مدرسة الشارقه الامريكيه الدوليه(في دبي)

**open_rose79** · 2009-03-04, 09:31

اشحالكم خواتي انشالله بخير....انا من فتره كتبت في المنتدى كنت ابقي مدرسه في الورقا او المزهر او

مردف وما قصروا الخوات ...بس بعد طلعو شوي بعيد عن بيتي مع ان المدارس ابد ماعليهم كلام بس

المشكله عندي ولد مريض ولازم يكون جريب من البيت ...فحصلت مدرسة الشارجه الامريكيه موجوده

في الورقا الثانيه في دبي...مادري اذا حد منكم عنده فكره عن المدرسه تخبرني....ولا تنسون تدعون

لولدي ان الله يعافيه ونرجع الدوله بسرعه....

المزيد من آخر المواضيع من نفس القسم:

**nonnajoe** · 2009-03-04, 10:31

شفاه الله و عافاه و ان شاء الله البنات يفيدوكي

**ms.teacher** · 2009-03-04, 18:15

الله يشفي ولدج ان شاء الله ..

ما عرف عن هالمدرسة .. اسمحيلي

**طيبة الكويتية** · 2009-03-04, 21:35

السلام عليج اختي
اول شي الله يشافي لج ولدج و يعافيه يارب من كل مرض بجسمه.
و المدرسه هذي اعيال صديقتي فيها لكن فرع الشارقه. العيال الحمدلله مرتاحين فيها و امهم وايد تمدحها. تقول وايد مرتاحه من تعاملهم, مو نفس مدرستهم القبلية ( المعرفه).
بس انا مو حابة المدرسه ما ادري ليش, كل يوم و الثاني اشوف البنت عندها رسمه ولا شغل لماده الفنية. كل يوم عندها مشروع. يعني الوقت ضايع بالمشاريع و الأعمال الفنيه. و للعلم بنتها في الصف الثامن و اخوها في الصف الرابع.
و الأفضل انج ما تاخذين بكلامي و روحي شوفي المدرسه بنفسج افتري فيها و شوفي كل مكان فيها, حتى الحمامات و انتي بكرامه دخليهم و تأكدي من نظافتهم. و خليهم يراوونج المناهج مالتهم للمرحله اللي ولدج بيروح لها. اذا اعجبج كل شي عندهم توكلي على الله

و الله يوفق ولدج يارب و يحفظه من كل شر

**open_rose79** · 2009-03-05, 09:30

اشكر تواصلكم وياي وما قصرتوا....

**حلم المسافر** · 2009-03-14, 13:47

يا اختي هذا المرسة لصاحبتها عائشة السيار تربوية معروفة ..
المدرسة تتمتاز بالانظباط والدراسة القوية والبروجكتات والانشطة يعني مو تعليم ممل لا الانشطة من خلال الدرس تنشط الطالب خصوصا الاطفال يعني تقارن بين العلمي والنظري وهذي شي راقي جدا ..

وانا عيال العايلة اغلبهم فيها بس انا كنت ابحث عن الدين والعربي القوي وهي عندها منهج وزاري عادي ...
والله يعافي ولدج ويقر عينج بشفائة ويردكم بسلامة ...

**open_rose79** · 2009-03-15, 20:55

المشاركة الأصلية كتبت بواسطة حلم المسافر

يا اختي هذا المرسة لصاحبتها عائشة السيار تربوية معروفة ..
المدرسة تتمتاز بالانظباط والدراسة القوية والبروجكتات والانشطة يعني مو تعليم ممل لا الانشطة من خلال الدرس تنشط الطالب خصوصا الاطفال يعني تقارن بين العلمي والنظري وهذي شي راقي جدا ..

وانا عيال العايلة اغلبهم فيها بس انا كنت ابحث عن الدين والعربي القوي وهي عندها منهج وزاري عادي ...
والله يعافي ولدج ويقر عينج بشفائة ويردكم بسلامة ...

مشكوره فديتج...والله داير راسي عسب المدرسه

**open_rose79** · 2009-03-15, 20:56

up
up
up
up
up

**حلم المسافر** · 2009-03-15, 23:11

والله صادقة .. انا مدوووووووووووووووخه من مدرسة لين الثانية بس عيزت ...؟؟؟
والله يعينا

الموضوع: مدرسة الشارقه الامريكيه الدوليه(في دبي)

أدوات الموضوع

عرض

مدرسة الشارقه الامريكيه الدوليه(في دبي)

المزيد من آخر المواضيع من نفس القسم:

المواضيع المتشابهه

مدرسة جيمس الامريكيه الدوليه ابوظبي

مدرسة الشارقه الامريكيه

مدرسة الشارقه الدوليه

منوه تعرف مدرسة الامريكيه الدوليه _ الاندلس سابقا

استفسار عن مدرسة الشارقه الدوليه؟؟؟؟؟؟؟؟؟؟؟؟؟