شو الأحسن المنهاج الأمريكي ولا البريطاني؟؟؟؟

[هند666]

السلام عليكم:

الأمهات اللي جربوا المنهاج البريطاني شو رايكم؟؟؟ لأني سمعت انه وايد صعب والأهالي صعب عليهم يدرسون عيالهم مب شرات المنهاج الأمريكي .

الصراحه محتارة أدخل ولدي مدرسه منهجها بريطاني أحسن ولا أمريكي.؟؟؟ أفيدوني

[ام عبادي70]

والله بصراحه انا عيالي يدرسون المنهج الامريكي واشوفهم امشين فيه
لكني اسمع ان المنهج البريطاني وايد صعب والخوات بيفيدونج اكثر

[شمسه وهند]

البريطاني طبعا حتى لو أصعب..الأمريكين نفسهم يتفاخرون اذا عندهم عيال في مدارس بريطانيه!

[مطنشة]

البريطاني بلا شك


لأن المنهاج الأمريكي مثل أللغة العامية , يعني مب أصل .

الأمريكي Spoken english

البريطاني Classical english

أساس اللغة الأنجليزية من بريطانيا .

عشان جذيه الناس تشوفه صعب , بس ماعليج لا صعب ولا شي .

[um-m7mad]

هلا خواتي شو رايكن في المنهج الهندي

[رؤى11]

أنا ابني كان منهج امريكي

والان منهج بريطاني والحمد لله مشي فيه بسهوله لانني تابعته واحسست بالفرق الكبير ممكن نعتبر ان الامريكي قشور بالنسبه لقوة البريطاني
واي سؤال حاضرين اسالي

[الصغيروونة]

انـا دخلـت مدرٍسـه منهج امريكي ،
سهل و حلو ،

البريطاني نحس به ثجيـل دم و وايد صعب و معقّد
خاصـه فالقرامر و سوالـف !

و القـرار راجع لج فديتج =)