مدرسة دبي العربية الأمريكية الخاصة أو مردف الخاصة

[حلم المسافر]

خواتي الكريمات جزاكم الله خير على تعاونكم المستمر مع اي موضوع يطرح ...

سؤالي عن مدرسة دبي العربية الأمريكية الخاصة ..
انا دخلتها وشفت البرنامج والصفوف في بادئ الامر عجبتني لانهم مخصصين للروضة الاولى مكان والروضة الثانية مكان اخر .. ومع وجود مشرفة خاصة لهم ..

عندهم عربي ودين ساعة ونصف وساعة ونصف للانحليزي والرياضيات والعلوم
مدرستين تتبادل الطلاب الصفوف وهذا الشي حلو مايملل الطالب يعني فصل العربي غير فصل الانجليزي وفي كل فصل عدد قليل من الطلاب في حدود 20 طالب

مافيها اغاني ولا رقص .. ومدرساتها وايد محتشمات ..

بس الشي الي ماحبيته ان مدرسات الانجليزي عرب وهذا مايخلي الطالب ياخذ( الاكسنت) اللغه صح
واخاف اظلم بنتي في اول سنة دراسية لها ..


اما مدرسة مردف الخاصة ..
كل الي عرفته انهم بينتقلون لمبنى جديد خلف العربي سنتر فقط وشكل المبنى كبير وراقي من برع ..


واخيرا ...
مين منكم مدخل اطفاله المدرستين ومستمر معهم وهل الاطفال مجاوبين وممتازين .. وشو الاجابيات والسلبيات عندهم ...


ارجوا الاجابة والتفاعل
ولكم جميعا دعوة في ظهر الغيب

[رؤى11]

غاليتي ظلم ذوي القربى أشد
في نفس المنطقه هناك مدارس أفضل وأقوى

[حلم المسافر]

مافهمت ؟!

وين البقية ليش ماشي تفاعل .........؟؟؟؟؟؟

[أم السعدي]

اختي تقصدين المدرسه الاولي اللي ف محيصنه واحد اذا هيه ما انصحج فيها لان اعيال حميتي مدخلتنهم واعيال حمي وياهم بس ما يمدحونهم حتى ناوين ينقلونهم مدرسه ثانيه لان مول ما فيه نظام خاصه حق الاكبار ومحد يمدحها كل حد يذمها
واذا ع المدرسه الثانيه ان سمعت انها واكيه ويمدحونها اختي ليش ما ددخلين اعيالج مدرسه جريين وود اللي عدال المدرسه العربيه الامريكيه وايد يمدحونها وانا سجلت ولدي كجي زون بس بعندي اتريا الموافقه اخر الشهر والسموحه اختي
بس اختي حطي ف بالج تري الناس اجناس حد يذم وحد يمدح

[حلم المسافر]

حبيبتي ام سعدي انا اقصد المدرسة الي جنب جرين وود شورايج فيها

اما جرين وود اشوفهم يذمونها لان عندهم تكدس طلب في الصف + المنهج وايد كبير من واجبات الى اختبارات وحد طلع عيال بعد اسبوع
والله أعلم

[أم السعدي]

انتي تقصدين المدرسه العربيه الامريكيه اللي عدال جريين وود مثل ما قتلج قبل ما فيها نظام حتى مره ولي امر داش ضارب ولدي حمي والاخصائي الاجتماعي واقري ردي الاول شو كنت كاتبه والسموحه بس انا الصراحه سرت المدرسه جريين وود وشفتها ودخلت ع الصفوف وشفت الطلاب ف كل صف 16 طالب بس ما يقبلون اكثر ومدرساتهم شفتهم شرحين حتى الاجانب عندهم والسموحه لان سمعنا فلان يمدح وفلان يذم نحن بنتعب وحطي ف بلاج طالب عن طالب يفرق والسموحه

[حلم المسافر]

جزاك الله خير