التخلص من شعر المنطقة الحساسه نهائياً..؟؟

**Pink_memo** · 2009-02-07, 02:22

شو تقصدون بالرماد ؟؟ لانه احيد يدتي الله يرحمها قالت نفس الرمسه؟؟

بس ما فهمت شو يعني الرماد؟؟

**Pink_memo** · 2009-02-07, 02:32

على فكرة ترا استخدام الحلاوة صدق لها مضار ما تتخيلونها ..

الله يسلمكم مرة ربيعتي سارت عند دكتورتها عشان التهاب .. و سالتها لو احسن تشل بالحلاوة .. الدكتورة حرجت عليها وقالت لها كله ولا الحلاوة .. قالت انه نص المشاكل الي تييها من الحريم هو البرود الجنسي و السبب نزع الشعر بالحلاوة .. وثاني شي الحلاوة تنزل الرحم و هالشي ممكن يسبب تأخر الحمل عند بعض الحريم ..

سبحان الله كل شي قاله لنا رسولنا صحيح بس نحن نبا نكون مثاليين

**lucifer** · 2009-02-07, 03:03

بنك_ميمو صح كلامج

مره اخخخخخخخخخخخخ قلبي يعورني

اربيعتي فقيره سبق وكننا نتكلم وقرينا بالنت ان هالمنطقه الجلد فيها حساس وهي حساسه وايد
اخ قلبي يعورني ويم اذكر

اتخيلوا شلت بالحلاوه والجلد انشل اياياياي والله ما اروم بس اتخيل الالم
اسمها منطقه حساااااااااااااااااااااااااسه
الجلد انصلخ الجلد ومع الشعر
مع انها ع فكره ما استخدمت حلاوه سايله يعني حاره او شي؟؟لا حلاوه عاديه

وانا وحده والله يوم اشل اتم 3 ايام اتويع
سبحان الله انعرف ان الشي يضر بس المثاليه
والبحث عن الكمال

**MIME** · 2009-02-07, 08:51

جربت طريقة الرماد مافادتني بالعكس والخيبتين

قبل كنت اشل بالحلاوه عادي مايطلعلي دم وماتلتهب عندي المنطقة واخلص بسرعه

بس لما جربت طريقة الرماد مت كل ماشل تتهيج المنطقه عندي واغلب الشعر ماينشال مب مثل قبل مع اني فركت الرماد ربع ساعه وخليته يرتاح 5 دقايق عقب بديت اشل قلت تووووبه ارد استخدم الرماد

اصلا قبل ماكنت مقتنعه بهالطريقه بس فضول حبيت اجرب والكل يتعلم من تجربته