حلاوة هندية عجيبة وسهلة ...

[كل الفخر والعز]

مرحبا للجميع ... حبيت اني اخبركم اليوم طريقة حلاوة هندية اول مرة كلتها في مطعم قصر الهند ... وبالصدفة لقيت طريقتها في كتاب طبخ عندي ... والصراحة هي وااااااااااااااايد حلوة ولذيذة وسهلة ... وعساها تعجبكم ..... :22 (1):

اولا: المقادير :
كيسة توست او ثنتين على حسب العدد
حليب سائل تقريبا 5 اكواب
فنجان سكر ( او حسب الذوق)
قشطة علبة وحده
هيل مطحون ( 3 ملاعق صغار)
زعفران

ثانيا: الطريقة:
1. اول شي انقطع كل حبة توست الى دوائر باستخدام الأداة اللي يقطعون فيها او حتى بكوب .
2. نسخن الحليب على النار ونضيف له 2 ملعقة هيل مطحون والسكر ونخليه الين ما يغلي ونرفعه من النار وبعدين نخليه يبرد شوي.
3. نخلط القشطة مع ملعقة الهيل ونخليهم على جنب.
4. الحين .. انيب التوست المقطع وانحط شوي من خلطة القشطة والهيل بين كل ثنتين ونصفهم في صينية التقديم.
5. بعدين انصب الحليب فوق التوست (بعد ما يبرد شوي ) ولازم الحليب يغطي التوست زين ، وبعدين نرش على التوست شوية زعفران .
6. انخليها في الثلاجة الين ما تبرد وبالهنا والشفا .

صدقوني حلوة ... خاصة طعم الهيل والزعفران مع التوست والحليب.

[الـود]

حلوه والله

فكرتها الحلاوه اللي تعيبني هذيك اللي لونها اصفر واخضر ونصهن عليهن مثل المينيوم وااااااايد تعجبني

يعطيج العافيه عزيزتي

[سكون الصمت]

تسلمين الغاليه
بانتظار المزيد

[مس السويدي]

تسلمين ماكلتها من قبل ما اتعرفين شو اسمها

[لوليانو]

مشكورة وتسلمين ... أتمنى تقصدين طريقة راس ملاي .. حلويات قيصر طريقتهم لذييييييييييذة.

[كل الفخر والعز]

اشكر الجميع عالمرور ... لو انها متاخرة شوي .. بس ظروفي شوي تنمعني اني اكون عالمنتدى دوم .. اما الحلاوة شو اسمها ناسيه ... بس المهم انها عجبتكم ...

[فرصه]

بجربها ان شاء الله
سهله