريم ربيعتي ويوم انش الصبخ اغسله بصابون عادي مب شرط بس اللهم يرطب ويهج انا استخدم صابون الكركم وساعات روز



    وتميت جذيه بعد قولي لمدة شهر

    بعد ما كملت شهر خلاص ما احتجت المقشر بس احتجته يوم تظهر لي حبه فوق الحواجب بعطيج معلوومه ترى المقشر يوم تظهر لج حبة الدور يقشر الحبه ويموتها انا آخذه كمعاي بس لها الشي حاليا لانه من عقب الشهرين ويهي صفه من النمش وما فيه ولا حبه الحمدالله يارب

    بعد ما كملت شهر تميت احط الكريم الظهر والفليل واستخدم كريم سودو وزيت اللوز العصر علشان ارطبه



    واسبوعيا حطي ها هالقناع استخدميه يومين في الاسبوع شو مميزات هالقناع هالقناع والله اول ما تحطينه اتحسينه شرات الدوا ولا الفكس حار يفتح مسامات بشرتج ما يحتاي اقولكم شو فايدة الزنجبيل والكركم وزيت اللوز للعلم هالماسك صناعه هنديه ... ويوم بتغسلين ويهج بتحسيين ببروده وبشرتج ناعمه



    وهذي هي استعمالاتي والله انها وايد فادتني بنات الي تبيه تستخدمه تستخدم كريمه الي هي مواضبه عليها مب لازم نفس كريمي سوي الشي الي انتي اتحسينه نفعج مب لازم اتسوين شرات البنات وتخربين ويهج خذيها مني ترى كل وحده على حسب بشرتها...



    اما عن شعري انا استخدم لشعري زيت دابر وزيت زيتون وجوز الهند اخلطه كلهم مع بعض واسويه لشعري احسه اوك ...



    لانه يت فتره خذيت حنه الانجووده اذا تعرفونه خذيته من العضوات انا ما اتعلم والله المهم اسويته حلوو كان نتيجته في البدايه حلوووه ومرضيه كلهم يسألوني شعرج استوى انعيم وطووويل وجذيه بس شو الفاايده اتهنيت فيه بس سنه بس عقب دمر شعري يعني قام يطييييح واستوا خفيف يعني من فوق غليظ ومن تحت خفيف شرات ذيل الحصان وصلت الفكره انا شو اقصد المهم عقب عالجته والحمدالله رد طبيعي نفس قبل ..



    من فتره لفتره اسويلي حنا + ماي ثوم + ماي بصل ( افور الثوم والبصل ) واضيفه للحنا


    وبعد اخذ للي حبوب مغذيه للشعر بس الصبح والعشا احس خففف تساقط الشعر


    ويوم اغسله هذا الشامبو والبلسم والماسك




    وجسمي الحمدالله نظيف لونه واحد موحد لانه كل يوم اعتني فيه واسويله اسكر ب وحمام مغربي في البيت وساعات في الصالووون




    1- بتحصلي سكريب
    2 - كريم ترطيب اي كريم عادي انا استخدم كريم القمح وساعات استخدم زبدة الكاكاو بس الحين مخلصنه عني بس زبدة الكاكاو نصيحه مني واااايد زينه تشد الجلد
    3- حمام مغربي
    4- جليسيرين تقدرين تستخدمينه مع زيت اللوز ( الفليل ) علشان يوم اتنشين الصبح تسبحين وتغسلينه



    وريلي وايدي يوميا قبل لا ارقد اسويلهم سكرب + كريم جرجنز للعنايه بالريل وايد الصراحه ضبط وياي
    كريم جرجنر وايد اوك للريل لانه فيه حليب جوز الهند وفيتامين هــ ^^







    بنات اتمنى انكم خذتوا معلوومه كيف تعتنون ببشرتكم وجسمكم مب لازم اتسوين 66600009898979 كريم سوي الي انتي ترتاحين له .. لاتسمعين كلام علانه وفلانه ترى انتي يوم بتحطين شي يباله صبر تقريبا شهر اصبر عليه شوفي مفعوووله كيف ..


    اتمنى اني ما ثقلت عليكم وكنت ضيفه خفيفه ...

    للامانه تعب شخصي بنااااااااااااااااااااااات ...

    اي استفسارات ولا سؤال راح اقولكم واجواب اهنيه مب لازم رساله خاصه علشان اعطيكم معلومه تعم للجميع ..

    مع السلامه
    التعديل الأخير تم بواسطة سمرة دلع ; 2009-07-11 الساعة 21:10

  2. #2
    تاجرة برونزية


    رقم العضوية: 37099

    تاريخ التسجيل
    09 - 06 - 2007
    الدولة
    دبي-ند الحمر
    مشاركات
    84,477

    افتراضي

    ما شا الله عليييج ماقصرتي الغااالية


    للتواصل مع المصممة ام مريم 0559570776
    http://forum.uaewomen.net/showthread.php?t=1188512



  3. #3
    تاجرة برونزية


    رقم العضوية: 62212

    تاريخ التسجيل
    25 - 11 - 2007
    الدولة
    منــــــــي مناك
    مشاركات
    1,317

    افتراضي

    ما قصرتي

    كفيتي و وفيتي

    ربي يوفقج و يرزقج بالذرية الصالحة

  4. #4
    عضوة


    رقم العضوية: 66539

    تاريخ التسجيل
    23 - 12 - 2007
    مشاركات
    97

    افتراضي

    اقتباس المشاركة الأصلية كتبت بواسطة المؤمنة دائما مشاهدة المشاركة
    ما شا الله عليييج ماقصرتي الغااالية


    تسلمين الغاليه ع المرووور

  5. #5
    عضوة


    رقم العضوية: 66539

    تاريخ التسجيل
    23 - 12 - 2007
    مشاركات
    97

    افتراضي

    اقتباس المشاركة الأصلية كتبت بواسطة محبة 86 مشاهدة المشاركة
    ما قصرتي

    كفيتي و وفيتي

    ربي يوفقج و يرزقج بالذرية الصالحة
    تسلمين ع المرور حبيبتي ويوفقج ياربي ويجبر الي بخاطرج ^^ ...

  6. #6
    نجمة برونزية


    رقم العضوية: 1198

    تاريخ التسجيل
    26 - 02 - 2006
    الدولة
    في حفظ ربي
    مشاركات
    3,936

    افتراضي

    يسلموووووووووووووووووووووو


    ((( استغفر الله العظيم وأتوب إليه )))



  7. #7
    نجمة براقة


    رقم العضوية: 7281

    تاريخ التسجيل
    02 - 08 - 2006
    مشاركات
    913

    افتراضي

    يعطيج العافيه ..حلولو كل وحده تخبرنا شو نفع معاها من الكريمات وغيره ..جزاج الله خير اختي ...


صفحة 1 من 7 123 ... الأخيرةالأخيرة


المواضيع المتشابهه

  1. جدولي وادواتي للعنايه اليوميه بالبشره^^ بالصور بالصور بالصور
    بواسطة يحراويه في قسم : العناية بالبشرة
    مشاركات: 58
    : 2013-06-13, 12:10
  2. اسمعوا قصتي وانتبوهوا على رياييلكم
    بواسطة أم راكان في قسم : الحياة الزوجية
    مشاركات: 75
    : 2013-01-07, 19:07
  3. السلام عليكم اسمعوا قصتي ياخبريات الشعر
    بواسطة قصايد الهاملي في قسم : العناية بالشعر
    مشاركات: 6
    : 2010-07-24, 21:48
  4. اسمعوا قصتي وارجوكم جاوبوني....
    بواسطة أم اليمامة في قسم : الحمل والولادة
    مشاركات: 31
    : 2009-01-28, 13:52
  5. اسمعوا قصتي ويا المكتب مال الخدم حسبي الله عليهم
    بواسطة قصة حنين في قسم : مجلس الأخبار
    مشاركات: 32
    : 2009-01-15, 03:47

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading