سينمـــا منــار مــول ((رأس الخيمــة)),,

**mayadah99** · 2009-05-30, 15:37

الســـــلام عليكــــم حبيبــــاتي,,,,بخبركـــم شــو صــارلي أمس في سينمــا المنار مــول
في رأس الخيمـــة,,,,

البــارحة رحنــا أنا وريـــلي وأختــي ((16 سنـة)) وأخــوي ((12 سنـة)),,السينمــا قراب العصر..
المهــم رحنــا عند الكاونتر عسب التــذاكر وكانت اللي عالكاونــتر فلبينيـــة ..امسوية بشعــرها
حركـات مال دلــع وحاطــة ميكـب اتقولون ســايرة عرس...المهـــم حجــزنا أنا وريلي 4 كراســي
جــان اتقولنا لا غيــروا هالكراسي لأنــها مكســـوورة,,,قلنا خلاص وغيرنــاها...

اهنيـــه بدت السالفـــة,,,سألها ريلـــي لييش الكراسي اكثرها مكســوورة,,,اتخيلوا,,,
ضحكــت ضحكــة بصوت عالــي ودلـــع ووقاحــة,,وشو كــان جــوابها,,,

((متيـــن سر,,,متيـــن ناس هم كسر كرســي...كــل نــاس يجي سينمــا متيـــن)) وتطالعني أنا واختــــي بنظرة خايســة,,
واترد تطالع ريلي بطريقة والله وقحـــة وتضحــك والله بنات ضحكــت صيع...انا طنشت حزتها وقلت ما بخرب الفيلم بسبة وحدة شــرات هااي...
اتريــــت متى يخلص الفيـــلم وعاطوول رديــت البيـــت وادق حق بدالــة المنار,,,قتله حق الريــال..ابغي ارمس مدير السينمــا,,,قاللي لازم اعرف المشكــــلة عسب اعطيــج الرقم,,
فقتلـــه,,,أتأسف الريال وعطــاني الرقـــم,,,

اتصلــت فمــدير السينمـــا ((مصــري)),,,وخبـــرته بالسالفة كلها...والله بنـــات عصب وانحــرج
وتــم يتأســـف وحليلــه ويستسمــح مني ومن ريلـــي,,,ووعدنــي إنهــا بتتعاقب وطلب مني مواصفاتهـــا واي كاونتـــر كانت عليــه والساعة كم كانت,,ووعدني انــه ما بيضيــع حقي..
وشكــرني عالشكــوى,,,والله كان ريــال طيب,,,وريحنــي من هالفلبينــة الخايســة,,,

الحيـــن قولولــي خواتي اللي سويتـــه صــح او كان لازم أطنــش,,,مع انه من القهــر والله
..

المزيد من آخر المواضيع من نفس القسم:

**mousy** · 2009-05-30, 15:41

زيـــن سويتي فيـــها هالخــايسة

تســـتاهل

**tmyz** · 2009-05-30, 15:43

ما شاء الله عليج === اتمنى لو كل وحده تشوف شيء غلط تبلغ عليهم مثل ما سويتي == بارك الله فيج اختي

**ام عبادي70** · 2009-05-30, 15:44

زين سويتي فيها
شو تتريين من ها الاشكال غير النظرات الوقحه والمسخره علينا الله لا سامحهم

**AD_MOON** · 2009-05-30, 15:45

انا ماداني الفلبينيات

احسن وصخات وحركات عليهن

**ليل** · 2009-05-30, 15:45

يا حبيبتي هالاماكن شي طبيعي تشوفين فيها هالمناظر اصلا هالاماكن ماتمشي بدون مايكون فيها حريم وغيره...

**بنت فلان33** · 2009-05-30, 15:52

تستاهل زين سويتي فيها

**جرح رمايل** · 2009-05-30, 15:53

ياليت بس يت عالكراسي المكسره، أنا من اسبوعين دخلت السينما انا وعيالي وطول ما انا يالسه اشم ريحة صلصه الناتشوز والريحه كانت واايد قويه واتخيلي طلع الكرسي اللي يالسه عليه متخيس بالصلصه وقمت عباتي من فوق لين تحت صفرا وريحتي وععععع

**mayadah99** · 2009-05-30, 15:53

مشكووورات والله حبيباتي...ريحتوونــــــي

**mayadah99** · 2009-05-30, 15:56

المشاركة الأصلية كتبت بواسطة جرح رمايل

ياليت بس يت عالكراسي المكسره، أنا من اسبوعين دخلت السينما انا وعيالي وطول ما انا يالسه اشم ريحة صلصه الناتشوز والريحه كانت واايد قويه واتخيلي طلع الكرسي اللي يالسه عليه متخيس بالصلصه وقمت عباتي من فوق لين تحت صفرا وريحتي وععععع

ايييه ما اتخييل الصراحة...لازم يلاقولها حل هالسينما والموظفين

**ليل** · 2009-05-30, 16:01

الله يرحم ايام سينما النخيل مع افلامهم الهندية مع الريحة والهنود اللي محاوطينج من كل مكان بعد تحسين ان السهرة لها متعه وطعم.. خخخخخخخخخخ

**ميـــاسة** · 2009-05-30, 16:03

زييييين سوييييتي

**فتاة راك** · 2009-05-30, 16:04

ماعليج يمكن يقولج هالكلام عسب يطمنج شو يعني بيعاقبها؟؟!!
يبوونهم جييه عسب يجذبوون الشباب ترا عادي عندهم

**mayadah99** · 2009-05-30, 16:05

المشاركة الأصلية كتبت بواسطة ليل

الله يرحم ايام سينما النخيل مع افلامهم الهندية مع الريحة والهنود اللي محاوطينج من كل مكان بعد تحسين ان السهرة لها متعه وطعم.. خخخخخخخخخخ

صدقج والله اختي احسن واريح من غير المعاملة الحلوة واحترامهم للقوانيـــن..

**جميلتي** · 2009-05-30, 16:07

حبيبتي الفلبينية موظفه مب من حقها تقول اي شي غير انها تعطيكم التذاكر

زين سويتي فيها

الموضوع: سينمـــا منــار مــول ((رأس الخيمــة)),,

أدوات الموضوع

عرض

سينمـــا منــار مــول ((رأس الخيمــة)),,

المزيد من آخر المواضيع من نفس القسم:

المواضيع المتشابهه

زي الروضـة للاولاد...روضة الاخــاء في رأس الخيمــة..

زي الروضـة للاولاد...روضة الاخــاء في رأس الخيمــة..

افضـل عيادة في رأس الخيمــة للأطفال....