اللي عندها اي مشكله حق بشرتها او جسمها اتخبرني وحياها

**wish_dubai** · 2009-03-17, 05:05

السلام عليكم ورحمه الله وبركاته

هلا خوااااااتي الغاليات ,

شخباركن علووووكن ,

انزين الحمدلله اخذت كورس مكثف لمده يومين عسب اخذ شهاده خبيره تجميل

كنت اعرف من زماااان كل شيء بس اسـتأنسين من شهاده بيوتي اكاديمي خبيره فن تجميل ,

انزين حبيت افيدكن ف شيء اعرفه ولله الحمد , عيل اللي عندها اي مشكله سؤال حق ويها جسمها

يدها , اظافرها , ريولها , وشعرها بعد <<الشعر ف قسم الشعر خخخ , عيل حبوب , بقع , اي سؤاااااال

يا هلا وانا ويااااكن واجاوب ع كل سؤال ان شاء الله

لا تحاتن وفالكن طيب

المزيد من آخر المواضيع من نفس القسم:

**KFK-GRL** · 2009-03-17, 05:11

ياهلا ومرحبا فيج اختي
ويزاااج الله الف خير

واخييييييييرا مبرووووك على الشهااااااااده

اختي حبي اخبرج شعري ووايد جااااف وخفيف
وعندي مسامات واااااااااايد في خشمي وبنسبه لكووووعي وايد جاااااف لونه غاااامج

واسمحيلي اختي

**أنت عمري1** · 2009-03-17, 06:08

بالمبارك على الشهادة وحابة أني أرفع موضوعج عشان الكل يستفيد

**wish_dubai** · 2009-03-17, 06:15

المشاركة الأصلية كتبت بواسطة la3aboh

انا اوووول >>مواهاهاههها

اولا يزاج الله خير

ثانيا>>طويلة العمر نبداااا

>>الويه>>ويهي احترق من الشمس ابي لوني يرد شو الحل؟؟؟

>>الاظافر>>وايد تتكسر شو الحل؟؟

>>الشعر>>احس قام يشفر ويشكل مادري شو مشكلته شو الحل؟؟

ويزااج الله خير^^

خخخخخخ هلا فيييج اختي ,

امييين ياربيه ايانا وايااااج,

اهاااا انزين اهم شيء لج و حقنا كلنا حت الحريم خخخخ : العنايه اليوميه :-

1- منظف او غسول ابدال صابون . 2- تونر . هذولا اساااااااي حق اي عمر 3- كريم ع حسب العمر

ثاني خطوه : العنايه الاسبوعيه :-
1- حمام بخار ماعدا البشره الحساسه اللي ويها دوووم احمرررررر

2- سكراب ع حسب القشور والجلد الميت الي ف الويه اذا اتحسين ف منتطقه الانف وايد خشششنه محتايه سكراب قوي اذا عادي تحتايين سكراب ناااعم.

3- ماسك .

كل هذولا(العنايه) ديري بالج ع عسب نوع بشرتج : دهنيه , مركبه مختلطه , جافه , عاديه

وتستخدمين عامل حمايه حق الشمس ترا كل الناااس عبالهم ان عامل حمايه الشمس كل مارقم الحمايه مرتفع كل مايحمي اكثررر خخخخخ

بالعكس ملحوووظه : رقم عامل الحماي :15 , 20 , 25 , 30 ,..... يقصدون فيها ع حسب لون بشرتج يعني اذا وااايد بيضا تحتاين عامل رقم مرتفع 40 , 30 , 45 , 30

واذا حنطيه تحتايين 20 ,.... واذا سمره تحتاين 15 او اقل فهمتي علي وحطينه قبل تطلعين ب ساااعه مب اقل ديري بااالج , واذا تطلعين ف الظهر عسب الدوام او جي ف حطين كل نصف ساعه او الافضل انصحج ف سيتيك هاي ايسبب اي دهون او احراج يوم اتحطينه وانتي طالعه ويستخدم فاي مكااان وشكله اصفيررررر صراحه احبببه وااايد

الاظافر تاكلين تفااااااااااااح و فواكه وخضراوات حق الفيتامينات وفي كريم مالت شركات مضموووونه ومجربه حق فيتامين الاظافر وزيت الاظافر , ماسك بعد

وحطين يدج ف ماي دافيء وفيه نقط زيت زيتون لمده 10 دقائق

طلعينه من الماي وحطين كريم مال الايدي وكريم حق الجلد الزائد بي الاظافر
ولبسين دوووم قفازات وانتي تغسلين او اتنظفين .

وخصصين 10 داقائق او ربع ساعه حق عنايه ف يدج وادوات الاظافر بعد

الشعر : بعد انصح التفاح , حليب , بيض , الفلفل الاصفر , لوز بس مب اكثر من 15 حبه عسب الرجيم خخخخ

فراوله , برتقال , ليمون ....... , هذولا علاج داخلي ,

العلاج الخارجي : استخدمين شامبو منااااسب ع نوع شعرج : دهني , مركب , فيه قشره , جاف , عادي , ونفس السالفه حق البلسم والكريم والماسك حمام الشعر والزيوت عسب ممكن خلطه او كريم مايناسب شعرج

السمووووحه طولت عليج بس حبيت افيدج وباختصار بعد ترا كل هاي اختصار خخخخخ,

استانست والله واااااااايد ع مشاركتج واسئلتج , واي سؤال يا هلا انا ويااااج خطوه خطوه

وربي يحفظج .

**wish_dubai** · 2009-03-17, 06:40

المشاركة الأصلية كتبت بواسطة KFK-GRL

ياهلا ومرحبا فيج اختي
ويزاااج الله الف خير

واخييييييييرا مبرووووك على الشهااااااااده

اختي حبي اخبرج شعري ووايد جااااف وخفيف
وعندي مسامات واااااااااايد في خشمي وبنسبه لكووووعي وايد جاااااف لونه غاااامج

واسمحيلي اختي

هلا فيييج زووووود غناتي ,

اميييين ياربيه , يزانا ويزااااج ,

الله يباااارك فيييييج يالغاليه فديتج والله ,

اهاااا انزين حبيبتي خشمج احس جي من رمستج بشرتج دهنيه او محتلطه صح عيل خبريني انتي اي شيء فيهن

وبعد مثل ماخبرت اختيه اللي قبلج لااااااااااااازم العناتيه اليوميه والاسبوعيه ع حسب نوع بشرتج

والكريم ع حسب عمرج سووووين جي والله اتحسي بالفرق و ووووويهج اينووووور ويبييييض وااااااااااايد ,

بس اذا فيج حبوب ديري بالج لازم اتعالجين الحبوب الاول ولاتستخدمين سكراب عسب ينشر الحبوب ع باقي الويه

واسألين ع ماركه شركه تهتم بهالسواف حيييييييل ودقيييقه .

انزين بالنسبه حق شعرج : تساقط الشعر :
-1- الرجيييييييييم انا انصح الرجيم يستوي تاخفيف الوكل اتقللين مب اكثر لاتحرمين عمرج من شىء عسب ايأثر عقب ع الشهر والويه وضغط وسوااالف وااايد الكل مايدري فيها

2- ممنوووووع تمشيط الشعر وهو بعده امبلل عسب الشعر هذاك اللحظه ضعيييف .

3- لا تخلين البلسم ع شعرج بدوم شطف عدل ,

4- تمشيط الشعر من اسفل الى اعلى مب من اعلى الي اسفل شرات المعتاد مالنا خخخخ

5- لاتستخدمين السشوار عن قرررب .

استخدمين ماسكات وزيوت مناااااااسبه حق شعرج

وشوفين بعد ماسك من شركه مضمووووونه شرات ماسك مستخرج من فيتامينات الخضراوات والفواكه .

شعرج جاف عيل استخدمين شامبو حق الشعر الجااااااااااف فقط والبلسم بعد جااااف ويبين كريم مالت الشعر الجاااف

واذا اتحبين تصبغين شعرج يبين مجموعه شامبو و كونديشونر وكريم ع حسب لون اللي صغتينه حق يستوي رفرج حق لون الصبغه وبعد ايحسن من جفاااف اللي سببه الصبغه فهمتي علي.

الكوع سوين نفس اللي خبرته حق اختنا الغاليه , مع استخدااام سكراااب مال اليد وانصحج سكراب اللوز واااااااااايد حلوووو

عسب العجز ايبان اكثررررر ف اليد , واغسلين يدج قبل ترقدين بالماي الداافء ,

واذا جان في بقع ف الكوع او اليد يبين كريم حق البقع بس ديري بالج لااااازم بعد هالكريم مضموووون ومجربنه اي احد .

والسموووحه طووولت عليج , استأنست والله وااااايد ع مشاركتجو اسألتج , واي سؤال يا هلا

واذا تبين ع الخاص بعد يا هلا , وربي يحفظج .

**!! غرور !!** · 2009-03-17, 07:55

يزاج الله خير حبوبه

عندي كم سؤال ..

بشرتي قبل صافيه لا حبوب ولاشي

شكلهم عطوني بعين ههههه الحين تظهر لي حبوب تروح وترجع ملعوزتني ويوم تروح ماتروح بسلام ههه تترك لي اثار اف ..

كيف اخلي هالحبوب ماتظهر وكيف اشيل الآثار ؟؟ للعلم انا اهتم ببشرتي وماخليت شي ماستخدمته

وعندي مسامات بويهي شو الحل وياها ؟؟ انا بشرتي مختلطه ..

والهالات السودا بغيت لها حل فتاك

شو برايج احسن سن بلوك ؟؟ وللايد بعد ايدي مسمره من السواقه ^^

سؤال اخير .. شو برايج احسن منتجات للعنايه المتكامله من مرطب وكريم النهار والليل وغسول الخ للبشره المختلطه اي ماركه ؟؟ وع فكره عمري 23

ادري غثيتج بالاسئله اسمحيلي هههههه

**loole** · 2009-03-17, 09:53

مرحبا خبيرتي..

1) انا فديتج بشرتيه احس فيها مسامات يعني خاطريه تكون صافيه

2) واريد شي يبيض بين الفخذين والرقبة؟؟؟؟
ويزاج الله خير

**Um 3baiD** · 2009-03-17, 10:37

ما شا الله عليج ختيه

..
بالتوفــّــاج ياربيــّـه ..

**رنج ابيض** · 2009-03-17, 11:36

up

up

موضوع حلووووووووووو

انا مشكلتي شعي خفيف ؟؟؟؟

**السفاحه** · 2009-03-17, 11:51

مبروووووووووووووك الشهااااده غناتيه ,, وعسى المووووولى يوفقج ف خطاااااج ,,

أنا عندي كم سؤاااال ,,
أبغي أسوي تقشير للويه ,, بسبب العلامات اللي تتركهن البثور ,, والله متلعوزه معهن ,, من يومين طالعه لي حبتين ,, وأنا وحده أمووووووت في شي أسمه الــــزيــــن ,, أبغي بشرتيه صافيه شراااات ويـــه ولــــديــــه فديته ,, يعني بيبــي فيـــس ,, وأنا مارووووم أطلع للصالونات ,, لأن الصالووونات اللي عندنا هـــب شــــي ,, شو الكريم اللي تنصحيني فيه وأرووووم أشتريه من الصيدليات ,, أبغي كريم يكون مفعوووله حلو ,, يعني ما يصلخ الجلد ,,

وعندي الرؤوس السودا ,, بعد ملعوزتني ,, هذاك اليوم من الضيق ,, قمت أعصرهن بالملقط ,, وغدا ويهي شراااات الطماااااطه ,, بس الحمدلله أستفدت الصراااحه ,, ثاني يوم أول ما نشيت من الرقاااد ويهي ماشالله عليه صاااافي ,, بس نصيحه لاحد يسويها ,, ألم فضيع ,, المهم أبغي حــــــــــــــــــل غير ذالحل اللي عندي ,, بليــــــــزززز ,,,
والسمووووحه ع الأزعااااج ,,,,

**نور حياتي** · 2009-03-17, 11:56

مبروك ع الشهادة

وهاي اسألتي

- اعاني من البقع ف جسمي صوب ايدي و ريووولي

- تجاعيد تحت عيوني مع اني صغيرة ابغي اسم منتج ...؟
- و اضافري مووول ما تطول ابغي اسم منتج مضمون ...؟

**احلى من العسل** · 2009-03-17, 12:20

مبروووووووووووووووووووووووك

الغاليه انا عندي اثار حبوب في ظهري واوقات تطلع لي حبوب في ظهري وابغي شي يفكني من اثار الحبوب

**فينوس** · 2009-03-17, 13:42

نتريا الأجوبة يالغالية

وأتمنى يثبت الموضوع في القسم للفائدة العامة

**maha99** · 2009-03-17, 14:28

اسمرار اليدين

**فراولة راك** · 2009-03-17, 14:52

مبروك ع الشهادة اختي الله يوفقج يا رب
عندي سؤال بخصوص هالحصاة السودة الي يفركون فيها الجسم على ما اظن يبيعونها عند العطارين .. ابغي استخدمها عسب افرك بها ريولي لان ريولي كلها نقوط سودا وحبوب حمرة وشعر تحت الجلد .. هل هاي الحصاة مفيدة ولا ؟؟؟ مادري لو عندج خبرة بهالشي ؟! يزاج الله خير

الموضوع: اللي عندها اي مشكله حق بشرتها او جسمها اتخبرني وحياها

أدوات الموضوع

عرض

اللي عندها اي مشكله حق بشرتها او جسمها اتخبرني وحياها

المزيد من آخر المواضيع من نفس القسم:

المواضيع المتشابهه

اللي عندها اي مشكله حق بشرتها او جسمها اتخبرنيه وحياها(جزء ثاني)

اللي عندها فكره اتخبرني اانا في ورطة

اللي عندها خطوط على جسمها عندي الحل

اللي عندها بنوته وما تريد ينبت شعر جسمها تدخل ؟؟؟؟؟؟