صفحة 1 من 68 1231151 ... الأخيرةالأخيرة
النتائج 1 إلى 7 من 473
  1. #1
    مشرفة تحت التدريب


    رقم العضوية: 70618

    تاريخ التسجيل
    16 - 01 - 2008
    الدولة
    آللّهُمَ آفتَحّ لِ آبآبّ رَحَمّتِگ آرّزقـني مِنّ
    مشاركات
    92,186

    توضع للمواضيع المميزة فقط و لايحق استخدامها للمواضيع التجارية ملف تعليم السواقه خطوه خطوه بالصور



    السلام عليكم ورحمة الله وبركاته

    اخواتي العزيزات

    هذا الموضوع فتحته بعد ما شفت مواضيع الاخوات في البحث عن مدارس التعليم والمدربات

    وايضا ليكون مرجع شامل لكل متدربه تريد الحصول على الليسن

    اول شي بالنسبه لمدربات السواقه عندي الارقام بس اريد آخذ اذن المشرفات بوضعها في الموضوع لتوفير الوقت والجهد على الجميع

    والاهم انا تميت اقول لزوجي اريد مدربه ما اريد ريال وفي الاخير سمعت كلامه بعد ما جربت وضيعت وقت وفلوس المدربات الحريم ولا شي الريال يدرب عدل بتقولون هذي خبله

    بس هذي نصيحه لكل وحده تتدرب ترا اللي بيسوي لج الفحص ريال ليش ما تخلين هذي الرهبه تروح من بدري ولا تحاتين ان اللي بيسوي الفحص ريال وانتي مدربه عدل تيين يوم التراي تخربطين والسبه الخوف والخجل

    ثانيا نبدأ بالاوراق اللازمه والاجراآت الضروريه

    1 ) الاوراق المطلوبه :

    صورة جواز السفر
    خلاصة القيد
    صور شخصيه
    حضور ولي امرج (يعني اذا كنتي امعرسه شلي ريلج واذا لا ابوج)
    صورة جواز سفر ولي الامر
    مبلغ 100 درهم في المرور
    و 20 عند فحص النظر في المرور
    وفي المدرسه النظري 830درهم


    ثانيا : الدروس


    الدرس الاول : الريوس

    طبعا الحين بتقولون شو نسوي

    احب اطمنكم كلكم ان الباركنج والريوس جدا سهل

    بس الاهم هو ان الرهبه من السياره تروح

    وهذي ممكن نقضي عليها بالتدريب

    كيف ؟

    يعني سيارة الوالد او الزوج او الاخ او الاخت نطلع عليها كل يوم شوي في اماكن مافيها حد علشان نزيل الخوف وصدقوني بتكون السياره مثل اللعبه في ايدكم

    وبعد ما تروح الرهبه نجي للجد

    اختاري رصيف وحاولي تمشي بالسياره موازيه للرصيف مع الحفاظ على نفس المسافه

    المهم

    الحين جد الجد

    قبل التراي بفتره روحي خذي حصه وحده ريويس ( ساعه وحده بس ) وسجلي الخطوات في دفتر علشان ما تنسين وبعدين خذي ثاني يوم حصه وحده باركنج ونفس الشي سجلي الخطوات في دفتر وياريت تسجلينها وانتي مع المدربه علشان لو نسيتي تراجعينها

    هذي الخطوه وايد مفيده وبتوفر عليج جهد كبير وفلوس

    وخصوصا انا نحن الحريم طلعاتنا محسوبه علينا

    والله اني طفرت من الطلعه كل كم يوم تدريب

    ومن الخوف الله يسامحه المدرب كان يطلعني ساعتين ساعتين

    تخيلي تمين ساعتين تدربين باركنج بس وساعتين ريوس بس

    وان شاء الله بالتوفيق للكل وتنجحن من اول مره وهذي الصور

    وطبعا الشرح يكون على الاقماع الكبيره













    الدرس الثاني : الباركنج



    هذه صوره توضح الباركنج











    اذا في اي تعليق او ملاحظه انا حاضره او حتى تعديل وفي انتظار آرائكم واقتراحاتكم وتعليقاتكم

    ويتبع الشارع >>>>

    [/QUOTE]

    الدرس الثالث : الشارع




    في هذا الدرس اخواتي اولا بنتبع خطوات مهمه جدا علشان ما ننسى اي شي


    احفظي هذي الخطوات بالترتيب وبالارقام علشان ما تنسي


    1 ) ركبتي السياره عدلي الكرسي بحيث تكون قدمك مرتاحه مع البترول والفرامل لا بيعيده ولا قريبه


    2 ) عدلي المرايات بحيث تستطيعين كشف الشارع


    3 ) ضعي غيار الجير على ال D اذا بتنطلقي للأمام أو على ال R اذا بترجعين للخلف


    4) نزلي فرامل اليد وسيري على بركة الله


    وااااااااايد حلو
    شاطره وممتازه اذا طبقتي الخطوات بالحرف


    الحين يينا على التركيز في الشارع وكيف اتحكم في السياره


    ( يا ويلي لحقوني ما شايفه شي بالشارع غير الخطوط والطريق متر قدام السياره )



    طبعا هذا اللي انتي شايفتنه الحين وهذا طبيعي جدا انتي خايفه ومش قادره تركزين في شي غير مسافه صغيره قدام السياره ولا تخافي عادي مع الوقت بتبدين تشوفين حواليج وتركزين



    اول شي الستيرنج مال السياره خفيف وايد وما يحتاج لف قو بالعكس همسه يمين او همسه يسار بتتحرك السياره وياج مثل الشوكولاه
    هههههههههههههه <<<<<<< تنكت الاخت
    المهم
    علشان توزنين السياره اعتبري نفسج تمشين في الشارع بريولج بدون سياره وخلي نفسج في منتصف المسار اللي تمشين فيه مثل الصوره هذي






    حلو؟؟؟؟؟؟
    الحين تمي ادربي على هذي النقطه بسيارة البيت ولازم يكون وياج حد زوجج او ابوج او اخوج
    وخليج بعيد عن الزحمه الله يرضى عليج مو ناقصين مصايب بعدين تقولين ام الكباتن قالتلي
    انا ما يخصني
    طيب الحين وانتي ماشيه قابلج مطب وقابلج مرور مشاه واشارات
    وكل هذيل لازم تخفين السرعه
    طيب كيف نخفف السرعه
    نخفف السرعه بداية اللوحه اللي تحذرنا بوجود مطب او اشاره بالضغط على الفرامل بالتدريج

    طيب عند المطب لازم نخفف السرعه وايد بس مو لدرجة ان السياره توقف

    بما معناه ان السياره يتم فيها سرعه خفيفه تخليها تعدي المطب بدون ما ندوس بترول

    طيب الحين العجلات الاماميه عدت المطب الحين ندوس بترول ونبدى نتدرج في السرعه لين نوصل السرعه المحدده .



    اذا في اي تعليق او ملاحظه انا حاضره او حتى تعديل وفي انتظار آرائكم واقتراحاتكم وتعليقاتكم

    ويتبع باقي الشارع >>>> [/QUOTE]
    التعديل الأخير تم بواسطة Nsayem37173 ; 2009-12-24 الساعة 19:17


    00971552699376 _ PIN:2B4EE5E7
    أحدث تشكيلة قماطات امريكيهـ +اصبع التضييق مادورا + مشدات وكورسيهات



  2. #2
    تاجرة برونزية


    رقم العضوية: 2656

    تاريخ التسجيل
    17 - 04 - 2006
    الدولة
    الاماررات الحبيبة
    مشاركات
    726

    افتراضي

    أنا متاابعة ويااج ...

    ومشكوورة على الموضووع





  3. #3
    نجمة برونزية


    رقم العضوية: 94082

    تاريخ التسجيل
    10 - 06 - 2008
    الدولة
    عـسـى ربـــي يــخـلـيـك.. لـعـيـونــي .. وعــســى ربــي.. يــخلــيــنــي لـعـيـونــك . ,*~
    مشاركات
    1,727

    افتراضي

    وانا متابعه وياج حبوبه


    انا اليوم كان 3 تراي ,,

    الله يسامح الشرطي كيف يظهر الاغلاط

    اول مره ماغلطت بشي قالي " والله باليوتيرم استعيلتي " ... عديتها

    المره الثانيه" اعترف اني مانزلت "الهاند بريك"

    المره الثالثه " عصبت بويهه وقلت له شو غلطانه ؟ قال والله انتو الحريم ماتعرفون تسوقون ؟

    جان اكشر عن انيابي قلت له قولي عن غلطتي قول... جان يقول ماعندكم سيطره ع السياره !!

    قلت له انت شبلاك انا سقت عدل والدوار عدل والسرعه اوكي شو الغلط !! رد قال والله في الباركن

    مب جيه يبركنون مني والدرب..

    سكرت الباب وانا معصبه مع دعوه من خاطري..!!

    اانا بركنت صح ومتاكده !!!

    يمكن انه مالاحظ اني لفيت راسي بالقوووو ! بس انا شفت السيايير اللي وراي

    ماعليه

    لازم ننذل ويطلع من خاطرنا الــــــــــــليسن ,,





    ...



    اتريى تكمله الموضوع حبوبه ^^




    غلــطــتي أرخــصــت نفــســي . . يــوم أظويــتك بشــمــسي :~



  4. #4
    نجمة فضية


    رقم العضوية: 8298

    تاريخ التسجيل
    17 - 08 - 2006
    الدولة
    ابوظبي
    مشاركات
    6,301

    افتراضي

    اقتباس المشاركة الأصلية كتبت بواسطة حبگ سبانيے مشاهدة المشاركة
    وانا متابعه وياج حبوبه


    انا اليوم كان 3 تراي ,,

    الله يسامح الشرطي كيف يظهر الاغلاط

    اول مره ماغلطت بشي قالي " والله باليوتيرم استعيلتي " ... عديتها

    المره الثانيه" اعترف اني مانزلت "الهاند بريك"

    المره الثالثه " عصبت بويهه وقلت له شو غلطانه ؟ قال والله انتو الحريم ماتعرفون تسوقون ؟

    جان اكشر عن انيابي قلت له قولي عن غلطتي قول... جان يقول ماعندكم سيطره ع السياره !!

    قلت له انت شبلاك انا سقت عدل والدوار عدل والسرعه اوكي شو الغلط !! رد قال والله في الباركن

    مب جيه يبركنون مني والدرب..

    سكرت الباب وانا معصبه مع دعوه من خاطري..!!

    اانا بركنت صح ومتاكده !!!

    يمكن انه مالاحظ اني لفيت راسي بالقوووو ! بس انا شفت السيايير اللي وراي

    ماعليه

    لازم ننذل ويطلع من خاطرنا الــــــــــــليسن ,,





    ...



    اتريى تكمله الموضوع حبوبه ^^


    هههههه
    كله اختي مر علينا ,,,,,,,,

  5. #5
    تاجرة برونزية


    رقم العضوية: 114838

    تاريخ التسجيل
    25 - 01 - 2009
    الدولة
    UAE
    مشاركات
    6,181

    افتراضي

    عقبااااالنا^^





  6. #6
    مشرفة تحت التدريب


    رقم العضوية: 70618

    تاريخ التسجيل
    16 - 01 - 2008
    الدولة
    آللّهُمَ آفتَحّ لِ آبآبّ رَحَمّتِگ آرّزقـني مِنّ
    مشاركات
    92,186

    افتراضي

    شكرا اخواتي للمرور

    ان شاء الله باجر انزل باقي الموضوع

    تابعوا معنا


    00971552699376 _ PIN:2B4EE5E7
    أحدث تشكيلة قماطات امريكيهـ +اصبع التضييق مادورا + مشدات وكورسيهات



  7. #7
    نجمة براقة


    رقم العضوية: 47065

    تاريخ التسجيل
    03 - 08 - 2007
    الدولة
    ربــٍـٍـٍـٍي اغفـٍـٍر لـٍـٍـٍـٍـي
    مشاركات
    714

    افتراضي

    نتريآآآآآآآج عيل ...


    اللهم اني أعوذ بك من عذاب جهنم ومن عذاب القبر
    ومن فتنة المحيا والممات ومن فتنة المسيح الدجال




صفحة 1 من 68 1231151 ... الأخيرةالأخيرة


المواضيع المتشابهه

  1. مشاركات: 73
    : 2013-12-09, 12:22
  2. كرات الكنافه مع التوفي ( بالصور خطوه خطوه) لاول يوم رمضان
    بواسطة سفيرة دبـي في قسم : الحلويات الشرقية و الغربية
    مشاركات: 103
    : 2012-03-12, 16:10
  3. مشاركات: 444
    : 2011-03-15, 19:20
  4. دورت تعليم المساج خطوه خطوه وبصور
    بواسطة قرموشة في قسم : الحياة الزوجية
    مشاركات: 41
    : 2008-09-21, 00:38
  5. تنظيف الوجه في البيت خطوه خطوه و بالصور كمان
    بواسطة اسبرانسا في قسم : العناية بالبشرة
    مشاركات: 15
    : 2008-08-09, 12:29

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading