قيل سابقا عن المدرستين:
1- مدرسة الشويفات الدولية
ممتازه, عيبها الوحيد كما قيل انه العربي عندهم ضعيف اهو و الدين لكن الباجي من اروع ما يكون.
ام قالت: مدرسه الشويفات لى في خليفه الحمد الله المنهج عاجبنى وعيالى ماشين فيه ومدرسه اوكيه وان شاء الله يستمرون فيها لين ما يتخرجون وريلي وايد مستانس منها لان منهجهاا وايد قوووي ومقبوله من جامعات وايد في بريطانيا وامريكا وكندا واستراليا
واحده من خريجات الشويفات قالت:انا خريجة الشويفات و كنت فيها من صف أول... اذا هدفكم تعليم قوي لعيالكم و مستقبل واعد فتوكلوا على الله..الدراسه متعبه بس عشان مصلحة عيالنا و خصوصا الحين صاير في تنافس مو طبيعي..نعم مستوى التربيه الاسلاميه جدا واطي بس الحمد الله الوالده ما كانت اتخلينا ..الحمد الله جو البيت كان يساعد..العربي القواعد ضعيف شوي بس الادب مستواه عالي.
موقع المدرسه
http://www.iscad-sabis.net:88/ad/main.jsp
2-مدرسة أبو ظبي الأسترالية
قيل عنها" هب مدرسة هاي اكاديمية واللي تنافس في قوتها اعتى مدارس استراليا .مديرتها اعتنقت الاسلام قريب انسانه خلوقه ومتفهمة.اسعارهم غاليه لكن منهجهم قوي
واللي يتخرج منها كل جامعات العالم سواء في استراليا او خارجها ترحب فيه وتقبله
عندهم اسلوب حلو في التدريس وعنده في كل اسبوع عمل تطوعي
الصلاة اجباريه في المدرسة ومادة الدراسات الاسلامية بعد
ويعتمدون على نظام التحفيز وحث الطالب على الابداع والمشاركة وليس الحشو والتلقين
هذا اللي اعرفه من تجربه ناس دخلوا عيالهم وناس ثانيين السنة سجلوا عيالهم فيها"
قيل ايضا: ولدي صف ثاني ابتدائي كان منقول من مدرسة باكستانيه ومستواه مش قوي ...سجلناه في الاسترالية خاصه بعد ما فتحوا في مدينة خليفه ب ..الظاهر انه المدرسة قبلت طلاب كثير بدون تحديد للمستوى مما خلاهم يظطرون انهم يقسمون الصف نفسه الى مجموعات a--b--2b على حسب تحديد مستوى المدرسة لهم ..طبعا انا ولدي كان 2b لانه مستواه ضعيف المهم كان فيه دايما كل فتره اجتماعات مسائيه مع اولياء الامور للنقاشات ففيه الكثير من الناس كانوا زعلانين انه المدرسة ليش تقبل طلاب ضعفاء في الانجليزيه خاصه الناس الي عيالهم من مدارس اجنبية او انجليزيتها قويه ....كان رد المدرسة انه هذي مسؤلية ابوظبي الاسترالية الي لها سياسه معينه لتطوير هاذيلا الطلاب من خلال برامج سموها els حسب المجموعات الي حدودها مسبقا وكان فيه وعد من المدرسة انه مع نهايه العام بايتغير مستوى الطلاب 180 درجه .........وصراحة هذا الي لاحظته انا ولدي في الانجليزي ماشاءالله غدا ممتاز حتى ممكن يقرا اي شي يشوفه .......والصراحه مثل ماقالت وحده من الاخوات هم مايعتمدون على الحشو ويحبون انه الطفل يطلع الي عنده حتى البحوث الي يسوونها يبون الطفل يسويها حتى لو كانت خربطه مش مفهومه ويخلون الطفل يسوي prezentaion .....والصراحه بعد وايد المدرسه تعطي الطلاب هدايا ومكافاءات وتشجيع الصراحه ....انا من بداية السنه الى اليوم كل يوم ولدي ييني البيت مستانس ولا قد مره قالي باغيب
و شوفي يا اختي نصيحه مني
روحي انتي و الطفل اللي بتسجلينه للمدرستين و خليه يختار وحده منهم, لأنه الثنتين ما عليهم كلام بصراحه.
و بالنسبة لضعف الشويفات بالعربي و الدين, الشي هذا كان قبل. الحين ماشاءالله عليهم يعطونهم عربي كل يوم و الدين ما اعرف جم مره بالاسبوع, لكن ولدي في كي جي 2 فرع الشارقه اييني و يقولي شغلات بسيطه على قد عمرهم يعني ما يقدرون يعطونهم اشياء كثيره.
و اهم شي انتي بالبيت اللي تربين و تزرعين فيه حب الدين و الصلاة و قراءة القرآن.
و الله يوفق الجميع يارب
.gif "الصورة الرمزية ms.goldy")
ضوابط المشاركة
المفضلات