My Creativity للحلويات .. طلبية الاخت الموج الحزين 26-12-2008

[al-talee]

السلام عليكم ورحمة الله وبركاته ...

اشحالكن خواتي عساكن طيبات ...


اليوم يبت لكم صور لطلبيت الاخت : الموج الحزين 26-12-2008

والمعذره ع التاخير في عرض الصور .. السبب الامتحانات طبعا ..


طبعا ختيه الموج الحزين .. كانت طالبه 5 صياني قياس 700 درهم ..


اخليكم ويا الصور ..










راي الاخت الموج الحزين ..

السلام عليكم

مشكوووووووورة الغالية ----الصراحة الحلويات ما عليهن كلام رووووووووووعة شوية عليهن كنت بتصلج بس الوقت متأخر وااااااااااايد عجبني ترتيبهن والصراحة ما ياني صبر اذوقهن في العرس على طول من شفتهن فجيت صينية وتذوقت من كل النوعيات الصرااااحة ابدااااااااااااااااااااااع

مشكووووورة وما قصرتي

اليوم اعلن عن يوم خاص لطلبيات
قياس 50 درهم او 350 درهم للي حابه تجرب ترسل لي بياناتها ..
واخر يوم للطلب تاريخ 18 -1 -2009






واحين اخليكم ويا شرح عن الحلويات و اسعاري الثانيه و طريقة التواصل معي وشروطي ..

وصف الحلويات :

الحلويات مشكله ..
في منها بالبسكوت وفي بالجوكلت وفي بالتوفي وفي بالقهوه
والمكسرات وشي منهن حامض حلو تمر يعني تقدرن تقولن انهن كذا طعم ..
و يزاكن الله خير.. الحلويات من افكاري .. وتعبت وانا اطلعها واتعلمها من الكويت ..
فيزاكم الله خير احترام هالشي وتذكرن بان الحقوق محفوظه

اسعار الحلويات :



بالنسبه لطلبيات ..للطلب يرجى ارسال البيانات التاليه ..
الاسم : الرقم : الامارات +تحديد المنطقه قياس الطلب : ( حددي اي سعر تبين من الاسعار ال3 )
التوصيل : علي ولا عليج الغااليه


طبعا انوه ان الصينيه قياس 700 تغيرت والكميه زادت عن اللي في صورة القياسات

شروطي في التعامل معي :


خواتي طبعا لي شرط واحد في التعامل وياي .. وهو ان الزبونه اتابع وياي الطلبيه خاصه في حال كان علي التوصيل .. لان الصراحه في بنت تعبتنا في التوصيل
وفي وحده غيرها تعبتنا في الدفع وتوصيل الطلب ..
خاصه اني منبهتنهاا اليوم اللي قبل الاستلام بضرورة ان التلفون يكون عندها لان في كذا توصيله لكن الله يهديها التلفون كان مسكر بسبب مكان شغلها مافيه تغطيه
ولا حاولت اتابع طلبيتها وعذرها ان ماتبا تزعجني و عشان اريح
ضميري واسوي كل اللي علي خليت السايق يترياها 4 ساعات لكن لا حس ولا خبر .. واخر شي رجعت الطلبيه لدبي وقلت لها تتفضل تستلم الطلبيه في دبي ..
وطبعا يزاي كان منها اني ابا اخذ مال حرام .. لكن الحمدلله فلوسها رجعت لها واثبت لها اني مب من النوع اللي يدخل حرام في حياته




وممكن اوفر لكم اذا حابين خدمة الضيافه رجال ونساء خدمه راقيه جدا ...
لجميع المناسبات مثل : ولاده .. عرس .. عزاء.. حفل تخرج .. الخ
وسعر الخدمه يختلف ع حسب عدد المعازيم ..


هام جداً
طريقة الدفع و الطلب
يتم الطلب قبل اسبوعين من المناسبه ..
ويتم ايداع المبلغ بعد الاتفاق معي .. لطلبات الاعراس لازم عربون والطلب قبل ب3 اسابيع ..
يتم إرسال المبلغ عن طريق الانصاري للصرافه ...
يتم ارجاع الصينه الخاصه بي في نفس وقت التوصيل .. الا في حالة طلبج صينه يديده تدفعين 50 الى 80 درهم ..
يتم التواصل معي عن طريق الرسايل الخاصه اولا وبعد ذالك الرقم المباشر لي..
التوصيل اذا كان علي
.. تدفعين بين 30 درهم دبي والشارجه وعيمان
ام القيومين راس الخيمه 50 درهم الى 70 درهم ..
بوظبي والعين 100 الى 130 درهم ...
يتغير سعر التوصيل في طلبيات المناسبات ..
واذا سايقج ولا حد من طرفج بي يستلم الطلبيه ما اخذ اي مبلغ ..
وهناك عرض خاص للي تطلب اكثر من 4 صياني القياس الاول .. و5 صياني القياس الثاني .. و6 صياني القياس الثالث ..
واللي حابه تشوف مواضيعي وتاخذ فكره اكثر ع ها الروابط



للي يطلبن التجربه ... اذا كان التوصيل علي اللي يوصل بينتظركن في مكان معين وانتن اتون حد يستلمها منهن ... وسعر التوصيل يختلف طبعا ع حسب
بوظبي والعين وراس الخيمه وام القيوين 40 درهم ..
دبي والشارجه وعيمان 30 درهم ..




طلبيات العيد مع الاراء

http://forum.uaewomen.net/showthread.php?t=367953

للاعراس

http://forum.uaewomen.net/showthread.php?t=375131

http://forum.uaewomen.net/showthread.php?t=359951

http://forum.uaewomen.net/showthread.php?t=355693

http://forum.uaewomen.net/showthread.php?t=353882

http://forum.uaewomen.net/showthread.php?t=345152

http://forum.uaewomen.net/showthread.php?t=341983



ويزاكن الله خير دعوه من قلبكم لي ..

وربي لا هانكن ..

ويا مرحبابكن

المزيد من آخر المواضيع من نفس القسم:

• عصير هوليود الامريكي الاصلي للرجيم
• خلطة لتبيض المنطقه الحساسه
• الجهاز الرياضي توستر المطور لتخسيس الجسم...
• الجهاز الرياضي توستر المطور لتخسيس الجسم...
• مقبض زوجى لتقوية عضلات اليدين والذراعين
• مقبض زوجى لتقوية عضلات اليدين والذراعين
• للبيع العاب زوجية متنوعة واجهزة مساج...
• فيتارم كريم لشد ترهلات البطن
• كريم فيتارم لمعالجة السيلوليت
• كريم ايفانسيس الايطالي لعلاج السيلوليت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[%~ ورد جوري ~%]

ربي يوفقج ويرزقج من حلاله

[موزه السويدي]

ماشاء الله يم يم ^^

[أم عبـد الرحمن]

موفقه أن شاء الله

[*أم الميث والشيوخ*]

ما شا ء الله

[حبوبة العين]

ماشاء الله يم يم ^^

[Um albnat]

فالج التوفيج يارب

[al-talee]

يزاكن الله خير

[![ملكية]!]

تووووصلين منطقة النوف ف الشارجه ؟؟

انطر ردج ع الخاااص

[اسويرا]

مووووووووووووفقة

[BntZayed]

موفقـــــــــــــــة إنـ شـــــــــــــاءالله

[al-talee]

يزاكن الله خير

[الطنيجيه]

ربي يوفقج الغاليه

[al-talee]

يزاكن الله خير الغاليات

[al-talee]

للرفع