ريلج / خطيبج مسافر .... تعالي نفضفض

[لمعة ماسه]

السلام عليكم و رحمة الله و بركاته

شخباركم حبوبات ؟ انشالله تكونو بخير ....

الموضوع باين من العنوان .... شو شعورج لما خطيبج أو ريلج يسافر عنج ؟؟
و شو تكون ردة فعلج ؟

هل تكوني حزينه

أو ما تفرق وياج

أو تفرحي و تحسي بالحريه

حبيت اطرح هالموضوع عسب نشارك بعض و نتآزر و نحس بمشاعر بعض ..


أنا بالنسبالي ,,, يوم خطيبي يكون مسافر أحس بضيج و طول الوقت حزينه و مالي بارض لشي
و حتى لو طلعت مكان ما استانس مثل الناس , و قبل ما يسافر أقعد أصيح

مع انه خطيبي دوم يسافر بحكم شغله ... بس هالمرة مب قادره اتحمل و صرت اصيح اكثر عن قبل
و حتى هو يقول أول مره اسافر و احس اني مب مستانس ويا ربعي و ابا ارجع بسرعه..

كل وحده ادش و تقول لنا عن شعورها , أو تذكر لنا موقف يوم سافر عنها ريلها \خطيبها...
دخيلكن آزروني أب اعرف في حد مثلي ولا انا ابالغ ...

يللا أبا تفاعل

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ندى الصبـــاح]

ادعي الله..
يرجع لي سالم ومعافى

[الولهـانه]

مش معرسة <<<ملقوووفة هههه

لي رجعة يوم اعرس<<<انخطبي اول ش عق رمسي ههههههههههه

[أم فواغيـ]

صــدج صعبهـ
تحسين انه الحياهـ وهو مب وياج مب شي
انا اضايــج ومثلج اتم اصيــح بس عادي تمر الأيام ويرد من السفر سالم غانم ..<< اللهـ يحفظه لي

[لمعة ماسه]

ادعي الله..
يرجع لي سالم ومعافى

الله يخليه لج يا رب و يسعدكم , بس ما خبرتينا عن شعورج ...

صدق اكثر موقف يظايج ف الوحده يوم شخص عزيز عليها يسافر ,,
بعدني ماجربت يوم بجرب بخبرج ^^

مشكوره ع الرد , و انشالله ريلج يسفرج وياه وين ما يسير عسب ما تحسين بها الشعور ههههه

مش معرسة <<<ملقوووفة هههه

لي رجعة يوم اعرس<<<انخطبي اول ش عق رمسي ههههههههههه

انشالله تعرسين يالولهانه و تولهين ع ريلج و تقعدين تصيحي و تقولي : دخيلكن
وش اسوي أبا ريلي هئ هئ هئ <<<< ههههههههه

صــدج صعبهـ
تحسين انه الحياهـ وهو مب وياج مب شي
انا اضايــج ومثلج اتم اصيــح بس عادي تمر الأيام ويرد من السفر سالم غانم ..<< اللهـ يحفظه لي

فديتج والله , انتي شراتي ... الله يعينا يا رب و مشكوره حبيبتي ع الرد اللي أثلج صدري
الله يحفظ لج ريلج و يسعدكم .

[لمعة ماسه]

أفا وين الباقيات ؟؟!!!! شكلكن تبون الفكه من رياييلكم ...

يالله خبرونا عن شعوركم و تجاربكم ... أنا في الانتظار

[kokaty]

اتم اصييييييح ويقولي لا اتصيحين ابا حرمتي قويه

[بنت مايد]

اه ... مليييييييييييييييييييييييييت من قبل لا أتزوج وهو برع البلاد. تزوجنا وهو بعده برع البلاد بحكم دراسته وما يصير اروح معاه.. الله يصبرني 4 سنوات واااااااااااااااااااااايد موب قادرة اصبر..

[يغار الحلا]

السلام عليكم..



الله يصبركن ..

ويرجعون لكن بالسلامه ..

[lollipopah]

عيل انا شقووول
انا مالجهـ
بس ريلي يروح الدوام اسبوعين ويرد اسبوعين
ترا اهو يداوم فالبترول فجزيرهـ ... حتى يروحونلها بالطيارهـ...!
يعني عقب العرس انا اسبوعين فالشقه واسبوعين في بيتنا
ماعرف شلون باستحمل..يعني انا نص السنه ماشوفهـ !!
وهو يتم مضااااااااايق فالدوام مايطيق حد يداوم كل يوم 12 ساعهـ من 6 الصبح لين 6 المغرب
والله يكسر خاااااااااااااطري
ويوم يتضايق انا اتضايق معاهـ

[عذب الاثير]

افففففففففف انا امسات ريلي راد من تايلند وميييييييته قهروبعد شو ساير ويا ربعه ماعرف شو يسوون اهناااااااااااااك اووف اونه ساير يتشرى هو صح يتشرى بس غصه الصراحه خصه انه تايلند معروفه بالخراب والمنكر

[برقع وردي]

والله حاسه فيكم بس ترا بعدي مانخطبت بس اعرف هالاحساس الخايس الله يعينكم يارب ويهون عليكم ويقصر المسافات بينكم ويرجعولكم بالسلامه ان شاء الله بس عاد انتوا حاولوا يوم تكلمون ازواجكم لاتحسسوهم انكم زعلانين وحزنانين لان والله هم بعد بيتأثرون وبيحز فخاطرهم حسسوهم انكم زينين ومستحملين عشان يقدرون يتحملون الغربه الي هم فيها ويستانسون والله يوفقكم يارب ^_^

[لمعة ماسه]

اتم اصييييييح ويقولي لا اتصيحين ابا حرمتي قويه

الله يعينج حبيبتي والله حاسه فيج ,,, و ع فكره لما يقعد خطيبي يراضيني و يخفف عني احس اني
اصيح زياده ..

اه ... مليييييييييييييييييييييييييت من قبل لا أتزوج وهو برع البلاد. تزوجنا وهو بعده برع البلاد بحكم دراسته وما يصير اروح معاه.. الله يصبرني 4 سنوات واااااااااااااااااااااايد موب قادرة اصبر..

فديتج والله غمضتيني , ما عليه حبوبه اصبري و ادعيله الله يوفجه و يرجعه لج سالم
و الله اللي يجوف مصيبة غيره تهون عليه مصيبته أنا اسبوعين و مب قادره اتحمل ...

عيل انا شقووول
انا مالجهـ
بس ريلي يروح الدوام اسبوعين ويرد اسبوعين
ترا اهو يداوم فالبترول فجزيرهـ ... حتى يروحونلها بالطيارهـ...!
يعني عقب العرس انا اسبوعين فالشقه واسبوعين في بيتنا
ماعرف شلون باستحمل..يعني انا نص السنه ماشوفهـ !!
وهو يتم مضااااااااايق فالدوام مايطيق حد يداوم كل يوم 12 ساعهـ من 6 الصبح لين 6 المغرب
والله يكسر خاااااااااااااطري
ويوم يتضايق انا اتضايق معاهـ

سبحان الله ! شغل ريلج شرات شغل خطيبي ... هو بعد يشتغل فالبترول و يسير جزر و حقول بس
دوام خطيبي فديته بل ليل يعني من 6 المسا لين 6 الصبح و الله يغمضني يرجع هلكان من التعب ...
و الله طول الليل ما اييني رقاد اقعد احاتيه ..... الله يصبرنا .

[الماركة]

نفس الحساس عندي واتضايج وتم مالي بارظ لاحد

[لمعة ماسه]

افففففففففف انا امسات ريلي راد من تايلند وميييييييته قهروبعد شو ساير ويا ربعه ماعرف شو يسوون اهناااااااااااااك اووف اونه ساير يتشرى هو صح يتشرى بس غصه الصراحه خصه انه تايلند معروفه بالخراب والمنكر

انا ما احب مثل هالطلعات و خاصة مع الربع ,,,,, صدق الوحده تخاف و بذات فتايلاند
بس حبوبه لا تتركي الدعاء ..... دوم ادعيله الله يحفظه و يصونه لج و حسسيه دوم باهتمامج
يعني دزيله مسجات بين الفتره و الثانيه "وحشتني , ما اصبر عنك ....الخ " عسب دوم تكونين
فباله و ما يفكر بشي ثاني لا سمح الله ...... و الله يسعدكم و يوفجكم يا رب .