طريقة وضع كريم الاساس في الاعراس

**شيوخ البدو** · 2009-06-17, 12:33

مرحبا بنات
كيف الحال
خواتي عندي عرس يوم الجمعة وابا اتمكيج روحي
وبغيت سألكن عن كريم الاساس
كيف احطة بحيث ما يبين في المساماات
لاني يوم احط كيك بودر من بن ناي يتم باين في مسامات ويهي
عطوني الطريقة الصح بحيث يتم ثابت ومش مبين على ويهي
ومشكورات

**شيوخ البدو** · 2009-06-17, 12:56

مشكورة اختي

انا سمعت بعد عن الفازلين

يقولج جطي فازلين قبل كريم الاساس بس لا تحطينة على العيون علشان ما يخرب الاي شدو

يعطي منظر روعة

حد جرب هالطريقة

**UM_RSHOODEE** · 2009-06-17, 13:10

انا وايد يناسبني المكياج المائي مال بي ناي مع انه فيني مسامات واسعة بالعكس تخفيه اول شي انضف ويهي بالميلك و بعدين احط مرطب مناسب للبشرة الدهنية عشان تتحكم في الافرازات الدهنية وتصغر المسامات ما اعرف اسمه بالضبط اعرف انه من كلينك وعقبه اغطي العيوب بالكونسيلر انا احب ميك اب فور ايفر او ايف سان لوران القلم السائل وبعدين ابلل اسفنجة بالماي واحط الكريم الاساس المائي (بي ناي) احسه يخفي المسامات الواسعة اوزعه عدل ووحدة من الماكيرات في القسم نصحتني استخدم الكونسيلر ستيك من كيرولاين يخفي العيوب عدل بعدين احط البودرة واحسن يكون كومباكت لاني احسه يغطي عدل وزين للبشرة الدهنية ما تخليها تدهن بسرعة وعقب ابدي في المكياج من رسم العيون إلى اخره
اما اذا كانت بشرتج جافه وما ناسبج الكريم اساس المائي مال بي ناي فأنصحج اول شي بالكريم المرطب الاصفر من كلينك او الكريم الي يخفي المسام الي خبرتج عنه فوق وبعدين تحطين ستيك كونسيلر من كيرولاين وايد يغطي العيوب واختاري شي يناسب بشرتج ما يكون غير عن لون بشرتج وبعد ما توزعينه حطي كريم الاساس السايل الي ترتاحين عليه وبعدين تحطين الباودر ونصيحة اذا بشرتج جافة استخدمي اللوس باودر عشان ما يعطيج كأنه قناع على ويهج اذا استخدمتي الي كومباكت

وفي وحدة من الاخوات حاطة شرح مفصل عن اساس الويه قبل المكياج وموجود في هالقسم ومثبت بعد

**شيوخ البدو** · 2009-06-17, 13:21

مشكورة اختي

بس انا بشرتي مختلطة

**خوخه المنصوري** · 2009-06-17, 15:42

انا عن نفسي بعد ما اغسل ويهي واحط التونيك لازم اذا عندي عرس احط الماسك من كلارنس
وبعد الماسك في كريم من كلارنس تستخدمينه قبل الفاونديشن يعطي شوية لمعة وتغدي بشرتج ناعمة كنج عروس
بعدين احطي الكونسيلر من ايف سان لوران والفونديشن واللوس باودر
جربي الطريقة وبتظبط وياج هالمرة انشالله

**أم مغاوي** · 2009-06-17, 15:59

بن ناي قوي جدا

انا مرات احط فازلين قبل الاساس

لانه يظهر لي تشققات باساس بن ناي

ومرات احط اي كريم مرطب دوف نيفيا اي شي

ويوم اوزع البودر اوزعه بالفرشه

لاني لاحظت بالاسفنجه مايتوزع عدل

فـ اوزع بالفرشه عقب استخدم اسفنجه خاليه عشان تثبت البودر وتوزعه بشكل صحيح