طريقتي في عمل التشقير الشفاف بطريقة بيرفكت ^__^خطوة بخطوة و بالصور,,

[مريم الشحي]

مرحبا خواتي ,,

مادري والله اذا القسم مناسب او لأ ,,

بس ما لقيت ساحة افضل من هاي ^__^,,

المهم,,
اكيد معظم البنات يشتكن من سالفة التشقير الي يسوونه فالبيت ويطلع ويهم شرات الشمس من كثر ما الشعر مستوي اصفر ,فمجبورة اكيد انها اتسير الصالون عسب ما اتخرب ويها ويعطيها الصالون النتيجة الي هي تباها,,

وبعد بتلاحظون انه مب الكل الصالونات تظبط التشقير يعني جنج ولا سويتي شي, بس خسرتي عمرج عالفاظي,,

اليوم براويكم كيف اتسوون التشقير بطريقة احترافية شراتي ^__^ وبيخليلج الشعر شفاف ولا امبين منه شعره غامجة يعني باختصار جنج حافه ويهج^__^ ولا صالون شاميه ايسويلكم اياه جذا,,

طبعاً صالون شاميه معروف انه احسن صالون فراس الخيمة حق تشقير الشعر,,

عاد انا اليوم شقرت فقلت ليش ما اصور وافيد البنات ,,خلني آخذ فيهن اجر عالاقل ^__^

احينه براويكم الخطوات والصور:



بسم الله نبتدي بالادوات وكل وحده فيكن اطلع ورقة وقلم:




نحن بحاجة لمقص-علبة صغيره او فنيان حق الخلط-التشقير الي انتي تستخدمينه (وطبعاً تشقيري ها ما استغنى عنه^^)-فرشاة (عدد الفراشي يختلف طبعاً على حسب,يعني اذا انتي تبين اتسوين ويهج كامل ويا حواجبج فإنتي محتايه فرشاة عريضة شوي حق الويه والثانية شرات فرشاة الروج عسب ترسمين حاجبج عدل)




احينه اقص الجيس مال البودرة-ولاحظي الكمية الي بحطيها,تراها بتكفي حق ويهج مرتين-يعني اترومين اتسوين حق اختج بعد بهالكمية البسيطة ومو بس ويهج لأ ويهج ورقبتج-ما احلاج والله اتشقرين الويه بدون لرقبة(بيكون فرق بين لثنين:tongue



احينه ظيفي الاكسجين-بنفس الكمية او زيدي عليه شوية



اخلطي الاكسجين والبودرة بالفرشاة مال الويه—شوفي انا صورتلج فرشاتين عسب اراويج كيف انه حتى شعر الفرشاة اتغير صار لونه اشقر ^^لأني دوم استخدم هاي الفرشاة حق التشقير ولا حظي الفرشاة الي حذالها ,جذا كان لونها فالبداية



تمي اخلطي لين يصير الاكسجين الاصفر على اخضر فاتح واحيانا ازرق (ها اذا كنتي امزيده البودرة)واتأكدي انج خلطتي كل البودرة عدل وما يتم عندج تكتل,,



السموحه ها من الاشيا الي نسيت اصورها فالبداية-خذي القطنة مال الاذن وشلي اشوي من صوب حواجبج او ويهج عسب تتأكدين اذا شف الشعر او لأ


هاي القطنه تستخدمينها آخر شي ,اتشلين التشقير فيها وعقب تغسلين (مب على طول اتغسلين ويهج والتشقير عليه)-اهنا انا خلصت موعد التشقير-دقيقتين بس ولا اتزيدين طبعاً ها يعتمد عالتشقير الي تستخدمينه مثل ما نوهت فالبداية اذا زيدتي فالوقت بيصفر الشعر عندج واحيانا يصير لونه عذهبي فاتحملي خلي حذالج ساعه ,,


وووبس خلصنا اهنا بس بغيت اراويكم الكمية الي تمت-تقريباً نصها بس ما استخدمتها فقمت وغسلت القوطي ^^

اتمنى اكون افدتكم ولو بجزء بسيط,,


ما ابغي منكم غير دعوة صااادقة من القلب لأختكم اذا عيبكم الموضوع

المزيد من آخر المواضيع من نفس القسم:

• نصائح لمنع شحوب البشرة في رمضان
• اهم فوائد غسول الوجه للبشرة
• فوائد زيت بذور العتب السحرية للبشرة حصري
• افضل ماسكات ماء الورد للعناية بالبشرة الدهنية
• افضل نوع سيروم للبشرة الدهنية
• روتين العناية بالشفايف
• فوائد صابونة الكركم للبشرة وطريقة استعمالها
• ابرز فوائد زبدة الشيا السحرية للبشرة حصري
• ابرز فوائد كبسولات فيتامين (E) للبشرة
• افضل ماسكات قشر البرتقال للعناية بالبشرة