طريقتي في تفتيح المنطقة الحساسة :)

[± وجدان ±]

السلام عليكم
شحالكم بنوتات انا ترددت قبل مااحط الموضوع ، استحيت بصراحة بس توكلت على الله وقلت بحطه
اولا هذي تجربتي ومب منقولة ، وصارلي اسبوع وشي استعملها الحمدلله مامنها ضرر

طريقتي واااااااايد سهلة
هاتي اسكنول وحطي فيه شوية نشا يعني 3 خواشيق اوكي
وهاتي كريم الدوكين فورت ( كريم تبييض طبي ومافيه كرتزون ولا شي )
من تنشين الصبح هاتي قطنة وامسحي فيها المنطقة الحساسة ( طبعا القطنه فيها اسكنول اقصد )
وعقب خليها شوي لين المنطقة تنشف وحطي الدوكين
اوكي الحين انتي بتروحين الدوام وبتردين الظهر هاتي قطنه فيها اسكنول وامسحي الكريم
ولما تين تنامين سوي نفس الشي

يعني تنظيف بالاسكنول + كريم ( الصبح )
والظهر او العصر ( تنظيف بس )
وفالليل ( تنظيف بالاسكنول + الكريم )
في بنات وايد يحطون الكريم ومايتوصلون للنتيجة ليشش؟؟؟
لانهم يحطون الكريم ويخلونه اكثر عن 8 ساعات وهالشي غلط
اذا حطيتي اي كريم لازم تمسحينه عقب بأي منظف ، هب بالماي بس
وحاولي تلبسين شورتات
ولما تنامين ماله داعي تلبسين الاندر وير
انا الحمدلله بديت بهالخلطة من الاسبوع اللي طاف والحمدلله وصلت للي اباه بس انا بعدني مواصلة
انا جربت الخلطة بس فالمنطقة الحساسة ، ماعندي فكرة عن مكان ثاني
ان شالله لمن اجرب اخبركم
وهذي صورهم للي مايعرفون



الدوكين معروف في كل مكان وفالصيدليات وسعره 35
لايقص عليكم الصيدلي ويقولكم خذو وياه كريم درموفت ، لا لا لا ، بس خذي كريم الدوكين
واي استفسار انا فالخدمة

__ صح نسيت
بنات ضروري المنطقة تتعقم استعملوا البيتادين ولا سودو كريم
فالاسبوع مرة او مرتين
وضروري تسوون سنفرة للمنطقة مرتين عالاقل فالاسبوع عشان تشيل الخلايا الميتة


هذي صورة البيتادين ( لايقولوج مصري ولا سويسري ولا سوداني ولا كويتي ) كله واحد المهم مطهر
http://www.alhsa.com/forum/imgcache2/116341.gif
بس هذا مشكلته يووووصصصصخ حيييل
ولايقصون عليكم ويقولولكم يبيض ، مايخصه فالتبييض اللهم مطهر وبس
او
انصحكم بمنقوع المرة والماي مسحة بس من برع ( سمعتوووا من برع )
او سودو كريم طبعا هذا انا مستحيل اتخلى عنه ، وبنت عذاري تنصح فيه بعد لانه وايد زين وهو حق اليهال اصلا بس ( بتاع كلو ) ولونه ابيض ومايوصخ ابدا
ومستحيل مااحط منه

بتحصلونه في السوبرماركت ولا اي مكان في قسم اليهال وسعره 23

http://n7bkm.net/upfiles/nmp80460.jpg

[عيناويه_111]

طريقتج حلوه وسهله واايد .. بجربها ان شاءالله

ويزاج الله خير

[روح N]

اختي حبيت استفسر كيف انحط النشا مع الاسكينول ؟؟؟

[روح N]

وممكن اختي اتحطين صورة واحد من المعقمات ؟؟

[± وجدان ±]

روح N

عادي حطي ملعقين او 3 من النشا داخل علبة الاسكنول
وخضي العلبة قبل ماتستعملينه
ان شالله الحين بحط الصور

[أم فيصل55]

مشكووووووووووووورة يالغااااالية
يزاااااااج الله كل الخير

ان شالله بجربها

[هواجس الزيودي]

تسلمين الغلا