محتارة في مكياج عرسي.. شو رايكن؟

**لمعة * ماس** · 2007-02-23, 15:58

السلام عليكن بنات.. شحالكن .. عساكن بخير؟

أنا اليوم طالبة مساعدتكن

عرسي على شهر ستة ان شاء الله و وااااااااااااااااااايد محتارة في المكياج

أبغي وحدة تمكيج مكياج حلو وفخم ويبرز جمال الويه بدون مبالغة.. يعني ما أريد ستين ألف لون ولون في ويهي وتكتلات وطبقات أساس وبودرة.. لا أبغي شي هادي وراقي في نفس الوقت.. أهم شي عندي الأساس يكون حلو و متناسق..

أنا سويت جم بروفه عند بعض الماكييرات اللي مدحولي اياهن بس ما عيبني.. كلهن يحطن وايد ألوان على العيون.. حسيت جني مهرج ... ما أحب المكياج الاوفر
يعني يا حبيباتي اللي تعرف وحدة عن تجربة مكياجها حلو وأنيق ومش اوفر لا تبخل علي..

هي نسيت في شي بعد .. ما أريد وحده أسعارها أوفر.. يعني أنا سمعت عن ماكييرات ايين بــ 10 ألاف وفي بــ 12 وفي حد وصل 15 ألف.. أنا أشوف أنه حرام أصرف هالمبالغ على مكياج بيتم جم ساعة وبس، لو هي ليلة العمر، بس لكل شي حدود.. والله مش بخل الخير وايد الحمدلله بس أحس حرام، ها شي بيحاسبنا عليه رب العالمين.. وبعدين كل الماكييرات قامن يرفعن أسهارهن بالهبل والسبب انا نتهافت وراهن بدون تفكير.. وأنا ما أبغي أشجع هالشي..

حبيباتي لا تبخلن علي بالمساعدة.. وجزاكن الله خير

المزيد من آخر المواضيع من نفس القسم:

**pinki11** · 2007-02-23, 18:47

روحي صالون ايمان.فدبي.اذكر بنت خالتي سوت عرسها هناك الميك اب ووايد حلوو..

او

صفيه الشحي الكل يمدحها بس مادري

**لمعة * ماس** · 2007-02-23, 18:55

مشكوره حبيبتي pinki

ان شاء الله باتصل فالصالون اللي قلتي عليه

بنات وينكن بس رد واحد ؟؟؟؟؟؟؟؟؟؟؟؟؟؟

**الحلا مبتليها** · 2007-02-23, 20:15

صالون غوطيس عند دليله

سوت لي فعرسي تتدرجات الاخضر ... روووعه

الصراحه ونعومي ...

وسوي بروفه قبل لاني انا سويت بروفه واقتنعت

**رماسه** · 2007-02-23, 22:45

جربتي مكياج خلود التميمي

**لمعة * ماس** · 2007-02-23, 23:05

مرحبا رماسه.. لا ما جربتها ، كيف مكياجها؟ ممكن اتطرشيلي صور لو عندج؟

**Om 7aMda** · 2007-02-23, 23:09

ماااااااااالج إلا حليمة من الشارجة وتسوي حق العروس يمكن ب 4000
سوتلي حق عرسي وملجتي وعرس بنت عموه وملجة بنت خالو وبنت خالو ندمت لأنها ما يابتها في عرسها ...

مكياجها حلوة اضمن لج ان بيعيبج 100%

اذا تبين رقمها طرشيلي عالخاص

**الهدى1** · 2007-02-23, 23:41

انتي تبين ناعم سيري عند فاطمه آل علي سوتلي بعرسي وكان بسيط وحلو بس أنا مايعيبني البسيط والكل يقولون وايد حلو كانت مسويتلي اورنج ويا احمر واسود بصراحه حلوه دمجه الاوان بس رسمه العين ماعيبتني حسيت اني انا بروحي اعرف اسوي شراتها سمبل وناعم

**دلع حبيبي** · 2007-02-24, 09:33

تبين ناعم وهادي...جربي مكياج امل المزروعي...
ما اتحط عشرين لون بالعكس ان كثرت 3 الوان...
ومكياجها هادي وجربي البروفه واحكمي بنفسج..
بطرش لج رقمها الخاص..وأسعارها جدا مناسبه..

**بنوتة دلوعة** · 2007-02-24, 11:11

[IMG]

[/IMG]

هذا ميكأب منيرة المنصور حق العراايس شو رايج فيه؟؟؟؟؟؟؟

**شوق دبي** · 2007-02-24, 11:51

منييييييييييييييييره يجنن مكيااااااااجها

**لمعة * ماس** · 2007-02-24, 12:44

السلام عليكن بناااااات...

مشكورات حبيباتي ع المرور والرد.. الله يجعله في ميزان حسناتكن...

Om 7aMda
عندج صور لمكياج حليمة... أو ممكن توصفيلي شو من الألوان تستخدم وكيف رسمتها للعين؟

الهدى 1
ممكن اتطرشيلي رقمها.. يمكن أسير أسوي بروفه عندها أنا حاطة في بالي اسوي بروفات عند أكثر من وحده لين ما أقتنع

دلع حبيبي...
مشكورة حبيبتي عالرقم.. ما عندج أي صور لمكياجها؟

بنوتة دلوعة..
جربت مكياج منيرة هو حلو ومرتب بس واايد تكثر من الأسود

**فرح2006** · 2007-02-24, 21:24

الله يوفقك

**ام علي...** · 2007-02-24, 21:58

موفقة الغالية

**شجون_الإمارات** · 2007-02-24, 22:19

تصدقين انا قبل شوي راجعه من الصالون ورحت اسوي بروفه حق مكياج عرسي
الي تمكيج فرنسيه مكياجها رووووووووعه ونعومي وشغلها نظيف جدا وطيوبه
والي احلى سعرها تخيلي مكياج وشعر وفي الفندق ب 3500 درهم بس .......

لاتفوتينها في صالون شارم في دبي عند انجلا

الموضوع: محتارة في مكياج عرسي.. شو رايكن؟

أدوات الموضوع

عرض

محتارة في مكياج عرسي.. شو رايكن؟

المزيد من آخر المواضيع من نفس القسم:

المواضيع المتشابهه

ابا اخذ رايكن في مكياج عرسي

محتارة شو اختار لون مكياج عرسي

بنات بوظبي ساعدووني محتارة في مكياج عرسي

محتاره بين نبيله اللبنانيه و منى الحمادي حق مكياج عرسي ..شو رايكن ؟