كريم بوندس للهلات السودا وخطوط العين

**السوناتا** · 2009-04-11, 10:13

السلام عليكم خواتي

حبيباتي انا امسات في الكارفور حصلت منتجات بوندس وسالت فلبينيه هناك تشتغل قالت لي انها وايد زينه حق البشره ، وانا عندي خطوط رقيقه تحت العين مع اني عمري 26 سنه وطبعا هالات سودا ونصحتني ها الفلبينيه بكريم بوندس بالمفعول الثنائي للعين

وهو عباره عن علبه داخلها كريمين واحد لونه ابيض ( للهالات السودا تحت العين )
والثاني لوبه وردي ينحط على الجفن العلوي للعين ( للتجاعيد والخطوط على زوايه العين )

احين انا استعمله من يومين بس وطبعا بعدها النتيجه ما طلعت

ياليت خواتي اذا حد مجربه او سمعت عنه او تعرف اي شي عن هالمنتجات تخبرنا وما تبخل علينا وان شاء الله اول ما اشوف النتيجه اكيد بخبركن عنها عسب كلنا نستفيد لاني وايد اشوف في هالقسم عن مشاكل الهلات السودا والتجاعيد المبكره تحت العين

يلا حبيباتي اتريا ردوركم الحلوة وخبراتكم

**"زوزو1"** · 2009-04-11, 11:02

المفروض تروحين لدكتورة جلدية احسن

**السوناتا** · 2009-04-11, 11:06

المشاركة الأصلية كتبت بواسطة "زوزو1"

المفروض تروحين لدكتورة جلدية احسن

مشكورة الغلا ع الرد وانا فعلا سرت للدكتورة وقالت لي هالخطوط عاديه انتي موسوسه بس وما كتبتلي على اي شي لانها اتقول هالخطوط عاديه مب تجاعيد بس انا ما احب شكلها ويسلمو على المرور