ღღღღموبايــــلღღ الرومنسيــاتღღ مسجات لزوجك الغاليღღღღ

[UmSawaf]

غاليــــــاتي ...ورومنسياتــــي هذه احلى المسجات الرومنسيه لبو الشباب....







يشهد الله انك اغلى من حسبت حسابه
وانت عندي تاج راس العالم المحسوبة
قبل اعرفك والمشاعر كلها كذابه
أو تشابه ؟؟ ماعرفت !! أظنها مقلوبة
لكن احساسي بحبك ماحوته كتابة
ولا قراية وانت حبك مايبيله توبة
ما أتوب وحبك بقلبي يرد أحبابه
راضية وانت المصير اللي علي عقوبة






مابي أحبـّك..أبي حبـّك يدمرني
وأبيـك مثل الرّوح..لوغبت تنهيني
وتكفى طلبتك..دخـيلك..لاتواخذني !
خذني على قد عقلي..ولاتخلّيني






ماهي بالعادة وينك.. عسى العلم خير؟
ليه نايم حبيبي قبل لا أسمع أحـبك؟
بين كيف ولماذا .. لذت بأقصى الزفير
احتريت اتصالك واستحيت اتصل بك
ما تخّـيلت أنام وما تكون الاخير
تسمع أنفاس قلبي ضحكتين بقربك
نام..تصبح حبيبي على الف خـير
صحني لما تصحى انا نايم بقلبك!






في حالة عنادي لأي شيء...

يستغلون نقطة ضعفي : (أنت)
<
<

خاطرك هذا مسوي بي سوايا
كل ماقالوا عشانه قلت يالله






اغلب سواليفنا كلمات محسـوبه
هو يعشق الصمت وانا الصمت مااحتاجه








نام بحفظ الولي ياشمعة سنيـنـي
وان ماوسعْـك الوطا تعال بعـيـني

اشوف فيـك اللذي ماشفـته بغـيـرك
اشوف فيك الحياه وفجـري الزيـني

ياعل ربـي يحفـظـك ياحـياة الروح
وياعـل ربـي ومن شـانـك يخـليـني




تـمــر اللحظـ ـ ـ ـهـ" بغيابك
عشر ساعات !

وعشر ساعات
بحضورك مثل
لحظـ ـ ـ ـهـ"
أنا ياعمري لوتدري عن اللي فات ؟
حزن وأوهام من عمري فكل
لحظـ ـ ـ ـهـ"
وجودك أحيا كل مافيني ‏«مات‏»
دخيلك لاتخليني ولو
لحظـ ـ ـ ـهـ"






نصيــــــــــــــحهــ

" الــــــزمـــــــــــن " لا صار ضــدك واحتوى درب المصايب . .
لا تحاول (( تنكسر لهـ )) ، ، لا تزيد الطين طينهـ . .
للزمن حكمهـ غريبهـ تحكم بدرب الصعــــايب ! !
وياكثر من ضيع الفرصهـ وهي فرصـهـ ثمينهـ . .
[عـــــــــــز نـــفــســـك] في زمانك ، ، لا .. لا .. تقول ((الحـظ خايب)) . .
وســوق عمرك للمعالي و اكـــســــر النفس الحزينهـ . .
والطريق اللي تشوفهـ يرسم الدنيا عجايب . .
{ مد يدك في طريقهـ لين ما تمسك يمينهـ } . .والرفيق ان طال وقتهـ لا تحاتي
وكل غايب . . . حجتهـ دايم معاهـ ولا تقول فلان وينهـ ؟!
ولا تكابر بالمصيبهـ لا حكوا بأغلى الحبايب . .
قول غــــالي وكل غالي ((تكرم لعينهـ مدينهـ))






الكل يحسب ألف حسبه بدنياه

ودامي بقربه حسبتي كلها صح

سبحان من خلاني بيوم القاه!!!

أثر البشر تخسر على شان تربح!




سواها قلبي ياحبيبي .. وحبك ..!

ماطاعني وانا عن الحب ناهيهـ

الظاهر انهـ مايبي غير .. قربك ..

عاااف الجميع.. واول الناس راعيهـ !!





تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك
لا يا حبيبي .. الزمن لا يخليك
تقسى على قلبي وتسقيه سِمِّك
دنيـاك هذي , لا تغيِّر مباديك
مهما إستطعت الظلم إعدل بحكمك
ما هي غريبه من يذمِّك يماشيك
لكن غريبـــه يمدحك من يذمِّك !!
ما كل واحد غاب معناه ناسيك
بعض البشر ينساك لو كان يمِّك
أدري تعزني .. اللـه يعز غاليك
وإن كان لـي عندك معزَّه بضمك
في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّكإ
سمك حبيبي ويا كثِرها أساميك
وقلبي يفز .. لا جابوا الناس إسمك
ليتك تحس في ضيقتي يوم أحاتيك
أحرق لك أعصابي .. وما حَس دمِّك
غايب بدون أعذار .. ربِّي يجازيك
عطني سبب مُقنع حبيبي .. وألمك
همِّك , جنونك , ضحكتك , كل ما فيك
صوتك , سكوتك , وأرجع أقول: همِّك
طيشك , عنادك , لما تزعل وأراضيك
ترسم ملامح ضحكتي .. وتمحي رسمك
[ لبيــه ] منِّك غير .. لمَّا أناديك
كن الكلام العَذب ... مرساه فمِّك
مهما غلوك قلوب ناسٍ حواليك
أغليك أكثر منِّهُم بس .. لعلمك
أبوك , خالك , إختك , أخوك , ماضيك
ربعك ، جميع النـاس , وعيـــال عمِّك.
.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك




طفل صغير علموه من الصغر 3 عيوب :
- لا تضحك بوجه الغريب
- لا تسأل ؛؛
- والأهم، احذر تحب..
مر الزمن وحفظها بقلبه ؛؛
ومرت الأيام والوقت الطويل
ومر عليه طيفك من بعيد ؛؛
حس قلبه يرتجف وهو وده يقترب

" مسكين حبك "

وارتكب أحلى عيوبه ؛؛




زعلان؟ لكني عارفة شلون أراضيك ْ
محد غيري يعرف طبع خلي

أدري علي زعلان لكن أوريك
شلون ترضى يا بعد كل من لي

ودي أحطك وسط عيني وأغطيك
عشان ما تبعد عن العين ملي

يلا ابتسم يلا ، ذبحني تغليك
يكفي حبيبي زعل وكبر وتغلي




ياللـي / حبـك \ مـرتكز فيـني و سـاكن ؛
لا تحـاتي / قـلب \ غطـاه ’ الـدفـا ‘ ...
هـو صحيـح البـرد ذابحـني ولكـن ..
كيـف احـس البـرد و طيـفك لـي دفـا ... !




.. ضمني ..
إكسر ضلوعي ضلع .||. ضلع ...!
ياحلو كسر الضلوع ... وضمها ...!!
ضمني موووت ... وحياة ...!!
عطني انفاسك عطر ... وتمتم بحرفين شوق ..
لمني ...
شمني ..
إنتفض مثلي وله ..
خل احس إن الهوى يحفر عروقك
خل اذوق الموت في لحظة اذوقك ...!حرك شفاهك شوي ... خلني اكتب قصيدة ..
قل كلامك ...
وإن قضى حكيك أبي تكفى تعيده ...!
... ما املك ...





تعبــــــــت من طيــــــبتـــــــي
مسافرهـ .. مسافرهـ و جمّـعـت أنـا اشيائي
بــروح أدوّر لـي ارض ٍ .. غــــير مـأهـــولهـ
أفكــــاري مبعــثرهـ و المــشي عشـوائي
و الـدّرب مـخـطــور و الأحــلام مـشــلـولهـ
بحمــل مـعــاي صـراحهـ و قــول تلــقـائيو قصّة مـــوادع و قـطــعـة قـلـب مــنزولهـ
و شعري و جنوني و فلسفـتي مع آرائي
بـطــلــق لـها عْــنـانها و تقــول ماتقـــولهـ
مـلّــيت و انا انـطــعـن بالظــهـر واسـتائي
ما قـلـت لو مـرّهـ هالطـعن وش هـــو لهـ ؟
مـليـت أكــفّـر اخطــاء مـاهــي أخطــائي
وادرى براعي الخطا و اقـول مـن هــو لهـ ؟
محـتـاجهـ للنــفـس في ضـيـقـهـ احشائي
و اشـوف مفـتــاح قيـدي مقـدر آطــولهـ

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[UmSawaf]

أحبــك ...
ثم ..
أحبــك ...
ثم ..
أحبــك ...

وعندي لهاذي الكلمه دلايـل .....
عيـون تشفق لشوفـك ,,, وقربــك ...!!!
لها دمعـن على خدي ,, همـايل ...!!!
عيون ماتبيعـك .. ياعيــونـي ....
تبيـع ,, اليوم لعيـونـك قبـايـل .....!!
وأكررهـا ,,, لـك ياحيــاتـي ...

أحبــك ...
ثم ..
أحبــك ...
ثم ..
أحبــك ......




ترى لا زارني طيفك بـ وحشـة ليلي المسكـون
أضمـه حيـل بجفونـي وأحسه داخـل أحداقـي

ولا مـن قال :
ضايقــتك ..
أردد .. لاتخـاف .. تمون ..
أبيك أكثـر تلامسني وأبطفي منك أشواقي

أمانه كل ماجتني من الضيقه أسى وطعون
تعال الحق علي تكفى مدام ان الغـلا باقي ....!





غطيت في نومـي ثواني وشفتـك
وأسقيتني حلو العسل من شفاتـك

حضنت بعضي وأحسب اني حضنتـك
الحلم جابـك وانت بأحلى صفاتـك

ماذقت في عمـري حلى لين ذقـتك
ألـذ وأحلى من حلاتك .. حلاتـك




لا تاخذ القلب رد القلب ياقلبـي ,,
وشلـون تبغي يعيش اللي معـك قلبـه ؟؟

كانك نويت الرحيل ,, بقلبي ارحـل بي,,!!
خذ صاحب القلب هو والقلب ارحـل بـه ...!!!

لو في جهنم نويت المنزل ..... انــزل بي !!!
يرتاح قلبـي ولو بالنـار تنـزل به ...!!!



رحلت وصرت أنا والليل وحدي
وش يبي هالليل ناطـر ؟؟!!
ليه بعده مارحـل ؟
كانت الدنيا سهـر
وكل ماأسرح تمـر
في خيالي لمحه منـك
مره طيبـك ... ومره همـك
وأكتفي فيها بوجـودك
وأنا ذابحني صـدودك
وأحلم بقربك عــمـــــر



تصدق اني البارح تخيلتك معي موجود
وصرت مصدق مكذب جيت وزانت أيامي
عطيتك دفتر أشعاري وحطيت الجمر والعود
وبخرت مكان جمعني بصفوه أحلامي
جلست وقلت سمعني قصايد عن أمل مفقود
وقلت اسمع جديدي فيك أببدع وانت قدامي



ياحبيبـــي ..
ودي ألمس كل جرح يتعبك
ودي أضمــك لصـدري
لين تغرق أنفاسي معـك..
ودي اني دوم جنبـك
مثل ظلك أتبعـك..
ودي أغمض عيوني
وألقى نفسي منك ولك...
ودي أبكي فوق صدرك
وأصــرخ

آآآآآه إشتـقــــــلك...



الجنون : عيون .. وعيونك وطن
والوطن من غير عينك وش يكون
لا شوارع .. لا أمانـي .. لاسكن
لاحيـاة .. ولا ممـات ... ولاطعون
إنت بلحـالك .... زمن داخل زمـن
كيف عمري ينحسب لو يحسبـون

[UmSawaf]

+[ أبِيكْ .. وكَّل شَّي فِيني يَبِيكْ بكِّل شَي ٍ فِيك]+



.. إنــت و أنـــا ..




إنت وأنــا .. تجمعنا المدينة والهوى
تضمني لصدرك و أجيبك .. عطشانة لأمطار الوله
مشتاقة لعيون البحر..
وأيدي بيدك ..كلي أمان
أيدي بيديك ...نصعد سلالم لـ القمر
و نوصل أطراف السماء..
أيدي بيدك .. تضمني لصدرك واتوه
أنت وأنا
نجلس على كرسي سحاب
ما يضمنا إلا ..
~ إنت و أنــا ~



_,،,_
-،,،-




.. تعـــال ..


اصغت لك الروح .. مفتونة .. وتهمسلك " تعــال "
عـلّ الأمانـي بتغريـدك تجـي علّـهـا!
تشوـوـوـوـوف..؟
هالروح جـات ... ولا تحـط احتمـال
مـادام فيـك احتمـالات الهـوى كلّهـا..!!



_,،,_
-،,،-




.. ضمني ..



إكسر ضلوعي ضلع .||. ضلع ...!!
ياحلو كسر الضلوع ... وضمها ...!!


ضمني موووت ... وحياة ...!!
عطني انفاسك عطر ... وتمتم بحرفين شوق ...


لمني ...
شمني ...
إنتفض مثلي وله ...


خل احس إن الهوى يحفر عروقك
خل اذوق الموت في لحظة اذوقك ...!!
حرك شفاهك شوي ... خلني اكتب قصيدة ...
قل كلامك ...
وإن قضى حكيك أبي تكفى تعيده ...!!
~... ما املك ...~





|~| الأمـل |~|


الأمــل فـي حياتـك لا تظنـه شحـوح
عل ذيك السحايـب لا أقبلـت ممطـرة




_,،,_
-،,،-





.. عشقتــك " طفـــل ..



أبِيكْ .. وكَّل شَّي فِيني يَبِيكْ بكِّل شَي ٍ فِيك
أبِيكْ أكبَر مِن أحْلام الفَتَاه ومِن فَتَى الأحْلام


أبِيك |~| الْدُونْ جُوَان |~| اللِّي يِغَامِر بين ذِيكْ وذِيكْ
ويِرجَع تَالِي الليلَه يِقَبِّلنِي عِذِر .. وينَام !


أبِيك تْحِبِّنِي واقرَا بِعِينك : لو يِبِيض الدِيك !
بَلاش إتْحِبِّنِي الليله .. يجوز تْحِبِّنِي قِدَّام


أبِيك بْأجمَل أخطائِك .. ولو غَيَّرتَهَا مَابِيك !
عِشقتِك طِفْل .. خَلَّك طِفْل .. لاتِكبَر مَع الأيَّام




_,،,_
-،,،-




تعبــت | منــك | وانت فيني
كل ما طفيتك تبان فيني..!



_,،,_
-،,،-



قالت : شـ اللي تغير في حياتك " حبيبي "..؟
قال : يكفي .. حسيت اني انسان عايش من اجل انسانه..


قالت: وانا حياتي قبلك = صفــر
والحين احسها (مليانه)..!



_,،,_
-،,،-





.. الحـ عـــ ! ــار ــب ..




عشق تملاه الظنـون .. وحـب صدقـه مستعـار
عاشـقٍ جفّـت شفاهـه والحنايـا ممطـرة ..


يستحي يخجل يظن ويحسـب ان الحـب عـار..!
ودفتره خزنـة سنينـه مـن عبيـر المحبـرة








أنا ماني على قيد الحَيَاة اللي على قيدك
............ أنا قيدي حَيَاة ٍ لا اسْتَرحت ابْهَا بديت أتْعَب..!




_,،,_
-،,،-




هَلا بأشهى ~ربيع~ مِن غصونك لا عَناقِيدك
.............تْقول ان الغصون مِن الخَجَل عنقودها مُعشِب!
لعمْري ماني بْوحدي بنِيرانك بتسهِيدك
.............ولكنّي قدرت أغسل ~عيونكْ~ كلها بالحُب




_,،,_
-،,،-





.. رعشــة إرهــــاق ..




يا روعة الضمة على صــدر ~ مشتــاق ~
مع واحداً .. دايم تمنى .. تــضـمـه


لا ترجمـت صـدره ./. تـعابـير الاشـــواق ./.
ومــن الــ غـلا .. تــشِـــده عـلـيـك ! وتـلـمـه


كـنـك تحــس إنـه .. بـعـد ضـمـه إفـــراق
تـِشـد فـي ضـمـه / وهـــو / ازداد هـــمـه


يـفـوح ~ ريح الـعـشـق ~ من بـيـن الافــاق
واكـيـد مــع ضـمه تمنى تـِـشـمـه


وهـنا المـطـمـه !! رعـشـة ً تـتـبع إرهــــاق
مـنـهـا الـجـسـم .. مـاكــن يـكـفـيـه دمـه


من بعـدها تحس بـ غـلا الشخـص بأحـراق
وتـجـلـس تـمـنى انـك .. تجـيـه وتـضـمـه









هــــلا بك يالـ غــلا يالــ ورد يالـ نعــناع يالـ نوار
هلا بـ أحلا ./. أحبــك ./. في طعمك الشهد مبلوله


حبيبي والله اني من الـهوا الطاير عليك ./. أغار ./.
والى من غـبت لحظة بس قلت : العمر .. وشهوله ..!!



_,،,_
-،,،-




أَشبّهك بصباحي ،/، مغربي ياصعب تحديدك
مادامك شَمس تَطلع في سمَايَه ما لها مَغـْرِب!
أحبك من ~ شتــاي ~ اللي تَرَمّد في مواقِيدك
وعُمْر ٍ ولّعَت كَفْ الليَالي نَار بِه..واشتَب !



_,،,_
-،,،-




.. أبـــوس خــده ..




هذا .. أنا مجنون .. لا غصت في بحر الهوى ..!!
من عشقته .. لايدور على الفرقا معي ..!!


أجرحه .. وأقسى ولا من على الفرقا .. نوى ..!!
أحضنه .. وابوس خده .. واغيبه عن الوعي ..!!




_,،,_
-،,،-




اعشـقيني ~ طفل ~ من صغره يعاني
شافك وغنى من الفرحه نشيده


واحضنيني حيل .. واهمس لك " عشاني "
كوني من قمة انفاسك قصيـــدة




_,،,_
-،,،-




يـاللي سكنت بـالـ سمــا
وأنا ميّت على عيونك ض / م / ى!
دامه سرابك مـــآي!
ضمّني ..آبأقتل ضمــاي
وأشفي غليل أعضـــاي!
وآعايش جنونك! وآصير مفتونك!
وأبلعن الظما بعد! وآصير لبروقك :


ر / ع / د


وآذوب فـ *عيونك *!




_,،,_
-،,،-




~هلا ~..منك ولا أذكر شي بعدها من متى لـ الآن
أهيم وما (عرف) ما (شفت) ..ولا (سامع) ولا (خابر)


دخيل // العشــــق // لا عاتب حنايا العاشق الولهان
سترت الشوق بضلوعي إلين أعــرج مشى الخاطر ..!



_,،,_
-،,،-

[UmSawaf]

نعلم بأنه لا غنى عن الكلام وجهاً لوجه.. فتعابير الوجة تعبر عما نود ان نقول..
ولكن قد نحتاج إلى اسلوب آخر ... ننمي معه شعور مختلف عما تعودنا عليه .. بأن نبين الحب والاحترام بواسطة رسالة ( كلكم تملكون موبايلات).. قد تكلفكم القليل ولكن ستعود بمنفعة اكبر واكبر ...

فعندما ينتاب الزوجة شعور بالحزن ,, قد يمنعها حزنها من التفوه به ,, او يكون بداخلها عتاب لزوجها فلا تحسن الكلام لإيصال عتابهااا .. ولن يكون عتاب هادي لو تكلمت وجهاً لوجه .. اكيد فيه عواصف واتهامات وهلم جر.. ( ولما ينفلت اللسان لا تحمد العواقب )..

نرجع لمحور حديثناااا::::
الرسالة طريقة اخرى ... للتعبير عما بداخلكِ .. بإمكانك ابتكار تلك الرسائل بإستخدام أسلوبك الخاص ومشاعرك الصادقة التي تتجول بحنايا قلبك ... او بالإمكان ان تقتبسي مما سأنقل لكنّ ...

فهي اسلوب آخر للتعامل ... يزيد من رونق العلاقة الطيبة بين الزوجين وينعش حياتهماااا معاااا .. وتُحدث فروق خاصة بقلب ذاك الزوج .. المنهك من عمله ومسئولياته ،، فكوني حنونة وودوده ... وحلوة المعشر والمنطق..


عزيزاتي المتزوجات .... هذه المجموعة من المسجات الرائعة:



حبيبي ياكثر طيبك تخجلني بترحيبك ما ادري كيف اهليبك عساني
مانحرم منك..


شوق اللقا زاد حرّه...
يا ليت اشوفه بس مره..
واهديه روحي بخيره وشره..

أهديك شيك بمليون بوسة أصرفه من بنك حبي شارع قلبي الدور الأول من روحي!!.



قد يبيع الإنسان شيئاقدشراه...ولكن لايبيع قلبا قد هواه!!..



قسى قلبه وهو طيب..
ولا فكر يراسلني ..بخيل حيل
في وصله..كريم بزود هجرانه


ياراس مالي والقصايد والافكار تفداك يامن لك حياتي رهينه ..



ظلمني لو يظن اني نسيته.
.نظر عيني هوى قلبي فديته..
ابد منساه دام الصدر بيته



أذوب فيك وأنت مهملني وألعب على نفسي وأقول الحين بكلمني..!!


كل الهواتف ترن إلا هاتفي ساكت..مدري خلل فني..مدري الحبيب كاشت؟؟



رسالتك لي فجرت في قلبي الشوق وزاد الحنين لشوفتك ياحياتي



شفت النجوم اللي تعلت على الكون
غلاك عندي زاد حتى وصلها.



كم تحسفنا عليك ,, ما نبي غيرك نبيك ,,تونا حسينا بغلاك ,, ياتجينا يانجيك



لو جمعت عطفي وشوقي ولهفتي ورقه خفوقي يطلع الناتج احبك ما كذبت وربي فوقي



وحشني إحساسك وحشني حبك المجنون وحشني صدرك الدافي يا أروع حبيب في الكون



حبيبي غمض عينيك. شنو شفت؟!.. ها هي دنيتي بدونك يا عمري..



غلاك يزيد ما ينقص ..
ويبقى دايم ببالي ..
وان بعدت عن عيني ..
بقلبي منزلك عالي..


يا أرض احفظيه ويا دقايق اسعديه ترى هاي حبيبي وأموت فيه..



يوم جمعني فيك من بد الايام مكتوب وسط الذاكره يوم خالد..



سنين العمر لو تمضي..
ابى ابقى لك سند وحزام..
ابى ابقى لك حبيبي..
لو يطول الوقت ما خانك





ياريتني ناموسه عندك
عشان ابوسك وامص
دمك وتضربني بيدك
واموت على خدك



اسمحيلي يامخده
اسحبك من تحت خده
واحط اذراعي مكانج
وانثني وابوس خده



يقولون اني طماعة
وانا ماطلبت الا اكون
عين كل من يشوفك بعينه
اكون ذاك الهوى بجوفك
اكون دمك في وريدك
اكون عندك وقبلك وبعدك وحولك
وياليت لو تسمح اكون في حلمك وعلمك
عاد بذمتك انا طماعة؟؟؟

[UmSawaf]

يا حبيبي مني لك الروح مهداه ... والله لو به غيره اغلى هديته
ماقلت لأحد غيرك الروح تفداه ... انت الوحيد اللي بروحي فديته




لو ان القلوب تهدي لآهديت لك قلبي
ولكنها ملك ربي
فهل يكفي لك في الله حبي؟



لو كانت عيونك بس تسوي الدنيا ومافيها
شوف كلك علي بعضك كم دنيا تساويها



ربي اني احبه فيك
فاحفظه الا يعصيك
واجعل عمله يرضيك
واغفر له يوم يلاقيك



ودي ارسل عيوني ليشوفوك ويطمنوني
بس خوفي يخدعوني
يجلسوا عندك ويتركوني



ياهاتف الحب طمني عليه
وبوسلي خديه وكف ايديه
وبلغه ان قلبي ملهوف عليه



تدري مين أنا ؟!

أنا اللي بشوق انتظرك
وبكل لحظه
ابي قربك
أنا اللي بصدق احتاجك
وأشتاق لصدق احساسك
أنا اللي بصدق حبيتك
عيوني انا سميتك
عرفت من أنا
هذا أنا
اللي على ناسي بديتك



جت لك بيوت الشعر من عذب الإحساس ..

والشعر ما يوفي مزاياك كله ..

لك بالحشا ود على غير مقياس ..

غيرك ولو وصل للقمر ما وصل له ..

غلاك عندي فارق عن غلا الناس ..

ولو هم خذو بعضه لك القلب كله ..

[UmSawaf]

عذبتني مابين بعدك ولقياك ...حتى الليالي قمت أحسب عددها
خليتني مثل الكفيف أتمناك ... اللي عقب شوفه عيونه فقدها
لو كنت تدري وش كثر قلبي أغلاك ... يمكن تقول الأم ما أغلت ولدها



أنا غلاي أصلي من الحب مصنوع .. ما هو من أسواق المحبين تجميع
في داخلي محسوب رقمه ومجموع .. ما يقبل القسمه ولا جذر تربيع
ويا صاحبي ما دام للحب موضوع ..أحفظ وبكره حصة الدرس تسميع



لك فالغلا شيدت بنيان ,, ولك صاحبا "دايم يداريك
يا سلوتي عن كل ما كان ,, لا تفتكرفي يوم ناسيك
خذ صادق الاحساس برهان ,, ما يقبل مساوم وتشكيك
لأنك على الفواد سلطان ,, ما قول غير الله يخليك



سلامي على اللي ما عرفنا لهم عذروب... غير الوفا والحب والود والطيبه
انا احبهم وان شفتهم احتقل واذوب...وفي بعدهم يا ويل قلبي وتعذيبه
حالي سواهم في تشتت ولا محسوب...وفي قربهم قلبي يحقق مطاليبه




برفع قضيه على الدنيا وما فيها ... أول قضيه برفعها على حالي
وبشعل النار في نفسي واطفيها ... واكشف غموض الخفايا ولا ابالي
خلاض ما ني مكحلها ابعميها ... واحوسها واقلب الاول على التالي
بس علشان أقول : وحشتني موووووووووووووت يا غــــــالي



في حضورك انسى الكون. واشوفك بدون لون .انسى السلام وكيفية الكلام.انسى لون البحر. وطلوع القمر .وانسى البشر ..وشكل الشجر انسى جسمي. ومعنى اسمي .ماادري انا فحلم ولافخيال

حبيت احكيلك عن شعوري في حضورك...



اللهم اني احببته فيك حبا عظيما فلا تريني فيه باسا واسعد قلبه وحبب فيه عبادك حبا يعادل اضعاف حبي له الذي يجهله هو وتعلمه انت
اللهم انه سكن قلبي فلا تحرمه سكنى جنتك
ولاتحرمني الاجابه



ما عاش مخلوق يعرفك وينساك
بس الزمن زادت علينا حموله
يا قلبي جعل المخاليق تفداك
ويفداك كل الكون عرضه وطوله
اضرب بي الهامة وانا كف يمناك
اطول منهو عجز غيري يطوله



غالي ولك باب الغلا دوم مفتوح
وانا في بحر ودك على الدوم سباح
البعد عنك يسبب لقلبي جروح
وقربك يسر القلب ويصير مرتاح

[UmSawaf]

انا فاقدة حنان ودلع ومحد سأل فيني؟
بالله قوللي يا زمن ما استاهل من يواسيني؟
المعذرة !! المعذرة يا دنيتي والسموحة
كيف ابتسم ؟؟
كيف ابتسم واحباب قلبي بعيدين
لو سنين العمر تنتهي والنجوم من السما تختفي
بظل احبك وحبك يبقى بقلبي شمعة ما تنطفي




طلبت بالغرام اللي جعل وسط الجسد روحين ونبضاته ينادونك
اذا مريت في بالك تذكر بالغلا شيئين :
محب عاش لعيونك
ومات لخاطر عيونك




في غيبتك تثقل علي الدقايق
والقوت مع غيرك ما عاد ينطاق
ربطتني ما بين عهد ووثايق
وخليتني بس للقصايد والاوراق
واليوم اقوللك دون الخلايق
ما عيني لغيرك من الناس تشتاق



اما هذي الرسالة اهدتها اختي لزوجها مع قرأن وهذي الرسالة في عيد زواجهم.......

حبيبي
لانك
كنت اختياري
وفي خليج عينيك كان قراري ((( وجنب هذي الجملة مكتوب تاريخ الملكة الي هو تاريخ العقد)))
احبك........

وفي الجانب الثاني للبطاقة او الرسالة مكتوب (( لم اجد خيرا من كلام الله ليحفظك))

و وضعت القران مع الرسالة له في السيارة من الصبح

هي ما حبت تحط كلام وابد لان راح يقراها من الصبح يعني ما عنده وقت وثانيا خير الكلام ما قل ودل وكذلك لان هذي الهدية مجرد افتتاحية ليوم لحفلة عيد زواجهم

[UmSawaf]

كل عام و إنت بألف خير
يا أعز إنسان في قلبي الصغير
اليوم يوم ميلادك السعيد
نفسي و منى عيني أشيلك و أطير

(((كل عام و إنت بألف خير)))




اليوم ما في مثله اثنين
عيدك عندي عيدين
يا حبيب القلب يا زين
يا أغلى من الرمش و العين

(((كل عام و إنت بألف خير)))




إحترت بعيدك ويش أهديلك
أهديلك وردة بتذبل
أهديلك عمري بيخلص
بهديلك روحي تعيش بيها عمر جديد

(((كل عام و إنت بألف خير)))




أتمنى اليوم ما يعدي
و الفرحة من وجهك ما تغيب
اليوم يوم ميلادك يا وعدي
و أنا من الفرحة بطير

(((كل عام و إنت بألف خير)))




اليوم يوم ميلادك
و الكل فرحان علشانك
و من صميم قلبي أدعيلك
ربي يخليك و يطول عمرك

(((كل عام و إنت بألف خير)))




يا ناس روحوا و حيوه
اليوم زاد عمره
و من الفرح ما حد مثله
يا ربي يخلي لأهله

(((كل عام و إنت بألف خير)))




نفسي أهديلك شجرة
تظلل عليك بوفرة
و تحميك من كل خطرة
و تعطيك أحلى ثمرة

(((كل عام و إنت بألف خير)))




يا عيوني أفرحي معاه
و ياقلبي زغرد وياه
اليوم الكل معاه
يحتفل بيومه وياه

(((كل عام و إنت بألف خير)))




اليوم زاد عمرك سنة
محتار ويش أهديلك أنا
تبي عمري
تبي روحي
إنت بس تدلل و أطلب

(((كل عام و إنت بألف خير)))




يا طير طاير بالسما
ميل على حبيبي و قول له
كل عام و أنت بألف خير و هنا
و ربي يزيد عمره كل سنة سنة

(((كل عام و إنت بألف خير)))




بحتفل في عيد ميلادك ... وللأسف بحييه من دونك
المهم أبقى ع ميعادك ... وأحفظ التاريخ وآصونك
الله يهنيك بعيادك ... وفي غيابي تمرح عيونك
الله يحقق لك مرادك ... وين ما تمشي على كونك
طايب في قربة بلادك ... وكل من حولك يهنونك
لا تذكر ريح فــوادك ... لا تعذب قلبك شجونك
جيت أهني بس قصادك ... لا أتفاجأ بي على هونك
المهم أحفظك في بعادك ... وأثبت لدنياك ما خونك
خذ هدية عيد ميلادك ... من حب كان مجنونك

(((كل عام و إنت بألف خير)))

[UmSawaf]

مسجات الصبح :-



صباح الخير يا غالي .. سكن في داخل الوجدان
صباح الخير ما دامت أحاسيس الغلا دونك
صباح الشوق كالعاده... بيزرع هالغلا بستان
ويرسل اجمل ازهار الوله ويحبك لعيونك



صـباحك " دهـن عـود "

ونـهـارك كله فل وورود

والـهم يبعده الله عـنك ولا يـعود



برسل سلامي والتحايا..
فيها العطر والمسك فوااح..
صوب الحبايب وأصدقايا..
اللي لهم النفس ترتااح..
وأزف شكري والثنايا..
عد الحمام ماغرد وناح..
صباح الهنا لعيوني أنا..



صباحك شوق واحساس الغلا فيني
يصبحبك ويمسي في شراييني
صباحك ورد وعطورك تدفيني
ومساك احساس يلف القلب ويحييني
صباحك نور ضوى الحب في عيني
ومساك النور يوم انك تلاقيني



صباح الخير من شخصن لا أصبح عليكم تبسم



رح يا صبـــــــــاح الورد صحي رفيقي
وقله ترى يومي بلا الزين ما بيه
قله تراني ضامي وجف ريقي
وداعب شفاته يا عسى الورد يسقيه
وان ما صحي خله بنومه غريقي
وانثر ورودك فوق متنه وغطيه



صبــــاح الورد اللي ينشر شذاه
من أول الكــــــون لين اقصاه..
صباح الحـــــب للي حيل اباه..
وين ما يكون روحي معاه..
"صباح الخــــــــــير"..



صباح الخـير من اللي يحبونك..
صباح حلاه من حلى عيونك..
صباح يحفظك فيه ربي ويصونك..



صباحك صبح ما تصبح به قبلك أحد
صباحك صبح يحفظك ربي الواحد الأحد
صباحك ورده زرعها من يحبك للابد
صباحك شهد من ذاقة ما شبع منه أبد

[UmSawaf]

مسجات المسى:-



مسيت يا اعز المخاليق يالخير
يا كيف احوالك يا عساها سعيده
احلم بشوفك حلم عطشان للبير
واحسب مسافات الليالي البعيده
بس المهم تكون مرتاح وبخير
والا اللقا ملحوق بفرصه جديده



أحـلى الأماسي من خفوق تمسيـك ,,

لا طـاب ليل بالسـهر في وصالك ,,

زود الغلا من خافقي اليوم بعطيك ,,

وأعطيك روحي بس يرتـاح بالك ,,

عيني تحت أمرك تـهل وتسليك ,,

كل المشاعر في حياتي فدالك ,,

مـساء الخـير ,,



يسعد مساء اللي على البال ما غاب
الصاحب اللي بالوفا دوم اطريه
عسى مساه ورود وزهور واطياب
وعسى الزمن من فرحته دوم يعطيه



أنا والدنيا وطيوريا وزهورها وبحورها نقولك يسعد مساك يانورها



مساء خاص مش حق أي ناس
ناس أغلى من الألماس
ناس طيبين الأحساس



امسي على من ..
من في قلبي حبهم
امسي على من..
يدور في بالي ذكرهم
امسي على من ..
يرتاح روحي لوصلهم
(مسال ورد يابعدهم كلهم)




جو المسا وان داعبه كوس لتراس
حرك شجون الذات وأبرأ العله
ياحظ من لي له ونيس من الناس
يشفع خطاه وفي اللوازم يدله
خل خليل صادق ما هوب دساس
صافي النوايا ما سعى له بذله
...(( مســــــــــــــاء الخيــــــــر)).

[الدلووعة]

يسلموووووووووووووووووووووووووووووووووووووووووووووو وووووووووو

[!!قلب طفل!!]

الصراحه يا أم سوااااااااااااااااف ،، مسجااااااااااااااااااااااات و لا أحلـــــــــى

صدق واااااااااااااااااااااااااااااااايد رووووووووووووووعه ،،،،

ربي يعطيج العافيه على هالمجهوووود اللي تبذيلينه عسب نستفيــــــد

[ام عذبه]

انا اكتب مسجات من الموضوع واطرشه لريلي كل يوم
تسلمين اختي ومعلمتي على المجهووود

[banota49]

تسلمين نفعتينا صج بهذا الموضوع.

[شوق دبي]

غلاك يزيد ما ينقص ..
ويبقى دايم ببالي ..
وان بعدت عن عيني ..
بقلبي منزلك عالي..

مشكوره ختيه على المسجات الى اكثر من روعه بس انا عيبني هذا اكثر !!