رحلتي مع ربط المعده

[ريم وفرح]

السلام عليكم خواتي
انا حبيت اكتب لكن رحلتي مع عملية ربط المعده اللي سويتها قبل شهرين وخصوصا اني قبل اسويها تمنيت التقي بوحده مسوتنها قبلي عشان اسالها بس ما حصلت المهم انا من طفولتي وانا اعاني من السمنه وعقب ولادتي لعيالي الاثنين سمنت اكثر وجربت انواااع الريجيم من الكيميائي للبروتين لدكتور نيوترشن ما فاااد
اخر شي قالتلي دكتورتي النسائيه وهي دكتوره معروفه فبو ظبي اني لازم انزل وزني لاني حملت واجهضت على 3 اشهر وقالتي انه برنامج ثقه للضمان الصحي للمواطنين يغطي عملية ربط المعده اذا كان زيادة الوزن عند المريض من 40 كيلو فما فوق وطبعا اختكم يعني انا دبـــــــــــه درجه اولى سرت لعيادة الدكتور (ما بقول اسمه عشان لايقولون دعايه بس اذا حابين تعرفونه ارسلولي عالخاص)قابلته وقالي اني عندي زياده فوق الوزن الطبيعي المثالي لطولي ب48 كيلو!!!!!!!!!! تخيلن فرحت واااايد واول مره افرح بحياتي لان وزني زايد تخيلن وزني 116 كيلو وقالي انه العمليه اسمهاadjustable gastrik band وهي عباره عن شريط سيليكون يربط على رأس معده مستحدثه من المعده الاصليه ويكون مسيطر على العضلات المتخصصه بارسال اشارات للدماغ بالشبع والامتلاء وراح يكون في تحت الجلد خزان مائي صغير عن طريقه يحقن الباند بالماء عشان يضيق وقالي اني لازم اسير لخبيرة تغذيه عشان تسويلي فحص لكتلة الدهون.
ادري طولت عليكن كولولي اذا تحبن تعرفن كيف سويتها وكم نزلت بفترة شهرين قولولي عشان اكمل الموضوع.

[k&s]

مرحبآاا الغالية ..

عساج بخير ,,

استانست بموضوعج .. وحسيت عندج الإرادة والعزيمة على إن تنزلين وزنج .. وهذا الشيء حلو ..

وإن شاء الله .. تلاقين الخير ..

وتتوفقين أكثر .. وتحقق أمانيج ..


وكملي موضوعج ..

[رمش أسود]

كملي احنا معاج

احب اسمع تجارب الاخرين عشان نستفيد

[بنت فرنسا]

ما صارلج ترهلات,,,!!!

[ريم وفرح]

k&s
رمش اسود نورتن موضوعي الغاليات وشجعتوني اني اكمل معكن

[ريم وفرح]

يلا بسم الله
بعد ما اخذت من الدكتور اسم خبيرة التغذيه سرت لها على طول وقابلتها وشرحت لها الموضوع؛ وقفتني على جهاز غريب عجيب ومسكتني قطعتين حديدوقالتلي لا تتحركين طبعا انا ما اعرف شو السالفه وشو هالجهاز وقفت مثل الصنم الين طلعت الورقه عليها ارقام وهي نسبة الشحوم اللي بجسمي فعلا هالجهاز عجيب قاس نسب الدهون بيديني واريولي وبطني وطبعا كلها حدث ولا حرج لا بالله حدث وموووت من القهر والحرج لانها كلها عاليه تخيلن يبنات عندي اكثر من 17 كيلو شحوم ابطني طبعا عيل هالكرش شو مليان هوا؛
وعندي بكل زند 4كيلو شحم اللهم يا كافي واليسار اكثر بنصف كيلو عن اليمين ههههههه شر البلية ما يضحك لا وريولي والله نسيت كم كيلو بس اكيد 10 وفوق وقالتلي اني بمرحلة السمنه المميته خلاص ما وراي غير الضغط والقلب والسكري الصراحه انصدمت وقمت اصيح عندها المهم خذيت التقرير وطيران عالدكتور وقال خلاص بننطر الابروفل او الموافقه من ثقه وثاني يوم اتصلو عليه ثقه على اساس انهم يتأكدون من الفحوصات وسرت لدكتوره من عندهم واكدت كل شي وتقررت العمليه بعد3 ايام .
اسير انوم بنتي وارجع اكملكم المسرحيه

[عود الموز]

هلا اختي انا كنت اريد اسويها قالولي حرام واااااااااااااايد تعب علي اونه

وااااااااايد تعب بعد العمليه ؟؟

ممكن اعرف بتفاصيل شو صار عليج الين الحين بعد العمليه اذا ممكن في التقيى والدوخه وانه تقدرين تاكلين ولا لا ومن هل السوالف