مدارس تعليم قيادة السيارات برأس الخيمة

**uae77uae** · 2009-01-27, 16:56

السلام عليكم

بنات ممكن تقولولي عن أحسن المدارس لتعليم قيادة السيارات برأس الخيمة..واسم المدربة

وإذا تقدرون تجاربكم الشخصية

المزيد من آخر المواضيع من نفس القسم:

**بنــت راكـ** · 2009-01-27, 19:45

اختي انا انصحج بمدرسة الأمل اللي حذال وزارة الصحة في النخيل مقابل الهيلتون

المدربة اسمها بسمه و هي اصلا مديرة المدرسة

وايد فنانه تدريبها حلووو

هي خربوطه شوي بس تدريبها لا يعلى عليه والله

و الحمدلله انا و اللي وياي داخل خذنى الباركن و الريوس من اول مرة =)

انا جربت مدرسة ثانية صوب بيتنا بس والله ولا استفدت منهم شي

من ثاني حصة اتقولي شلي المفتاح و سيري ادربي اتخيلي و انا بعمري ما مسكت سياره اصلا

اسم المدرسة الر......

**صمت الاصايل** · 2009-01-27, 20:02

مدرسة اللؤلؤه في السيح

وايد اوكي صح شكل المدرسه ما يوحي

بس تعليمهم تمام

**uae77uae** · 2009-01-29, 19:39

المشاركة الأصلية كتبت بواسطة بنــت راكـ

اختي انا انصحج بمدرسة الأمل اللي حذال وزارة الصحة في النخيل مقابل الهيلتون

المدربة اسمها بسمه و هي اصلا مديرة المدرسة

وايد فنانه تدريبها حلووو

هي خربوطه شوي بس تدريبها لا يعلى عليه والله

و الحمدلله انا و اللي وياي داخل خذنى الباركن و الريوس من اول مرة =)

انا جربت مدرسة ثانية صوب بيتنا بس والله ولا استفدت منهم شي

من ثاني حصة اتقولي شلي المفتاح و سيري ادربي اتخيلي و انا بعمري ما مسكت سياره اصلا

اسم المدرسة الر......

مشكورة على الرد وعندي سؤالين:
1-تقصدين حذال منطقة رأس الخيمة الطبية؟
2-كم من حصة تدربتي عشان تدخلين التراي؟وخلصتي خارجي والا بعدج؟

**uae77uae** · 2009-01-29, 19:42

المشاركة الأصلية كتبت بواسطة صمت الاصايل

مدرسة اللؤلؤه في السيح

وايد اوكي صح شكل المدرسه ما يوحي

بس تعليمهم تمام

مشكورة على الرد

وايد مدحوها بس يوم أسير لها تقول مشغولة وما عندها مواعيد بالأوقات اللي تناسبني):

بس بسألج منو المدربة الزينة في هذي المدرسة؟

**بنــت راكـ** · 2009-01-29, 20:33

مشكورة على الرد وعندي سؤالين:

1-تقصدين حذال منطقة رأس الخيمة الطبية؟
هيه اختي هي هاي

2-كم من حصة تدربتي عشان تدخلين التراي؟وخلصتي خارجي والا بعدج؟
داخل المدينه خذت 5 ما ادري 6 و نجحت من اول مرة
و برع خذت 15 بس مانجحت .. اونه الضابط اللي قدم لي التراي ما بنجح من اول مرة

مع اني والله سقت عدل

**دهن_العود** · 2009-01-29, 20:46

للرفع

**uae77uae** · 2009-01-29, 20:51

مشكورة

الله يوفقج وتاخذين الليسن

بس أبغي أتأكد الحصة ساعة صح؟
وهاي المدرسة تعطي أكثر من حصة فاليوم؟

**uae77uae** · 2009-01-29, 23:16

upppppppppppppppppppppp uuuuuuuuuuuuppppppppp
HELP PLEASE
يالله خواتي اللي تدربوا أفيدونا والله يجعله في ميزان حسناتكم

**ابتساام** · 2009-01-30, 04:07

انا ادربت فمدرسة الفلاح اللي عند الكرنيش مانصحج اتسيرين انا اخوي علمني السواقة صح بس انا اسير المدرسة اعطيهم بيزات عسب يسوولي ورقه امتحن وامتحاني فالخارجي يوم الاحد اول مرة انشاء الله انجح

**كزابلانكا** · 2009-01-30, 04:33

ما عندي فكرة

للرفع

**دلوعته00** · 2009-01-30, 07:00

انا اتدربت فمدرسة الصالحيه...مجابله مركز المنار...

بس نصييييحه جان تبين مدربه عدله..اطلبي عاااااشه
لان ماشاءالله صدق تعلمج من خاطرها...

انا دربتني المديره نفسها...لكنها خرطي وكله تقرقر فالفووون

والحمدلله نجحت من ثاني مره..

**الورد الاحمر** · 2009-01-30, 07:43

المشاركة الأصلية كتبت بواسطة uae77uae

السلام عليكم

بنات ممكن تقولولي عن أحسن المدارس لتعليم قيادة السيارات برأس الخيمة..واسم المدربة

وإذا تقدرون تجاربكم الشخصية

هلا عيوني
بصراحة اذا جيتي للصراحة اللي بتدرب بضمير نادرة هالايام
انا عن نفسي كنت بمدرسة زهرة الخليج وكتيييييييييير تدريبها خرطي
والداخلي معها سقطت 3 مرات وكل ما اتصل فيها بعد السقوط تقللي غريب مع انه فلانة وعلتانة نجحت من اول مرة عندي خخخخخخخخخ
وانا اقول لها انا بطيق تمام الخطوات اللي بتقوليها المهم كانت كل ما اقلها اعطيني ورقة اروح اخد موعد تقللي لسه خدي كمان وبعدين تعطيني الورقة وطبعا سحب الفلوس شغال اصلا كل ما اروح عندها الاقي متدربات الداخلي اكتر من الخارجي وهاد معناه انه ماحدى عم ينجح عندها
المهم رحت غيرت المدرسة ورحت على مدرسة الثناء اخدت 3 حصص والمدربة ماخلتني اخد الرابعة وخلتني اقدم غصب وانا اقول لها خليني ا اجل للاسبوع اللي وراه تقللي مافي داعي و رحت قدمت ونجحت بالداخي معها من اول مرة يعني اعتقد لو اني متدربة معها من الاول كان من ثلاث حصص بس خلصت الداخلي ومن اول مرة نجحت وكنت وفرت قرابة 600 درهم مابين دروس وتكاسي و اجار تراي و3 اشهر بس نصيب
وعلى فكرة المدربة اسمها سعدية
اي مساعدة من عيوني عزيزتي
بعرف حكيت كتييييييييييييييييييييير *__*

**روداليا** · 2009-01-30, 10:22

السلام عليكم

من واقع تجربه بقولج اللي مريت فيه

اول شي رحت مدرسه اللؤلؤة وتدربت داخلي عند وحده اسمها نرجس وبصراحه تدريبها ماعليه كلام
اذا حصلتي عندها اتوكلي على الله واذا محصلتي ما انصحج بغيرها.. وبالمره ما انصحج بوحده اسمها ساجدة

وبعدين لما وصلت للمدينه مدحولي مريم تنور المواطنه في نفس المدرسه ولكن والله من واقع تجربه خذت عندها تسع حصص ولا استفدت منهم شي لسبب واحد انه من تركب وياج لين تنزلين عنها وهي تتكلم في التلفون وتتعامل معاج كأنج صاحبة خبره..بتقولين ليش تميت عندها هالكثر بقولج كنت متلومه اسحب اوراقي وخصوصا انها مواطنه بس ريلي قالي هي ماتلومت منج انتي ليش تتلومين.. ومن عقبها سحبت اوراقي ورحت مدرسة الروضه عند وحده اسمها بروين وبعد باكستانيه .. طبعا وايد اترييت تقريبا شهرين لانها واااااااايد مشغوله وواااااااااااااااااااايد مطلوبه لكن بصراحه تدريسها ماعليه كلام واتعلمج اصول السواقة صح بس انتي تمي اتصلي فيها كل يومين عشان اتذكرينها فيج

والحمد لله حصلت الليسن

واسمعهم يمدحون مدرسة الامل بس شخصيا ماعرف شي عنها

**الورد الاحمر** · 2009-01-30, 11:41

الله يوفق الجميع

الموضوع: مدارس تعليم قيادة السيارات برأس الخيمة

أدوات الموضوع

عرض

مدارس تعليم قيادة السيارات برأس الخيمة

المزيد من آخر المواضيع من نفس القسم:

المواضيع المتشابهه

مدرسة تعليم قيادة السيارات بعجمان

حظر تعليم قيادة السيارات في أوقات الذروة

مدارس تعليم قيادة السيارة بـ عيمان ّ~

.تعليم قيادة السيارات.

تعليم قيادة السيارات.....