سندويشات الدجاج بخبز التورتيلا من مطبخ نهّووود ...

**نهّووود** · 2009-04-09, 04:26

مرحب

اليوم بعرض لكم سندويشات الدجاج بخبز التورتيلا بطريقتين ... والطريقتين يمي يمي ...

طبعاً من تأليفي وإخراجي

مطبخي في انتظاركم يا طباخاااااااااااات

الرجاء عدم الرد ع الموضوع حتى الانتهاء من عرضه بالكامل حتى يكون متسلسل

مقادير خلطة الدجاج

صدر دجاج
ملح
فلفل أسود ناعم
ثوم ناعم
فلفل أحمر بارد مطحون (بابريكا)
زيت زيتون
ليمون

نتبل صدر الدجاج بالمقادير السابقه ... ونخليه في الثلاجه .. وكلما تم في الثلاجه فتره أطول كانت النتايج أفضل

تحطين صدر الدجاج في المقلاة من غير زيت وتقلبينه كل شوي لين ما تشوفين ان لونه بدا يميل للذهبي .. بعدين تغطينه وتخفين ع النار عشان ينضى من الداخل

بعد تقريباً سبع دقايق تفتحين الغطا وتقلبين الصدر ع الويه الثاني وتغطينه مره ثانيه بعد سبع دقايق أو حسب سمك الصدر .. بعدين تفتحين الغطا وتمين تقلبين لين ما يكون شكله جذي

تقطعين الصدر شرائح طوليه

المزيد من آخر المواضيع من نفس القسم:

**نهّووود** · 2009-04-09, 04:28

الحين نبدأ بالطريقه الأولى

نقطع البصل والفلفل الأخضر البارد والمشروم شرائح .. ونحطهم في نفس المقلاة اللي شوينا فيها الدجاج

نضيف عليهم الملح والفلفل الأسود والثوم الناعم ونخلطهم مع بعض ... بعدين تحطين عليهم جبن شرايح أي نوع تحبينه مازوريلا أو شيدر أو أي نوع ثاني

تغطين المقلاة شوي عشان الجبنه تسيح

الحين تدهنين خبز التورتيلا بالزبده النباتيه .. وتحطين عليها شرائح الدجاج .. وخلطة البصل والمشروم .. وتلفينها .. وهني خلصنا من الطريقه الأولى

الرجاء عدم الرد حتى الانتهاء من الطريقه الثانيه

**نهّووود** · 2009-04-09, 04:29

الطريقه الثانيه

تجهزين الخلطه واللي هي عباره عن ملعقة لبنة وملعقة روب وشوية زيت زيتون وملح وفلفل أسود وثوم ناعم .. وتخلطينهم مع بعض

تقطعين الطماط شرائح رفيعه واتحطين عليه ملح دقوص وزيت زيتون

تقطعين البصل والخس شرايح

تفردين الخبزه وتحطين عليها شرائح الدجاج .. وبعدين البصل والخس والطماط

تحطين خلطة الروب واللبنه .. وتلفين الخبزه .. وخلصنا من الطريقه الثانيه

وهذا طبق التقديم ... وبالعاااااااااااااااااااااافيه على احلى ردوووووووووووووود

[/CENTER]

**كيوت ومن** · 2009-04-09, 08:07

يم يم يم

عجييييييييييييييييييييييييييييييب
والله يتي في وقته انا من يومين شاريه خبز تورتيلا وادور شي مجرب ولذيذ

تسلم ايدج يالغلاااااااا ع طول من افضى بسويه ^^

فديتني مستانسه اول رد لوووووول
هجوووووووووووووم عليه ><خخخ

**فوعه سمنه** · 2009-04-09, 08:35

سلم ايدج ،بصراحه شكله يم يمي

**فوعه سمنه** · 2009-04-09, 08:38

تسلم ايدج ، بصراحه يم يمي شكله لذيييييذ

**غالية82** · 2009-04-09, 08:41

يمي يمي

تسلم الأيادي نهود

ولا تحرمينا من يديدج

**أم برهومي** · 2009-04-09, 09:00

يم يمييي ان شاء الله بجربها وبقولج النتيجة ... وتسلم ايد الشيف نهووود ونتريا الطبخات اليديده واللذيذه ... احسها تنفع حق الرحلات

**الاميره...** · 2009-04-09, 09:14

يمي يمي يمي ياااااااااااااااااااااي محلاته لذيذ>>>>>>>اللي يقول كلته الحين
بس اكيد لذييييييييييييييذ لان نهود طابختنه
تسلم ييدج ي نهود

**myare** · 2009-04-09, 09:35

يمممممممممممممممممي

**البـدر** · 2009-04-09, 10:02

يم يم طريقه سهله و النتيجه مبين عليها شهيه
تسلم ايدج اختي

**ام ثلاثة بس** · 2009-04-09, 10:11

مشكووووووووورة عالطبق اللذيذ وصدق انه العين تاكل قبل الفم

بس طريقة الخبز شوووووو؟؟

**رنج ابيض** · 2009-04-09, 12:07

يمييييييييييييييييييييييييييييي

ماشالله عليج

احلى شي المطبخ يجنن

**UAES** · 2009-04-09, 12:22

يجنن عرضج للطريقة ,, وخاطري اسوييه ,, بس الخبز اشتريه جاهز ولا اسويه ما عرفت هذي النقطة بس ...

وتشكرااات اختي نهوود

**ريـــــــم** · 2009-04-09, 12:25

أحب مواضيعج الحلوة مثلج ^_^

روووعة ما شاء الله ويبالي أجربة إن شاء الله ^_^

تسلم إيدياتِك شيف *_^

الموضوع: سندويشات الدجاج بخبز التورتيلا من مطبخ نهّووود ...

أدوات الموضوع

عرض

سندويشات الدجاج بخبز التورتيلا من مطبخ نهّووود ...

المزيد من آخر المواضيع من نفس القسم:

المواضيع المتشابهه

ورق عنب من مطبخ نهّووود ...

سندويشات تونه من مطبخ نهّووود ...

ساندويش دجاج كرسبي بخبز التورتيلا

ساندويشات شورما بخبز التورتيلا (بالخطوات المصورة )

دجاج بخبز التورتيلا..سريعة،، لذيذة،، وصحية..((أول مشاركة،، وبالصور))