اقروا سالفتي واحكمو عن تغير جنس الجنين في اقل من شهر؟؟؟

[ميثة بنتي]

السلام عليكم ورحمة الله وبركاته..

بداية شهري الرابع سرت عند دكتورة شاطرة وااااااااااااايد زينة الكل يمدحها وبغيت اعرف جنس الجنين وكان طبعا امسكر اريوله وحركته الين ما فتح اريوله وقالتلي بنت وانا عندي بنوته الله يحفظها وكان خاطري بولد المهم ما خبرت احد الا ريلي وحميتي الي اعزها وااايد وكل ما احد يسالني اقولهم ما شيكت ومرت الايام والكل يبى يعرف بعد فترة في نصف شهري الخامس كان عندي مراجعة بمستشفى حكومي وكنت اقول حق الدكتورة انا عرفت ان فيني بنت وعقب قالتلي انهم ما يخبرون جنس الجنين وتعرفون كيف اجهزة المستشفى المهم قالتلي خليني اشوف الجنين وحجمة وهالسوالف وبعد فترة اشوفها اتاخرت يعني كل مرة اقل عن خمس دقايق واتقولي خلاص؟؟ وتمت اطالع الشاشة جان اتقولي الي انا اشوفه ولد مش بنت يعني احتمال يكون ولد مش بنت وفرحت وخبرت ريلي وحمياتي وخواتي وابوي .. والحين خايفة اروح مره ثانية واتقولي بنت صح ان كل شي من الله حياه الله .. بس انتوا فاهمين قصدي فوق ها كله اربيعتي يوم سارت عند الدكتورة الشاطرة الي بالخاص وقالتلها عن سالفتي قالت لها انها ما اتغلط وفالتها يوم شفتيها كان لريول البيبي امسكر بعدين قالت يمكن ليش لا؟؟ فشورايكم بالموضوع ومنو استوالها نفس الشي او وحدة من عايلتها هالشي عقب تغير او تم نفس الشي؟؟؟؟؟ انا الحين بدخل شهري السادس انا راح اراجع مرة ثانية 18/1 انشاالله

[فطــامــي]

الغالية ما يتغير جنس اليهال مولية
بس يمكن وحده من الدكتورتين ما شافت عدل
والله يرزقج بالذرية الصالحه

[أخت القمـر]

الغالية ما يتغير جنس اليهال مولية
بس يمكن وحده من الدكتورتين ما شافت عدل
والله يرزقج بالذرية الصالحه

صح الغالية

ما يتغير ،،، استغفر الله

لكن الغلط يكون من الدكتورة،،، الولد يكون بوضعية عاطي ظهرة للشاشة ،،، فالدكتورة اشوف ورا على انه خط (فتقول بنت)

المهم يكون كامل الخلقة،، وبصحة وينولد بسلامه ياااااااااااااااااارب

[عذااااااري]

انا بعد في حملي هذا استوالي شرا اللي استوالج
في نص الرابع قالتلي دكتورتي شكلـها بنيـة واللي في بطني لاكان مسكر ريوله ولاشي .. بس كان فيني احساس انها مب بنيه ماعرف ليش @@ فقلتلها دكتوره انا مابا اعرف شو فيني اباها مفاجاه

المهم طنشت السالفه وتوني من اسبوع عرفت انه ولد من مستشفى الكورنيش واتخيلي انا الحين في التاسع بس الحمدلله انا متزهبه للبيبي الوان تناسب الجنسين ..

[مريم626]

الغاليه جنس البيبي مايتغير بس ان صار لي نفس الموضوع ’كنت حامل وسرت عند دكتوره مشهوره وقالت لي بنت بس عقب اسبوعين سرت مستشفى خاص قالتلي ولد وطلع كلم المستشفى صح

[ميثة بنتي]

استغفر الله انا ما كان قصدي انه تغير لا طبعا يعني منو الي غلطت فيهم واي شهر فيهم كان مناسب ان اسوف الجنين

[BinKhadim]

وحدة من اهل ريلي قالو الها بنت وما خلت حد ما سارت لة ... كلهم قالو الها بنت ... وعلى بداية الثامن ما ادري السابع تنومت في المستشفى لين حزة الولادة وكل يوم يسوون الها تصوير ويطمنون على البيبي ويأكدون عليها انها بنت ... وهي ما خلت شي لونه وردي ما اشترته من السوق ... والتوزيعات وديكورات الغرفة ... وحزة الولادة طلع ولد مب بنت ... واضطرت اتلبسة ملابس البنات فترة ...