صفحة 1 من 12 12311 ... الأخيرةالأخيرة
النتائج 1 إلى 7 من 82
  1. #1
    تاجرة برونزية


    رقم العضوية: 14916

    تاريخ التسجيل
    01 - 12 - 2006
    الدولة
    دبي
    مشاركات
    13,303

    gift تجربتي السيئة في منتجع باب الشمس


    السلام عليكم و رحمة الله و بركاته ..


    اليوم عندي تقرير سريع و بسيط عن منتجع باب الشمس .. كانت زيارتنا في أبريل 2009


    الحجز كان عن طريق الفون .. اتصلت و حجزت و عطيتهم رقم الكريدت كارد .. و كان عندهم عرض حلو .. إقامة ليلة وحده + عشاء في مطعم الحظيرة+ إفطار في مطعم الفرسان = 2100 درهم ..

    [أول غلطة] و لكن .. يوم وصلنا انصدمنا انه حجزنا كان متكنسل مع إني مجيكه معاهم قبله بيومين و قالولي الحجز موجود و كل شي ... و للتعوض طبعا عطونا غرفة ديلوكس (اكبر من الأولى) و بنفس السعر ..

    [ثاني غلطة] المهم عطونا المفاتيح و كالعادة ارسلو العامل ويانا عشان يوصلنا للغرفة .. و الفندق ماشاء الله جي كله دهاليز و تحوسين حوس لين توصلين غرفتج .. اول شي العامل ودانا مكان و تخيلو شو ... جان يقول اووه هاي الغرفة توهم ساكنينها مقفوله !!!! احلف انته بس ؟؟ هههههههههههه .. وانا ميته من الحر ابا اوصل الغرفه و ارتاح .. المهم لحق علينا موظف الريسبشن الي كان هناك بالغلط و يوم قرا رقم الغرفة الي على البطاقة شاف انها مب نفس الغرفة الي احنا جدامها .. فودانا الغرفة الثانية الي هي صح مالتنا و كانت في الجهة الثانية .. يعني امشووووووو بعد في الحر

    [ثالث غلطة] دخلنا الغرفة و كانت حلوة و وايد عيبني ستايلها و ديكورها ....... و لكن تمينا حدود الساعة نتريا اغراضنا الي ما وصلت لين الحين .. !!

    تفضلو شوفو الغرفة من داخل :















    يتبع ..

  2. #2
    تاجرة برونزية


    رقم العضوية: 14916

    تاريخ التسجيل
    01 - 12 - 2006
    الدولة
    دبي
    مشاركات
    13,303

    افتراضي

    [ترضية] على المغرب يابولنا كيكة حلوة ... و لكن [رابع غلطة] دش علينا العامل بدون استئذان .. بطل الباب و دش .. الحمدلله انه كان في ممر .......... الظاهر انه دق الباب بس ما سمعناه لنه كان صوت التلفزيون عالي .. بس زين ماشاف شي اندسيت بسرعه خخخخخخخ ..

    فالليل طلعنا سرنا مطعم الحظيرة... بس صدق صدق هالمطعم تمنيت انه الارض تكون اشنقت و بلعتني قبل ما ادشه !!! كله اجانب و لوووووووووووووث ... لا و غناء و رقاصه و طرب ........ صدق يعني حسيت جي للحظات انه شي ناس زينين ايون هني ؟؟ هههههههههه ... المهم كلنا و طلعنا بسرعه هههههههه .. صدق ارف .. حتى اكلهم مب هاك الزود ... لا و يقولج النفر ب 400 درهم !! على شو يا حسره هههههه ...

    ردينا الغرفة بالغولف كار لنه بعيد ......... و الصبح نشينا عشان نسير نتريق ....... و طبعا على المسبح كله اجانب و طبعا اللبس حدث ولا حرج .. حسيت عمري غير بعباتي لوول .. بس خيولوووووووووون بلادنا هاي و مكاننا ..

    هاي صور الصبح :





    هذا ريوقنا









    و الظهر قبل ما نطلع صورت البلكونة .. هيه حلوة بس يعني حر ..






    طبعا كانت هاي الزيارة حلوة لنه كنت ويا زوجي و استانسنا يعني ويا بعض الحمدلله بس ما ابغي اكررها مرة ثانية لأنه الفندق ما عجبني ... صح حلو بس الأجانب كرهوني فيه ......

    و تحياتي للجميع ..
    التعديل الأخير تم بواسطة Miss Cavalli ; 2009-05-22 الساعة 16:03

  3. #3
    تاجرة برونزية


    رقم العضوية: 32371

    تاريخ التسجيل
    13 - 05 - 2007
    الدولة
    الفجيرة وافتخر
    مشاركات
    5,572

    افتراضي

    يالله خيرها بغيرها ...

    خذتي فينا اجر عسب ما ننصدم شراتج

    ^^

    عيبني ديكور الغرفة والترتيب

    تسلمين على الصور الرائعة ,,,


    الحمدلله ربي رزقني شيخة البنات فطامي



  4. #4
    نجمة برونزية


    رقم العضوية: 10891

    تاريخ التسجيل
    01 - 10 - 2006
    الدولة
    ::فيــ قلبهــ::
    مشاركات
    2,189

    افتراضي

    الفندق واايد حلوو بس فس اشياااا مخربه عليه

    بس الحمدالله انكم استانستوا وغيرتوا جو



    اللهم احفظ أشواق وزوجها واسعدهم وارزقهم الذرية الصالحة



  5. #5
    نجمة فضية


    رقم العضوية: 78270

    تاريخ التسجيل
    26 - 02 - 2008
    الدولة
    ** في قلبــه **
    مشاركات
    5,584

    افتراضي

    من متا اتريا ها التقرير

    بس شكله حلوو والغرفه والبلكوونه روووعه والله اتخبلت ع الديكور بس لو سرتوا في شهر 2 او 3 احلى لان الجوو بارد

    يالله حبيبتي ماعليه خيرها بغيرها وان شاء الله تسيرين المره اليايه وياريلج والبيبي والله يسهل عليج يارب ويحفظكم لبعض
    التعديل الأخير تم بواسطة أحبـ M ـك ; 2009-05-22 الساعة 16:54


    يارب اسير العمره



  6. #6
    نجمة برونزية


    رقم العضوية: 61091

    تاريخ التسجيل
    20 - 11 - 2007
    مشاركات
    3,580

    افتراضي

    حلو المكان والله ^^

    بس تدرين لازم هاي السوالف تستوي وماتخلا اي طلعه من شوية حركات خخخ بس بشكل عام احس وناسه يعني ^_*

  7. #7
    تاجرة برونزية


    رقم العضوية: 14916

    تاريخ التسجيل
    01 - 12 - 2006
    الدولة
    دبي
    مشاركات
    13,303

    افتراضي

    اقتباس المشاركة الأصلية كتبت بواسطة وحدة صريحة مشاهدة المشاركة
    يالله خيرها بغيرها ...

    خذتي فينا اجر عسب ما ننصدم شراتج

    ^^

    عيبني ديكور الغرفة والترتيب

    تسلمين على الصور الرائعة ,,,
    هيه اذا بتسيرون حق الغرفة تراها تستاهل ........ بس لا تسيرون هالمطعم الي صدق انه حظيرة واع .. لوووول .. بصراحة مب حق الناس المحترمين ... و متندمة اني سرت والله لو ادري انه جي الجو جان ما عتبته ..

    اقتباس المشاركة الأصلية كتبت بواسطة أشواق_دبي مشاهدة المشاركة
    الفندق واايد حلوو بس فس اشياااا مخربه عليه

    بس الحمدالله انكم استانستوا وغيرتوا جو
    هيه اهم شي انه استانسنا الحمدلله .. يعني الواحد يشوف الاشياء الايجابية شوي ...

    اقتباس المشاركة الأصلية كتبت بواسطة أحبـ M ـك مشاهدة المشاركة
    من متا اتريا ها التقرير

    بس شكله حلوو والغرفه والبلكوونه روووعه والله اتخبلت ع الديكور بس لو سرتوا في شهر 2 او 3 احلى لان الجوو بارد

    يالله حبيبتي ماعليه خيرها بغيرها وان شاء الله تسيرين المره اليايه وياريلج والبيبي والله يسهل عليج يارب ويحفظكم لبعض
    صح الديكور حلووو وايد.......... بس المكان سخيف ...... و ان شاء الله بسير مكان احلى المره اليايه ...


صفحة 1 من 12 12311 ... الأخيرةالأخيرة


المواضيع المتشابهه

  1. تجربتي السيئة مع كريم التخسيس
    بواسطة فلفل بارد في قسم : مجلس الأخبار
    مشاركات: 39
    : 2008-07-01, 03:11
  2. منتجع باب الشمس دبــي جزء(2)
    بواسطة جويرية في قسم : السياحة في الإمارات
    مشاركات: 55
    : 2007-11-17, 14:13

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading