ممكن مساعدة في أفضل طريقة لشوي اللحم فالفرن؟؟

**أم سيف 2006** · 2009-05-05, 13:43

الســـلام عليـــكم ورحمــة الله وبركـــاته ,,

خواتي .. ريلي ما يعيبه اللحم المشــوي اللي تسويه الخدامه ، وطلب مني أسوي قدامها بيدي (واثق ان طباخي دوم أحسن.. بمساعدة موقعكم طبعاً ههههههههه ) .. المهم أبغي وصفة تبيض الويه,,
أهم شي ,, ما يكون اللحم وايد ناشف يوم أقدمه ,,
يحب زوجي الصلصة الحمرا مع المشوي,,
وافترضوا قطعة اللحم من اليد أو الورج ,, أو الظهر ,,
وياليت ما تحوي الوصفة أوزان وجرامات وكيلوواات وأرطال ,, لو بالحبة والملعقة الصغيرة والكبيرة يكون أحسن ^_____^

ويزاكم الله خيـر خواتي ,,

المزيد من آخر المواضيع من نفس القسم:

**أم مها11ري** · 2009-05-06, 21:32

مااقصرتي بيرلا
تسلمين حبيبتي

انا اليوم سويت افخاذ في الفرن
تبلتهم بليمون وملح وبزار وزيت زيتون وزيت عادي وكركم وفلفل اسود مممممم وزنجبيل
لفيتهم بالاالومنيوم ودخلتهم الفرن,,,عقب ماانضى اللحم فجيته وخليته تحمر شووية
وسلاامتج

**ro0o0osa** · 2009-05-06, 22:08

تقدرين تستخدمين اجياس الفرن اللي تحطينها فيها اللحم او الدياي او السمج تخليها تنضي عدل عقب اظهرينها منها وتخلينها تحمر

**أم سيف 2006** · 2009-05-11, 14:41

مشكووورة أختي (بيرلا ليتشي) .. الوصفة عجيبة وسلمــــت ايدج ..

------------------------------------------------

و أختي الغالية أم مها11ري .. طريقتج بعد شكلها تحافظ على طراوة اللحم وهاللي يهمني .. ^_^ مشكورة

--------------------------------------------------

ومشكورة عزيزتي ro0o0osa ,, فكرة أجياس الفرن بعد حلوة ..

وجزاكن الله خير خواتي الكريمات

**فديتني ريماني** · 2009-05-11, 15:54

لول ومنكن نستفيد

**ام جواهر 64** · 2009-05-11, 16:59

طريقتي يطلع اللحم فية بعد طري فية صلصة اول شي تكون قطعة اللحم كبيرة مش وسط او ممكن اتصغرين بس مش كثير فوري اللحم باعواد الدارسين وحب الهيل وحب الفلفل الاسود ومسمار نص استوى وبعدين طلعي اللحم وسوي خلطة (بصلة مقطعة صغار صغار حمريها مع شوي زيت وفص ثوم مدقوق وممكن الاستغناء عنة وضيفي البزار البحريني الخاص للمشوي او اي بزار مع شويت كركم ودارسين مطحون وملعقة معجون طماط وملح وارفعية عن النار بدون ما تحترق البهارات وخففي الخلطة بالماء بس مو وايد يعني قوام متماسك ممكن مثل صلصة البيتزا وبعدين تدهنين اللحم فية واذا تحبون الحموضة حطي ليمون بالخلطة وحطي اللحم بصينية وصبي الباقي من الخلطة مع ماي تفويربالصينية اللحم وخلطي شوي زعفران مع ماي ورد وصبية على اللحم ويعدين ممكن تحطين بالحينية قطعة فليفلة للريحة وغطي الصينية بالقصدير ودخليها الفرن ليما يستوي اللحم تماما ولاتخلين كل المرقة اللي بتتكون تجف وسوي وياه عيش مع الهيل وحطي فيه مكعب ماجي وعود دارسين وشويت حشو نثري فوق العيش وحطي فوقه المكسرات المقلية والبصل المقلي وبيضة فوريها وبعدين قليها وهي مفوررة وانا ما احط البيض لاني ما احبة وحطيه جدام بو سيف وودري عنج طباخ الخدامة (((اقرب طريق لقلب الرجل معدتة ))) حتى الخدامات يقولن (((اقرب طريق لقلب ارباب ماما مافي انا سوي اكل بابا وبجا (ومجرب هذا الكلام )لان الاكل يبعث ذبذبات بين اللي ياكل واللي يطبخ والله هذا الكلام ربيعتي سمعته من دكتورة معروفة )) وسورررري طولت عليج وبالعاقية

**مون 55** · 2012-08-01, 16:39

مشكوره وايد ......

الموضوع: ممكن مساعدة في أفضل طريقة لشوي اللحم فالفرن؟؟

أدوات الموضوع

عرض

ممكن مساعدة في أفضل طريقة لشوي اللحم فالفرن؟؟

المزيد من آخر المواضيع من نفس القسم:

رد: ممكن مساعدة في أفضل طريقة لشوي اللحم فالفرن؟؟

المواضيع المتشابهه

خبيرات الطبخ ممكن طريقة السوبريم المشوي فالفرن

ممكن ؟؟ (( أفضل طريقة لغسل الشراشف والكفرات))

(((اللحم بالعجين))) اريد طريقة مضبوطة.. ممكن ؟؟

ممكن طريقة اللحم المشواي

ممكن مساعدة في طريقة بسكوت عين الجمل