صفحة 1 من 46 12311 ... الأخيرةالأخيرة
النتائج 1 إلى 7 من 322
  1. #1
    نجمة متألقة


    رقم العضوية: 38244

    تاريخ التسجيل
    13 - 06 - 2007
    مشاركات
    360

    افتراضي طريقة دكتورة كويتية للمساعدة في انجاب طفل ذكر


    طريقة دكتورة كويتية للمساعدة في انجاب طفل ذكر

    السلام عليكم خواتي كنت في زيارة لوحده من قرايبنا في الكويت فسمعت ان عندهم دكتوره كويتيه تعطي طريقة تساعد في انجاب طفل ذكر عطوني الطريقة الله يجزيهم كل خير وسوينا موضوع طويل عن هالطريقة في واحد من المنتديات والكل تم يضيف اضافات تساعد في هالشي
    انا عندي بنتين وطبقت الطريقة والحمدلله الله رزقني باول مولود ولد ولدت فيه من شهرين
    الطريقة وايد سهله بس محتاجه شوي طولة بال
    بخبركم الطريقة بالتفصيل مع الاغراض الى كنت استخدمها بالصور

    1- لازم تتابعين يوم التبويض عند دكتوره عشان هذي الطريقة ما تضبط إلا اذا كان يوم التبويض صحيح 100%
    فيه بعضكم بيقول انا اعرف يوم التبويض، انا المشكلة الي صادفتني ان يوم التبويض كل شهر يختلف عن الشهر الي بعده مره يوم 15 مره يوم 17 مره يوم 18 من بداية الدوره الشهرية
    (يوم التبويض هو يوم نزول البويضة للرحم يتم حسابه من اول يوم في الدورة )
    تتابعين التبويض عند اي دكتورة تقوليها انا اريد اعرف موعد التبويض، الافضل تروحين لها بعد 10 ايام من بداية الدورة عشان تبدأ تحسب حجم البويضة وتخبركم عن انسب يوم للجماع طبعا ممكن تقول تعالي بعد يومين او 3 ايام عشان تتاكد من ان حجم البويضة كبر(يقولون لازم يكون حجم البويضة 18 او اكثر). بالنسبة لي تابعت عند دكتوره رحت لها بعد الدورة ب 10 ايام رحت لها وقالت لي تعالي بعد 5 ايام ورحت لها بعدين قالت لي بعدها البويضة حجمها صغير تعالي بعد 3 ايام طبعا انا بديت من بعدها اطبق الخطوة رقم 2
    خواتي الافضل تستخدم الجهاز الداخلي عشان تتاكد اكثر من موعد التبويض الي هاذي صورته.




    وهاذي بعد صورة ثانية للجهاز


    2- رحت الصيدلية واشتريت Uralyt-U وهو عبارة عن بودرة لونها برتقالي مثل العصير في كرتون كبير لونه اخضر (ما في منه اي مضره) وظيفة هذا الدواء او العصير انه يخلي الجسم كله قلوي ( الجسم القلوي يخلي الحيوانات المنوية الذكرية هي الي تلقح البويضه ويبطئ الحيوانات المنوية الانثوية) كيف استخدمة : تستخدمينه لمدة 3 ايام قبل التبويض بيومين + يوم التبويض عشان يصير الجسم كله قلوي. بعد الفطور تحطين منه ملعقة (موجوده بالداخل) في كوب ماي وتشربينه، بعد الغداء تحطين 2 ملعقة في كوب ماي وتشربينه، بعد العشاء تحطين 2 ملعقة منه في كوب ماي وتشربينه. وحاولوا خواتي انكم تكثرون من شرب عصير البرتقال الطازج في هالايام وتقللون كثر الامكان من الحليب ومنتجاته عشان ما يتحول الجسم الى حامضي (مناسب لانجاب الانثي)


    3- واشتريت بعد شرايط اسمها Combur Test
    ( Urine Test Strips )وتأكدي ان لفحص ال PH. هذي الشرايط بتساعدنا عشان نعرف اذا الجسم صار قلوي بعد شرب الدواء ولا بعده حمضي. طبعا لازم يكون معدل ال PH فوق 7 عشان تضبط الطريقة (اللون الاخضر رقم 8 او 9 احسن شي اذا اللون ما وصل الى 8 ما بيكون المهبل مناسب للحمل بالذكر). عزكم الله بعد كل مره دخول للحمام خذي عينة من البول في كوب وحطي شرايط فحص ال PH فيها وشيلها بتشوفين بعدين ان انتي تقدرين تحددين من اللون الي طلع اذا صار الحين الجسم قلوي وإلا بعده حمضي. خواتي بعد لازم تتاكدن ان الشريط كله دخل في البول تخلينه فقط لثواني وتطلعينه وتشوفين النتيجة. (علبة الشرايط بعد ما تطلعين منها الشريطه اغلقيها زين عشان هي تتاثر بسرعة الحرارة) وبعدين ارمي الشريط.






    وهاذي الطريقة الصحيحة لمعرفة كم واصل معدل ال PH


    ومثل ما قلنا لازم يكون اللون على الاخضر يعنى 8 او 9 افضل شي


    واذا ما وصل لهاللون اشربي من الدواء الاخضر حطي 2 ملعقة واشربي منه وانتظري نص ساعه وشوفي الى اي لون وصل .


    4- بعد خذي من الصيدلية محلول بيكربونات الصوديوم. وهذا حطي ملعقة صغيرة منه في كوب ماي دافي واستخدمي اداة الغسول المهبلي عشان تسوين دش مهبلي قبل الجماع بنص ساعه.


    5- وخذت بعد فيتامين E فيه وحده فيه كذا منتدى مدحته والدكتورة نصحتها تخلي زوجها ياخذه كل يوم لمدة اسبوع او اكثر قبل الجماع.
    طبعا فيه انواع وايد اختاري اي نوع وفيه الي قوته 400 او 1000 انا خذت الي قوته 1000



    6- خلي الزوج في يوم الجماع (يوم التبويض يكثر من شرب القهوة بدون حليب عادي نسكافيه او ق***نا العربية وخصوصا قبل الجماع بنص ساعه ما اعرف شو الهدف منه بس في اخت في كذا منتدى قالت لي هالشي).
    7- قبل الجماع (يغسل الرجل اعضاءه التناسلية بماء بارد بارد) لأن الماء البارد يسبب الشلل وبطء الحركه للحيوانات المؤنثه.


    8- وضعية الجماع: السجود مع انزال البطن لأسفل .. وحتى بعد انزال الزوج يجب البقاء على هذه الوضعيه لفتره من الوقت لأعطاء الجاذبيه الارضيه مساعدة للحيوانات المنويه المذكرة.


    9-هاذي بعض المواقع العربية والاجنبية الي تساعد في تحديد جنس الجنين والافضل تقرؤونها عشان يكون عندكم علم اكثر عن هالشي.

    ****



    واي سؤال خواتي انا حاضره على الخاص او العام
    واذا حابين نسوي موضوع نتابع فيه مع بعض كل هالامور ما فيه مانع
    والرجاء من الاخوات الي ما يعيبهم الموضوع الرجاء لا تعلقون
    المشرفات الرجاء ثم الرجاء لا تحذفون الموضوع يالسه اسبوع اشتغل عليه

    ادعولي خواتي ان الله يحفظ لي عيالي وريلي وهلي
    التعديل الأخير تم بواسطة موزه السويدي ; 2010-11-24 الساعة 16:40 سبب آخر: يمنع وضع رابط موقع آخر

  2. #2
    نجمة برونزية


    رقم العضوية: 107217

    تاريخ التسجيل
    10 - 11 - 2008
    مشاركات
    2,341

    افتراضي

    جزاج الله خير



    اللهم لك الحمد





  3. #3
    تاجرة برونزية


    رقم العضوية: 56526

    تاريخ التسجيل
    23 - 10 - 2007
    الدولة
    بوظبي
    مشاركات
    3,991

    افتراضي

    الموضوع عجبني كتيييير وممكن تكون نسبة نجاحه اكتر من 80% ....
    انشالله كل البنات اللي نفسهم بولد يجربونه وينجح معاهم ...
    مشكووووورة على الموضوع المفيد ويعطيكي الف عافية ...







  4. #4
    نجمة متألقة


    رقم العضوية: 38244

    تاريخ التسجيل
    13 - 06 - 2007
    مشاركات
    360

    افتراضي

    الله يعافيكم خواتي وان شاء الله الكل يستفيد

  5. #5
    نجمة برونزية


    رقم العضوية: 108157

    تاريخ التسجيل
    20 - 11 - 2008
    الدولة
    دار الزين
    مشاركات
    1,533

    افتراضي

    يسلموووووووووووووووووووووو حبوبه




    ××( أعوذ ابنتي وجنيني بكلمات الله التااامه.. ومن كل شيطان وهامه.. ومن كل عين لامه )××



  6. #6
    نجمة ساطعة


    رقم العضوية: 31952

    تاريخ التسجيل
    10 - 05 - 2007
    مشاركات
    611

    افتراضي

    مشكووورة ع الطرح

  7. #7
    نجمة متلألئة


    رقم العضوية: 54603

    تاريخ التسجيل
    14 - 10 - 2007
    الدولة
    المنطقة الوسطى
    مشاركات
    459

    افتراضي

    معلومات اول مره اعرف عنها ...

    تسلمين حبوبة


صفحة 1 من 46 12311 ... الأخيرةالأخيرة


المواضيع المتشابهه

  1. دكتورة في العين للمساعدة على انجاب التوأم
    بواسطة (ورد) في قسم : تأخر الحمل و الإنجاب
    مشاركات: 19
    : 2013-05-11, 22:30
  2. طريقة دكتورة كويتية للمساعدة في انجاب طفل ذكر
    بواسطة galadubai في قسم : الحمل والولادة
    مشاركات: 4
    : 2009-03-05, 21:23
  3. طريقة دكتورة كويتية للمساعدة في انجاب طفل ذكر
    بواسطة galadubai في قسم : الحمل والولادة
    مشاركات: 0
    : 2009-03-05, 19:43
  4. شو هي طريقة انجاب الذكر؟
    بواسطة OM RASHOOD في قسم : الحمل والولادة
    مشاركات: 10
    : 2008-03-31, 21:39

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading