اتفضلوا تقريري البسيط عن فندق layia oak ^^^دبي

هنادي22 · 02 - 06 - 2009, 20:45

مرحبا خواتي .. هذا اول تقرير مصور انزله في القسم ...

قررنا انا وريلي ان انغير جو وانسير دبي من عقب الامتحانات ... فاخترنا من موقع booking .com فندق لايا اوك لأنه كان من خلال الصور اللي شفناها في الموقع والسعر الانسب النا .. الموهم ... حسبولنا شقة غرفتين وصاله ومطبخ والله يعزكم 3 حمامات ب 781 درهم ... مع بوفيه ريوق...
وع فكره الفندق اربع نجوم وموقعه في البرشا قبل مول الامارات ... واسمحولي رمست واااااااااااااااايد بس بعد مااتشوفون الصور بخبركم شو الشي اللي ماعيبنا ..في هالفندق...

اول شي اللوبي ....

الممر اللي يوصل عالغرف....

الصاله ...

المطبخ حلو وفيه صحون وجدور وخواشيق ... يعني امجهز للي يحب يطبخ ...

الحمام الله يعزكم ....

الغرفة الرئيسيه ...

الغرفة الثانيه ....

واخر شي واحلى شي ... حوض السباحة ....

اللي ماعيبني في الفندق ... موقعة لأن المكان كله يشتغلون فيه والشارع بعد يعني ( منطقة انشاءات )

والمكاين شغاله على طوووووووول ... :12

الفندق مافيه خيارات للمطاعم يعني فيه مطعم واحد في الفندق واعتقد كافيه واحد ...

المنطقة اللي فيها الفندق وبما انها منطقة انشاءات فتفتقر الى اقل الخدمات مثل سوبرماركت ومطاعم ...

وفي النهايه اتمنى ان تقريري الاول في القسم يعجبكم ... وثاااااااااااااااااااااااااااانكس