صفحة 1 من 3 123 الأخيرةالأخيرة
النتائج 1 إلى 7 من 20
  1. #1
    تاجرة برونزية


    رقم العضوية: 33312

    تاريخ التسجيل
    18 - 05 - 2007
    مشاركات
    2,805

    افتراضي تجربتي الفاشله في مستشفى الزهراء


    السلام عليكم ورحمة الله وبركاتة

    من متى اريد اكتب هالموضوع بس مب محصله وقت والحين الحمدالله ارتحت شوي وقلت بقولكم تجربت ولادتي في مستشفى الزهرااء

    بعد ما سمعت تجارب البنات قررت اولد في مستشفى الزهراء وعند الدكتوره نفيسه
    عند طريق الطوارئ يعني بدون مراجعات حمل

    قبل الولادة بيوم ما نمت عدل احس اني تعبانه ورحت الصبح العياده وقالت لي الدكتوره انه الرحم فاتح عندي 4 سم يعني عندي ولادة
    رحت البيت جهزت اغراضي
    ورحت انا وريلي المستشفى ودخلت عن طريق الطوارئ وطلبت الدكتوره نفيسه وقالولي لازم اروحلها عيادتها
    وانا في ضع ولادة رحت العياده وفحصتني وقالت لي انه الرحم فاتح 8 يعني ولادة وحولوني لقسم الولادة وطلبت ابرة العضل قالت لي ما تنفعج الحين بس الكمامه
    والحمدالله تسهلت اموري وولدت (بدون ما اخوفكم واقولكم تفاصيل الولادة كلكم تعرفون كيف نعاني والحمدالله الله ياجرنا )
    ولدت بالسلامه .......... وكل شي اوكي والحمدالله الدكتوره نفيسه وقت الولادة وايد اوكي
    وسوتلي خياطه على قولتها بترجعني عروووس بمهر يديد

    وبعد الولادة بدت المعانه البيبي يابوه لي مب منظف ولا مغسل ويمص صبوعه من اليوع فديته
    وبعد زيارة الاهل لي
    خذوه عني البيبي ......... واهني المفروض ارقد وارتاح لكن بدا الم وياي فضيع مكان الخياطه
    اتحسين جرح يعورج الم ما اقدر ارقد منه ضربت للنيرسات لكنهم عقب سنه يونا ويتااففن الاني ازقرهم وايد اقولها ما اقدر ارقد يعورني ابا مسكن اي شي قالت لي ما يصير عاطينج عقب الولاده
    وانا بتخبل من الالم يقولولي بنكلم الدكتوره ومن يروحن ما يرجعن انا والدة الساعه 6 المغرب وتعبانه
    لين الساعه 2 ما رقدت من الالم والنيرسات يرفقعن الضغط اسمعهن يضحكن ويا العمل الهنود وانا ميته من الالم لين فتنت عليهم الساعه 3 يابولي دكتوره وكانوا يقولولي انها مشغولة تراني انا بعد حاله المهم عطوني قبل ما اتي الدكتوره ابرة بروفين بس ماشي فايدة ويوم يت عطتني حبتين ورقدت
    يتني وعتني الدكتوره نفيسه 7 ونص ما فهمت شو تقول ترمس بسرعه وانا بعدني فاتحه عيني ابا اقولها عن الالم اقوها ما رقدت فالليل من كثر الالم قالت لي كل شي اوكي اكتبولها تحاميل فولترين
    وراحت .....نشيت وصحصحت احس بالم بس متحملتنه ..وطلبت النونوه الساعه 8 الصبح قالولي الدكتور يشوفه مرت ساعه ساعتين وانا كل ساعه اتصل واحصل عذر مره انبدله ومره الدكتوره بعده ماشافه بغيت اتخبل خفت البيبي فيه شي لين الساعه 12 يابوه والله يقهرووون
    اتخيلوا الادويه الي كتبته الدكتوره بعدهم ما يابوها وانا بتخبل من الالم ومن البيبي قلت خلاص بطلع شو هالعنايه الارف بدفع فلوس ويذلونا هالذل
    ساعتين بالضبط علشان يسون اجراءات الخروج وساعه علشان اييبولي الدوا الي كتبته الدكتوره
    كرهتهم والله وحرتلها مراجعة بعد الولادة وليتني ما رحت دفعت 350 حتى 10 دقايق ما يلست عندها شافت الخياطه وانا ما كملت 10 ايام من الولادة وراحت وقصت الخيوط والحين اعاني انه الجرح بعده مالتام وحتى ما شافت الرحم بالسونار تشوف الدم او الرحم رجع مكانه او اي شي ... وبنات بعد الولاده لمدة ثلاث ايام وانا اعاني من جرح الخياطه بطريقه فضيعه مب قادره ايلس وحتى تحاميل الفولتارين الي كتبتهم لي ما فادوني ولا البروفين ورحت مستشفى دبي عن طريق الطوارئ وعطوني مضاد حيوي 5 ايام وكريم فوسدين وحبوب مسكنه والحمدلله ارتحت وحسيت انهم مهتمين واايد فيني صدق الحكومي غير

    ............صح وقت الولادة اوكي لكن مافي عناية ابدا حتى البيبي ما يعتنوبه
    وهاي تجربتي
    التعديل الأخير تم بواسطة BusinesS_Women ; 2009-07-05 الساعة 14:39


    اللهم انك عفوا كريم تحب العفو فعفو عني



  2. #2
    نجمة مضيئة


    رقم العضوية: 76132

    تاريخ التسجيل
    15 - 02 - 2008
    مشاركات
    292

    افتراضي

    بصراحة انا ولدت عندهم وعند نفس الدكتورة بس بصراحة رعايتهم وايد ممتازة والممرضات اوكي واول يوم بعد الولادة جلست معاي ممرضة لين الصبح ورعايتهم للبيبي ممتازة مشاء الله قمة في الروعة ومتى ما اطلبهم بسرعة يجاوبون هذة تجربتي معاهم



    أحبـــكم ربي يحفظكم



  3. #3
    تاجرة برونزية


    رقم العضوية: 8855

    تاريخ التسجيل
    26 - 08 - 2006
    الدولة
    ,, عيـــ شــيخ الرياااييل ــون ,,
    مشاركات
    3,866

    افتراضي

    أخــــــــــــيرااا كــــتبتي قصــــتج يا أم عــلي

    من متى أتريااااااج

    بس الصــــراااااحة تعب,,, كله ولا ألم الجــراحة

    الله يعينج بس

    تستاهلين سلامتج و سلامة البيبي


    ع فكرة أنااا بعدي أنااااضل خخخخخخ

    مع أن موعدي فاااات




    My Dresses <<< For Sale



  4. #4
    نجمة لامعة


    رقم العضوية: 97788

    تاريخ التسجيل
    20 - 07 - 2008
    الدولة
    الامارات
    مشاركات
    549

    افتراضي

    الله يعينج اختي .. مع انه أسمعهم يمدحون مستشفى الزهراء بس الحين اشوف العكس

    كان لازم تشتكين للادارة و تطلبين تعويض عن اللي سووه في حقج وما تسكتين .. إنتي دافعة بيزات يعني مب ببلاش


    ربي احفظ أطفالي فهم أغلى ما أملك



  5. #5
    نجمة فضية


    رقم العضوية: 126276

    تاريخ التسجيل
    30 - 04 - 2009
    الدولة
    عيون حبيبي
    مشاركات
    5,126

    افتراضي

    الله يعينج

    بصراحه انا ولدت بمستشفى الزهرا

    عن تجربتي وبكل صراحه كل شي كان اوكي غير الخياطه الزفته إلي تمين اعاني منها شهرين فاضطريت اعيدها بمستشفى ثاني

    بس من ناحية البيبي

    بنتي نظفوها وسبحوها وحتى مسؤولة الرضاعة كانت تييبها لي عشان تعلمني كيف ارضعها وجيه

    وصح يوم اقولهم ابا الدكتورة تتاخر

    انتي تقولي انج انتي بعد حاله طارئه

    بس فيه بعد غيرنا حاله طائة والدكتورة تكون عندهم بغرفة الولاده

    فأكيد بتخلص بغرفة الولادة وعقب بتي

    فاهمه شعورج مريت بها الموقف.. الوحده بروحها تعاني ومحد عاطنها ويه

    بس بصراحه انا مافكرت غير بالخياطه الزفته إلي سووها لي

    الله يعينا بصراحه عالمستشفيات

    احترنا وين نسير

    يالله المهم ربيتي بالسلامه والبيبي بخير

  6. #6
    تاجرة برونزية


    رقم العضوية: 33312

    تاريخ التسجيل
    18 - 05 - 2007
    مشاركات
    2,805

    افتراضي

    اقتباس المشاركة الأصلية كتبت بواسطة uaq_g مشاهدة المشاركة
    بصراحة انا ولدت عندهم وعند نفس الدكتورة بس بصراحة رعايتهم وايد ممتازة والممرضات اوكي واول يوم بعد الولادة جلست معاي ممرضة لين الصبح ورعايتهم للبيبي ممتازة مشاء الله قمة في الروعة ومتى ما اطلبهم بسرعة يجاوبون هذة تجربتي معاهم
    ترا كل واحد وحظه وانا جي كان حظي معاهم تراني لو ما سمعت انهم وايد اوكي ما رحتلهم بس هاي تجربتي معاهم ......


    اللهم انك عفوا كريم تحب العفو فعفو عني



  7. #7
    تاجرة برونزية


    رقم العضوية: 33312

    تاريخ التسجيل
    18 - 05 - 2007
    مشاركات
    2,805

    افتراضي

    اقتباس المشاركة الأصلية كتبت بواسطة mousy مشاهدة المشاركة
    أخــــــــــــيرااا كــــتبتي قصــــتج يا أم عــلي
    من متى أتريااااااج
    بس الصــــراااااحة تعب,,, كله ولا ألم الجــراحة
    الله يعينج بس
    تستاهلين سلامتج و سلامة البيبي
    ع فكرة أنااا بعدي أنااااضل خخخخخخ
    مع أن موعدي فاااات
    هلا والله الغاليه اشحاااااااااااااالج ؟؟؟؟
    تعرفين مشغوله مع العيال ماشالله عليهم
    صدقج والله كله ولا الم الجراحه .............الله يسلمج والحمدلله مرحله وعدت... والانسان يتعلم من تجاربه
    والله يسهل عليج ... ولادتج ان شالله نصيحتي روحي المستشفى يمكن يسوولج طلق صناعي مب زين يطول الياهل في بطنج ....


    اللهم انك عفوا كريم تحب العفو فعفو عني



صفحة 1 من 3 123 الأخيرةالأخيرة


المواضيع المتشابهه

  1. مستشفى الزهراء ؟؟؟ مستشفى زليخة؟؟
    بواسطة نسياني صعب في قسم : الحمل والولادة
    مشاركات: 8
    : 2011-08-15, 14:07
  2. مستشفى الزهراء
    بواسطة محروق صبعه في قسم : الصحة و التغذية
    مشاركات: 0
    : 2010-09-14, 00:47
  3. تجربتي الفاشله مع جهاز عين الجمل
    بواسطة Rose Queen في قسم : عالم الطبخ
    مشاركات: 8
    : 2010-05-26, 22:57
  4. مستشفى الزهراء؟؟
    بواسطة !!m.f!! في قسم : الحمل والولادة
    مشاركات: 13
    : 2009-08-26, 15:34
  5. مستشفى الزهراء
    بواسطة miracle في قسم : الحمل والولادة
    مشاركات: 16
    : 2008-02-18, 11:41

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading