يومياتي في قراءة سورة البقرة.. وشو صار معاي

**نبض الاحساس** · 2009-01-24, 15:22

الله ايثبتكم ويحفظكم وايبارك فيكم وايحقق كل احلامكم ياحي ياقيوم لاتنسونه من دعاؤكم*_^

**Wolves_grl** · 2009-01-24, 15:47

انا بريح عيوني اشوييه,,

وعقب ان شاء الله نص ساعه,,

ببدا في قراءة سورة البقره ^_^

سبحان الله

**Wolves_grl** · 2009-01-24, 17:30

الحمدالله انا خلصت من قبل اشوي سورة البقره ^_^

ربي يتقبل منا الطاعه ياربي

سبحان الله

**محلوة بوظبي** · 2009-01-25, 04:01

الحمــدلله خلصت قراءة ...
و احس اني ارتحت و لله الحمد ...

الله يثبتنا ياااااااارب ........

**فطمطم** · 2009-01-25, 07:49

ماشاءالله عليكم

**حور المجروحة** · 2009-01-25, 08:08

الحمد الله .. الله يثبتنا ع هالشي ء و يااارب يتحقق كل اللي نباه و يكون خير لنا ..

**cute uae** · 2009-01-25, 08:15

المشاركة الأصلية كتبت بواسطة sarona000

هلا أختي مشكورة عالموضوع وانا بعد كنت منزله موضوع بتشوغينه موجود عن سورة البقرة وقيام الليل وتفاعلات البنات ...

انا الحمدلله صار لي تقريبا اسبوعين مداومة على سورة البقرة وكل يوم وأقراها مرتين في اليوم الحمدلله وفي يلسة وحدة يعني ما أجزأها لأن مره وحده تكون أحسن ومفعولها أقوى...
لني اعاني وظروفي صعبه احتمال انفصل عن زوجي واحنا مالجين بس وانا وايد احبه ومتعلقه فيه بس الظروف ضدي وانا الحين قلت بدام ع سورة البقرة صح ان خلاص وصل الموضوع للطلاق بس ماحس بالضيج اللي كنت متوقعتنه والمأساه اللي كنت افكر فيها سبحان الله مع اني اقول اني لو انفصلت عن ريلي بموت مابا اعيش مابا حد غيره بس سبحان الله صح اني كارهة هالشي بس داخلي مرتاحه وكل هذا بفضل سورة البقرة والله الواحد لو ما يحصل اللي يباه بس عالأقل ترتاح نفسه وما يعيش بهم وغم...
سورة البقره عظييييييمة وفيها بركه واللي ما يقراها بيتحسف عالأيام اللي ضيعها وما قرا فيها هالسورة....
وأهم شي ان الوحدة تكون متقينه بقدرة رب العالمين وتحسن الظن بربها هذا أهم شي....

اسمحيلي اختي طولت عليج بس كنت ابا انقل لج شعوري عقب ما داومت عالبقره وان شاء الل بستمر عليها..
ادعووووولي ان الله يجمعني مع زوجي ونكون من نصيب بعض ويسخره لي يارب العالمين عاجل غير آجل لن الموضوع وصل للطلاق....

الله يصلح بينكم يا رب .. و يبعد عنكم الحساد

**cute uae** · 2009-01-25, 08:36

الحمدلله اقرأ سورة البقره كل يوم و بادية من شهر 10 .... الله يثبتنا يا رب

مشكورة على الموضوع

**cute uae** · 2009-01-25, 08:45

المشاركة الأصلية كتبت بواسطة uae وبس

هلا حبيبتي زوزو انا بديت اقراها من اسبوعين بس اول شي يتني كوابيس في رقادي وكنت دايما احلم
ان انا وخواتي نركض ونمر علي ثيران سودة وقطاوة وكلاب ونحن نركض وخايفين وعقب نوصل
لمكان مسدود يعني ما نقدر نظهر منه.... بس ما تراجعت واستمريت عليها والحمدلله احس اني اقراها بسهولة وكنت كل يوم وانا مشغولة احطي mb3 في اذوني واستمريت حوالي فترة بس كنت احطيه الصبح وبليل اقرا السورة من المصحف وفي يوم من الأيام شغلت mb3 قبل ما ارقد ، ورقدت ونسيته في اذوني وطبعا كان يشتغل ، وبقولكن يا بنات شو حلمت و الله العظيم وربي شاهد علي حلمت سحر وشياطين
يقولولي لا تقري سورة البقرة ولا تحطي في mb3 في اذونج والله نشيت من رقادي زايغة
وقلت بعاند وبقراهـــــا

وانشالله الله يوفج كل البنات يارب ويحقق لكل وحدة لي تتمناه...
آآمييييييييين يا رب

مصدقتنج حبيبتي ... لأني انا بعد أقرا البقرة كل يوم الحمدلله و يوم ارقد اشغل الرقية و سورة البقرة على اللاب توب ... و حلمت بحرمة تضربني على ظهري و تقولي وقفي قراية تبين تطردينا من بيتنا!!! (على فكرة ما قلت كل تفاصيل الحلم)

و الله على ما اقول شهيد

**jameela200** · 2009-01-25, 09:44

المشاركة الأصلية كتبت بواسطة cute uae

مصدقتنج حبيبتي ... لأني انا بعد أقرا البقرة كل يوم الحمدلله و يوم ارقد اشغل الرقية و سورة البقرة على اللاب توب ... و حلمت بحرمة تضربني على ظهري و تقولي وقفي قراية تبين تطردينا من بيتنا!!! (على فكرة ما قلت كل تفاصيل الحلم)

و الله على ما اقول شهيد

أمييييه...قولي لنا بالتفاصيل الله يخليج

**بدروه** · 2009-01-25, 17:42

امممممم

انزين عندي سؤال

انتوا تقرون سورة البقره كامله ف يوم واحد ولا على اياام ..؟؟

وتردون تعيدونها عقب ما تخلصونها باليوم الثاني .؟

**Wolves_grl** · 2009-01-25, 18:14

المشاركة الأصلية كتبت بواسطة بدروه

امممممم

انزين عندي سؤال

انتوا تقرون سورة البقره كامله ف يوم واحد ولا على اياام ..؟؟

وتردون تعيدونها عقب ما تخلصونها باليوم الثاني .؟

حبيبتي اقريها بيوم واحد يعني يلسه وحده او انج تجزئينها من صبح لين العشاء وبس,,

وطبعا كل يوم ع هاي الحاله يعني لا توفقييين باي يوم,,,

وربي يوفقج الغاليه ^_^

**Wolves_grl** · 2009-01-25, 18:15

الحمدالله اتممت قراء سورة البقره,,,

وان شاء الله ربي يوفق كل بنت وتحصل الي تتمناه ياربي ^_^

استغفر الله

**أم رواضي؟** · 2009-01-25, 18:35

الله ييسر كل امورج

ويسهل امورنا ان شاء الله

ويسهل امور كل المسلمين يااااااااااااااااارب

يسلموووووووووووووووو

**حور المجروحة** · 2009-01-25, 19:17

أنا مريضة فيني حمـــى و أحس بصداااع فظيع .. بس قريت شي من سورة البقرة

الموضوع: يومياتي في قراءة سورة البقرة.. وشو صار معاي

أدوات الموضوع

عرض

المواضيع المتشابهه

فضل قراءة سورة البقرة...

يومياتي في قراءة سورة البقرة.. وشو صار معاي (الجزء 2)

قراءة سورة البقرة

لحفظ أو قراءة سورة البقرة