ٺآېـــلـڼـــډ ~ ّّّّّّّّّّّ`ّّّّ2009 ّّّّّّّّّّّ`ّّّّ ~

[Candy Licious]

الـسـلام عليـكم ورحمـة الله وبركـــاته ,,

أسعد الله اوقاتكن

حبيت اسوي موضوع عشان الكل يستفيد وانا استفيد منكم منها معلومات فقط اتخص [تايلند Thailand]



واتقبل على الرحب والسعه استفساراتكم لأي شي يخص تايلند
والموضوع متعوب عليه وهاذا من جهدي الشخصي ----> Candy Licious

الموضوع يشمل كالتالي :-

1- اسعار التذاكر

2- الفنادق

3- المطاعم

4- أفضل الصرافين في منطقة شارع العرب او انسميها منطقة نانا nana

5- الاماكن الترفيهيه

6- الأسواق

7- تجارة

8- درجة الحراره في الصيف أو الاجواء

9- سبا Spa

10- منتجعات

11- أفضل المستشفيات

12- المدن الداخليه في تايلند وكيفية الحجز وتنظيم الرحلات .....الخ



انتهيت من موضوعي واتمنى استفساراتكن للكل يستفيد و اللي عندها صور او غيرها عن تايلند
تتفضل اتحطه في هالموضوع

ملاحظه :-
الاستفسارات فقط على > العام <

جميع الحقوق محفوظة © Candy Licious

المزيد من آخر المواضيع من نفس القسم:

• بسافر لكن ،.........
• رحلة ^الدماني^ إلى عالم والت ديزني -...
• سكن فى كولون ارجوكن
• كافيه الكورن فليكس Cereal Killer Cafe في لندن
• رحلة الي إيطاليا
• رحـــلتنــا عــبــر الخــطــوط البـــريــة...
• رحلة ^الدماني^ الساحرة إلى مراكش الحمراء
• رحلتي الى ارض الجمال اوربا من 7 الى 28 /8...
• رحلتي إلـــى ماليزيــــا ( الرقم١ ) شعارها
• رحلة راهيه دوم الى نيويورك أرض الحرية :)

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بدر0البدور]

كملي أتريا الموضوع كامل

[ملسوونه]

هلا الغالية

بصراحه أشكرج على الموضوع الحلو .. وأكيد منكم نستفيد

الغالية بغيت أسألج بالنسبة للصرافين .. شو أحسن صراف في حي العرب؟ وتعرفين كم سعر البات ألحين يعني ال 1000 مالنا كم بات تصير؟

وفي شهر 6 كيف الجو بيكون عندهم؟؟

وبغيت أسألج بعد عن بوكت لأن ناويين نروح نقضي هناك 4 أيام فيها .. شو أحسن فنادقها وعلى كم الأسعار اذا تعرفين وأهم شي تنصحينا نتسوق هناك ولا في بانكوك بس؟

ومشكورة الغالية

وأكيد لي عودة ثانية بأسئلة ثانية بما اني بسافر تايلند هالصيف

[Candy Licious]

هلا الغالية

بصراحه أشكرج على الموضوع الحلو .. وأكيد منكم نستفيد

الغالية بغيت أسألج بالنسبة للصرافين .. شو أحسن صراف في حي العرب؟ وتعرفين كم سعر البات ألحين يعني ال 1000 مالنا كم بات تصير؟

وفي شهر 6 كيف الجو بيكون عندهم؟؟

وبغيت أسألج بعد عن بوكت لأن ناويين نروح نقضي هناك 4 أيام فيها .. شو أحسن فنادقها وعلى كم الأسعار اذا تعرفين وأهم شي تنصحينا نتسوق هناك ولا في بانكوك بس؟

ومشكورة الغالية

وأكيد لي عودة ثانية بأسئلة ثانية بما اني بسافر تايلند هالصيف

اولا ً اشكرج على التواصل
ورحلة موفقه بإذن الله
احسن الصرافين في بانكوك : أبو داوود
الغلا انا افضل الدولار ,,
بس اذا 1000 درهم = 9360 بات
انصحج تتسوقين في بانكوك اكيييييييد
بوكيت فيها اسواق لاكنها بسيطه ومعظمها في بانكوك ( العاصمه ) ,,
الجو : في شهر 6 " يحل فيها امطار موسمية + حرارتها يوميا ً لايتعدى 24 درجة ( بانكوك )
اما في ( بوكيت ) يختلف الجو كليا ً .. الجو بارد و روعه و لايتعدى درجة الحراره 21

بالنسبه لفنادق بوكيت عندج اختيارين :-

1- منتجع ميلينيوم .. منطقة باتونغ
الغرفه اسمها : superior super
سعرها : 4 ايام و 3 ليالي = 1164 درهم
( الاسعار تختلف من غرفه لاغرفه )


2- شيراتون جراند .. منطقة بانغ
الغرفه اسمها :
garden = 1157
lagoon = 2326
pool access = 2888 نظام المسبح
luxury = 2425 راقي
4398 = lagoon villa نظام الفلل

( السعر يشمل 4 ايام و 3 ليالي + الإفطار + الضرائب + الخدمه = في اي غرف من هالنوع )
(بالدرهم)

وفي فنادق احلى واحلى بس هاذا طبعا ً عن تجربه شخصيه


واتقبل اي استفسارات ثانيه
وتسلمييين على المرور

[Candy Licious]

كملي أتريا الموضوع كامل

حبيبتي الموضوع كامل و الكامل الله
وفي هذا الموضوع انا اجيب على اسألتكم و استفساراتكم من حيث المكتوب في الموضوووووع
والف الف الف شكر لج على المرور

[راشـ أم ـد]

موفقه الغلا

[Candy Licious]

موفقه الغلا

لج بالمثل يالغاليه
اسعدني مرووورج
وبانتظار التفاعل باقي العضوات ,

[Candy Licious]

بالنسبه للصرف صح ابوداوود الاغلب يكون الافضل..بس احيانا التايلنديه اللي داخل السكه تعطي اسعار احلى...ناسيه اسم صرافها ...بس هي اللي محلها داخل على ايدج اليمين ثاني محل صرافه....فيهن بنتين محجبات.....

وبالنسبه لبوكيت ممكن تحصلين فنادق ارقى وبسعر اقل لا تنغرين باسامي الفنادق الشهيره .....
وانصحج تحجزين عن طريق ماما نوي عندها مكتب في المطار اول ما توصلين بوكيت....بس قوليلها راوينا الفنادق اول شي ...يعني لا تحجزون من البروشور....سيروا وشوفوا الفنادق وشيكوا على الغرف عدل هذا من حقكم...وكاسروا في السعر....احيد حجزت اخر مره في فندق فيه نفس شاليهات داخليه تكون على المسبح....بالعاده كنت اخذهن ب3الاف ..عن طريقها اخذت الكوخ ب2400 بات يعني 250 درهم.......وصدق في قمة الرووعه.....

اسعدني مرورج جدا ً ..
بالنسبه للصرف ابودوود ماشي عقبه
و عن الفنادق اللي في بوكيت طبعا ً ميلينيوم وشيراتون عن تجربه شخيصه
ما احب اكتب شي وانا ماجربته
وطبعا ً مثل ماقلت انا في احلى و احلى بواايد بعد وتقدر اكيد تاخذها بسعر ارخص عن اللي قلته
عند المكتبات السياحيه والشحن في بانكوك ( شارع العرب) عند السكه
و (ّّموسى البانكوكيّّّ) هو افضل مكتبات الحجوزات في حي العرب ينظم الرحلات الداخليه و الدولية و حتى حجوزات الحدائق وغيره ضمان السائقين في اوقاتهم
وانا اتعامل وياه من سنييييييين طويله

واي استفسارات .... انا حااااااااااضره

[●●ندى الروح●●]

موضوع واااايد حلو بينفعني وايد

يزاج الله خيرحبيت اسالج بالفاصيل

لو الحين انا قررت اسافر تايلند ابا اعرف كم اخذ من الميزانيه

يعني حق التذكره+الفندق+الرحلات +التسوق اهم شي
وشو احسن طيران نسير عليه
وشو احسن فندق هناك
وشو حسن محل حق التسوق
ومثلا فتايلند هناك عندهم شي ب 200 نحن كم بتكون عندنا فالامارات؟
وحبيت اسالج عن محل اسمه طوكيو او كلمه قبل عقب طوكيو
هالمحل كيف اسعاره؟
ومتى احسن وقت نسافر فيه لاني ابا اسافر على شهر 1

[Candy Licious]

موضوع واااايد حلو بينفعني وايد

يزاج الله خيرحبيت اسالج بالفاصيل

لو الحين انا قررت اسافر تايلند ابا اعرف كم اخذ من الميزانيه

يعني حق التذكره+الفندق+الرحلات +التسوق اهم شي
وشو احسن طيران نسير عليه
وشو احسن فندق هناك
وشو حسن محل حق التسوق
ومثلا فتايلند هناك عندهم شي ب 200 نحن كم بتكون عندنا فالامارات؟
وحبيت اسالج عن محل اسمه طوكيو او كلمه قبل عقب طوكيو
هالمحل كيف اسعاره؟
ومتى احسن وقت نسافر فيه لاني ابا اسافر على شهر 1

يامرحبا بج اختيه [ندى الروح]نورتي الموضوع
من أفضل الطيارات لرحلة الى بانكوك "الإتحاد للطيران " بوظبي - بانكوك - بوظبي

ويوميا ً رحلات الى تايلند عندهم وقتين:-
- الصباح : الساعة التاسعة . صباحا ً
- المساء : الساعة التاسعة . مساءا ً
الأفضل لي طبعا ً و للجميع انصحهم يأخذون رحلة المساء لأنه الصبح متعبه ووقت التجهيز لازم تكونين سهرانه وانا جربت رحلت الصباح و اختياري و أفضل رحلة المساء
للذهاب : المساء يعني في المطار من الساعه 5 العصر ( بتوقيت الإمارات)
العودة : أيظا ً المساء من اساعه 3 او4 العصربالكثير انتي في المطار ( بتوقيت بانكوك )

وبالنسبه للفنادق .. يعتمد على نوعية الغرف لأنه الاسعار تختلف من غرفه لغرفه

منطقة حي العرب او nana :-

1- جراند سوكومفيت باي سوفيتيل في شارع (6) بس يفصل منطقة العرب شارع grand sukhumvit hotel by sofitel روعه بمعنى الكلمه
2- بيل اير برنسيس في المنطقة نفسها شارع (5)

منطقة سوكومفيت (شارع كلونغتون) :- ( بعيده شوي عن منطقة العرب)

1- امبيريوم سويت

وجربت بعد انتركونتينتال بس سعره الليله 800 درهم اواكثر
انصحهم يلي بيطولون في بانكوك مايسكنون في فنادق معروفه لأنه سعرهم مبالغين فيه
وفي فنادق وااايد احلى واحلى وطبعا ً اللي ذكرتهم عن تجربه شخصيه



بالنسبه لسعر التذكره على طيران الاتحاد
بحدوود الـ 2500 درهم و اقل
بالنسبه لاسعار الفنادق على حسب كم يوم بس انا اعطيه بحدود 2300 درهم وشوي لمدة اسبوع ويمكن يكون اكثر
بالنسبه للتوسق بحدود 5000 درهم واذا حبيت ازيد
يعني نحن عدنا 5000 درهم = 49,000 او 48,000 بات ( عملة تايلند )
بأمكانج تنظمين رحلات في مكتب ( موسى البانكوكي)
بوكيت(لمدة 4 ايام او اكثر تستاهل) , بتايا (لمدة يوم واحد لأنه لاتصلح للعوائل) , شنغماي ..
وبالنسبه للسوق اللي قلتي عنه طوكيو
هاذا مب محل هاذا عباره عن سوق كبير او انسميه عدنا (مول)
وهو بالحقيقه اسمه MBK وتقدرين تسمينه بعد Tokyu
وعندهم اغراض بالجمله ورخيصه وسعره وايد مقبوله ورمزيه
وكاسريييييييييييييييييييييهم اهم شي تكاسرينهم على الاسعار
ولو قالولج مانقدر وجي خلاص سيري عنهم و عقب هم بيزقرونج هههههه ( هاي خطتيه )
الاسواق عندج
1- امبوريوم ( كله ماركات عالميه )
2- روبينسون " منطقة العرب " اسعاره وايد حلوه و كله صناعة اسبانيا و امريكا و غيرها ..
وتحتوي طابق الملابس رجالية ونسائية و ملابس داخليه للنساء و اكسسوارات وشنط و احذيه
3- سيام براغون ( امووووووووت عليه ) راحه نفسيه فيه هالمول تتسوقين علىكيف كيفج و في بعد ماركات و متجر كبير داخل اسمه سيام براغون يبيعون اللي يخطر في بالج
4- سنترال شيدلوم طابق مخصص للأحذيه والشنط + طابق مخصص للملابس و مستلزمات النسائية
وبعد في محل طابق الـ 3 اذا ماخاب ظني او الـ 4 بتلاقون محل صغير اسمه ZEN يبيعون حق الطلبه المدارس و الجامعات و الكليات ..
5- سنترال وورلد ( حلوووو بعد)

يعد شهر 12 و 1 من أفضل الأشهر للتسوق بتقولون ليش
لأنه في تنزيلات و هالتنزيلات مب نفس اسواقنا بس ينقصون 5 هناك يكون 70 % او اكثر وفوق هاذا خذتي شي مثلا ً نعال وتحصلين بعد نعال مجانا ً
والاجواء في هاذا الاشهر تكون الحراره مرتفع عكس الصيف برد اشوي

ومثلا فتايلند هناك عندهم شي ب 200 نحن كم بتكون عندنا فالامارات؟
= 19 درهم او 18 درهم

اتمنى فدتج في اشياء كثره ومن جهدي الشخصي للأمانه

[احتاجك..]

فديتج والله ثانكس غناتي

[أحبـ M ـك]

تسلمين الغاليه والموضووع واايد حلوو ،،

بس عندي كم استفسار تعتقدين اي شهر بوكيت تكون اوكي في جوها وفي فعالياتها من شهر (( 10 ولا 11 ولا 12 ولا 1))


وبعد ابا استفسر بوكين فيها شاليهات يعني شاليه وفيه حوض سباحه خاص وع كم الليله ,,

[cat.5]

الصراحه الموضوع وايد حلو ومفيد حق الي بيسافرون تايلند

بالنسبه للصرف و السكن نحنا دايما نسكن في بتونام كل شي حذالنا والصرف حتى اصرف في بتونام عند واحد تايلندي وشي مطعم ايراني الصراحه لذيذ يعني ما نسير شارع العرب الا اذا حق محلات النعله والشحن لانه الصراحه وايد زحمه
وبالنسبه للطيران فا افضل طيران الاتحاد

وان شاء الله بحاول احطي صور عن جزيرة شنغراي

وشكرا اختي عالموضوع

[ملسوونه]

ومشكوووووووووووووورة الغالية على الأجوبة

وأكيد لي عودة بأسئلة أخرى

[النور والسرور]

موضوع رائع جدا

الغاليه انا سمعت ان في أسواق شعبيه وااااااايد رخيييصه
وممكن تحصلين أشياء حلوه عندهم
ممكن تفيديني أكثر بأسماء هالأسواق ونوعية البضاعه