حبوب التبييض الخطيـــره ال Glutathione

**غــلا داري** · 2009-07-04, 00:53

هلا خواتي ..

بعــد انتشــار حبوب التبييض ف كل مكان ..ما صدقت انا ورحت الصيدلية اليوم وشريت لي حبوب الجلوتاثيون .. جنه .. هع .. الموهيم .. علبته لونه برتقالي وسعره 175 درهم فقط ..

وووو 250 غرام فقط سألت الدكتورة قلت له ابغي اعرف اضرار هالحبوب قالت لي ماله اضرار ..

وتأكدت من دكتور ثاني بعد .. وقلت لها ما شي 500 غرام قالت لا للحينه مب متوفر .. لكن تقدرين تاخذين حبتين ف اليوم بعد الاكــل .. ما في اي اشكالية ..

وهالعلبة اللي خذتها اليوم وبلعت حبتين ..

ف ياريت تفيدوني اكثــر .. قريت ف منتديات ثانية اونه احذركم ما اعرف شو خفت بصراحه

واتمنى خواتي تفيدوني ولا تبخلن .. واللي عندها اي معلومه .. تخبرني .. بلييييييييييييييييييييييييييييييييييز

ودمتن بــــــــــــود ..

**كشيخه بوظبي** · 2009-07-04, 00:58

انا قريت من خلال السيرج فالنت انها مب زينه
انا مب فاهمه كيف تبيض وكل انسان فيه صبغه خاصه فيه تحدد نوع لونه اسمر ابيض اسود احمر

واللي اعرفه عن حبوب التبيض هي علاج للكبد هذا اللي اذكره لاني من زمان قاريه المعلومه

**غــلا داري** · 2009-07-04, 01:02

ما اعرف وانا اللي قريته من النت .. ان يبيض المناطق الداكنه ف الجسم مثل الاكواع والرركب .. والمناطق اللي فيها مثلا خطوط الحمل او اي خطوط ف الجسم

والهلالات السوداء .. اويشل حب السباب بعد ويعيد النضارة .. وفوق هذا له فوايد غيره .. ما اعرف وانا لمه سألت الدكتورة قالت لي مجرد فيتامينات ماله اي اضرار او جوانب .. واختي بغت تاخذ لكنها ترضع قالت ما ينفع لها الاحسن لمه تخلص من الرضاعه ,, تستخدمها ..

والله أعـــلم .. نشوف راي الباجيييين ..؟