شو أفضــل طريقة للاجهاض

**حنّــاني** · 2009-03-22, 02:00

هلا خواتي

طبعا اخر موضوع كتبته لكم ااحتمال الحمل ضعيف وهذا اول حمل لي من بعد انتظار

طبعا مانعترض عالقدر الحمد لله بس الدكتورة تقولي وقف نموه عند خمس اسابيع و3 ايام ومافي نمووو بس بعدهم باجر بيسوولي اخر فحص دم .. ومافي نبض فحصتني مرتين وانا في الاسبوع الثامن وست ايام

بس انا وايد خايفة من الاجهاض هو كيس طبعا بس موووت خايفه كيف بيستويبي لاني ولا مرة اجهظت هل اتريى والا اروح مستشفى اسوي بنج وبدون احساس والا كيف خبرووني بتجاربكم بكل مصداقيه وكيف اتصرف وشكرا لكل من دعى لي ويارب يعوضني ويعوض خواتي ويرزقهن ويثبت الي في ارحامهن امييييييييييين

**عنود الحب** · 2009-03-22, 02:03

حناااااني تونا نطريج فالتجمع ونسأل عنج

لاحول ولاقوة الا بالله .. ان شاءالله ف آخر فحص يتغير كل شي بقدرة الله سبحانه وتعالى !

ان شاءالله الخوات يفيدونج يالغاليه وماعليج شر ان شاءالله

**@ام حمد @** · 2009-03-22, 02:11

هيه والله فدييتج توني اسال عنج لا تستعيلين اصبري يقولون النبض ايبين لين الاسبوع العاشر قريت ها المعلومه بالمنتدى من فتره بسيطه

**عنود الحب** · 2009-03-22, 02:16

هيه حبووبه اصبري وكل تأخيره ان شاءالله تكون فيها خيره لج

**حنّــاني** · 2009-03-22, 02:18

الشر ماييج اختيه عنود وام حمد يارب اميييييييييين

يارب خير بس انا مووووووووت خايفة لان اول حملو انا ظعيفة واخاف يستوي فيني شي او مضاعفات ووايد احاتي يارب خير لين باجر

**ام sdt** · 2009-03-22, 03:06

اصبري لا تستعيلين اختي انا في حملي الاول قالولي مافي نبظ وكان ينزل بي دم وقالولي بيطيح واذا ماطاح تعالي بنسويلج غسيل وبيطيح وخليته وماسرت صبرت والحمد الله ثبت سبحاااااان الله وكل شي كان طبيعي وربيت به فديته والحين عمره سنتين الله يخليلي اياه ياااارب ويخليلج اللي في بطنج باذن الله بس انتي ادعي وعلى فكره كان الحمل متاخر والدكاتره حاسبيلي من عقب الدوره يعني فرق اسبوعين يعني الغلط كله كان في الحسبه