كيف أزيل شوكة في القدم !!

**أم شمسه** · 2009-03-27, 08:37

السلام عليكم والرحمه

عندي طفل كان يلعب بره ودخلت في أقدامه أشواك صغيره وكثيره.ما انتبهت لها الا ثاني يوم. لأنه ما اشتكى منها.لكني لاحظت صباح اليوم ان في ريوله أشواك صغيره ازلت وحده فقط والباقي تحت الجلد تركت بقع حمرا ومتفرقه يبين أن تحتها أشواك !!

ما قدرت أزيلها لأنها صغيره جدا مثل النقط وصارت تحت الجلد ! أنا أعرف أن هذي أمور تحصل عند كل حد .. بس أبا النصيحه رجاء للي تعرف طريقه سهله وسريعه

المزيد من آخر المواضيع من نفس القسم:

**شامسية دلع** · 2009-03-27, 12:50

لو على سطح الجلد .. اتروومين اظهرينه من ابره الخياطه .. شوي شوي .. بس اتقولين ان داخل .. ماعندي فكره يالغاليه ..

انزين ليش ما اتودينه عن الدكتووور .. أحسن .. عسب مايستوي فيه شي ..

**أم شمسه** · 2009-03-28, 13:03

شكراعلى الردود..حاولت استخدم الابره والملقط لكن الاشواك صغيره جدا.ومازالت موجوده.بس الغريب انه ما يشتكي منها !! بحاول أخاذه الدكتور بس خايفه يبالغون في الطر !

**الحـــلوة** · 2009-03-29, 01:49

امي يوم كنا صغار كانت اتطلع الشوك بالإبرة حتى لو كان الشوك صغير وداخل ،،

تدخل الابرة شوي شوي وتوسع الفتحة اللي في لجلد لين ماتوصل للشوك ،،

عقب تبلل صبعها وتحطه عالشوك فيلصق باصبعها ،،

وعقب تسوي دوا احمر ( مطهر الجروح ) وتحط لزقة عالجرح ،،

واذا ماقدرتي سيري لدكتور خبير ،، عسب الشوك مايدخل داخل أكثر ،،

لان كل ما دخل أكثر بتتعقد السالفة أكثر ،، والله يسهل عليكم ويطلع الشوك ^^

**ملاك:)** · 2009-03-29, 20:13

بالحلاوه مالت الشعر

انشالله تطلع ويااااج وطمنينا فدييتج

**"شموخ"** · 2009-03-29, 23:53

شو رايج تمريني بظهرها لج <<<<<<<خبيره بها السوالف

تبغيلها دقه من تحطين الابره او احد غيرج لانها صغيره طمنيني عليج

**W.I.T.C.H** · 2009-03-30, 00:09

في دواء فالصيدليه لونه اسوده وريحتة نفس القار الزفت مال الشوارع اذا حطيتي منه على موضع الشوكه يسحب الوصخ من الجرح وتظهر الشوكه برا

وبعد بالملقط لو كانت عندج خبره

الموضوع: كيف أزيل شوكة في القدم !!

أدوات الموضوع

عرض

كيف أزيل شوكة في القدم !!

المزيد من آخر المواضيع من نفس القسم:

المواضيع المتشابهه

كيف أزيل الصبغة السوداء :(

كيف أزيل بقع الصدأ على الفرن؟؟

كيف أزيل البقع من السجاد؟؟؟

ساعدووووني يا بنات..كيف أزيل الصلصااااال...؟؟

تعتنين بكعب القدم او القدم بشكل عام ؛؛؛؛حياج معانا