علاج للبقع البنية الداكنه...

**Ward W Sho0k** · 2008-12-16, 20:28

السلام عليكم ورحمة الله..

بناااااات بغيت مساعدتكم وشوركم...

أنا في شهر 6 كنت رايحه الجامعه ووحدة من البنات كانت اتقولي بشرتج حلوه وصافيه ما فيها بقع, أقوللكم من رديت البيت وغسلت ويهي حسيت بحكة واحمرار في أماكن متفرقة في ويهي وبعدها بيوم جفاف... سرت العيادة وقالولي إنها أكزيما !!!!! عطوني كورتيزون و استخدمته, راحت الأكزيما وتمت بقع بنية داكنة في ويهي.. ما خليت عياده إلا وسرتها وما خليت دوا تبييض من وصفات دكاتره إلا واستخدمتها... وصفولي alpha plus واستخدمته شهر وكان يحرقني وايد وما فاد, استخدمت عقب i klen و حسيته يمكن شوي خف بس عقب ما خلصت الدوا ودرته, وسرت عند كلداري وسوالي خلطه وما نفعت, واستخدمت دوا levis white من صيدلية ابن سينا وبعد ما فاد... وقبل العيد ابيومين سرت عند الدكتورة أمينة في مركز المرأة الصحي وعطتني خلطة تبييض و قالتلي إنه مواد التبيض تخلي الويه يتحسس و أنا ويهي حساس وايد فعطتني الخلطة ونسبة مادة التبييض 2%, تعبت والله وما أعرف شو أسوي؟؟

أمي اتقولي ها حسد وما بيفيدج أي دوا .. أونه لازم اللي حسدتج تتوضا و أغسل ويهي وأنا أستحي أقول للبنت وما بحط في ذمتي إنه هالبنت حسدتني ..

بليييز انصحوني ... امممم شو رايكم في الدكتورة أمينة الأميري وهل حد يتعالج عندها؟؟؟ أنا مدحوها لي عشان جي سرت عندها وحتى الحريم اللي جفتهم اهناك مدحوها...

المزيد من آخر المواضيع من نفس القسم:

**دلوووعة UaE** · 2008-12-16, 20:40

الله يعينج بس انا مع امج صدقها ليش هي ما استحت يوم بققت بعيونها عليج

حبيبتي استحي من اللي يحشم ويستحي منج مب اللي تجرب قدرات عيونها في ويهج

وبعدين الله يهديج جان قلتيلها ردي الشهاد ع ويهج.............

موفقه وان شالله يرد ويهج مثل قبل واحلى

**Ward W Sho0k** · 2008-12-16, 20:45

تسلمين الغالية وما تقصرين... المشكلة في ناس يوم اتقوليلهم قولوا ماشاءالله ما يعيبهم

**ظبية*الامارات** · 2008-12-16, 20:49

انا مع امج يوم قالتلج هذا حسد

الله يشفيج يارب

**الغاااالية** · 2008-12-16, 20:52

الله يعينج والله

يعني شو كانت بتخسر لو قالت ماشاء الله .!

وانا لو مكانج بسوي اللي قالته امج ^^

والمفروض ماتستحين منها ^^

**نورا1** · 2008-12-16, 21:13

فى كريم اسمه نوماركس
انا استخدمه صارلى اسبوع للحبوب
واثارها البنيه بصراحه خففها مشالله حتى الحبوب وبدت تصغر ولونها صار وردى
الكريم خاص بالحبوب والكلف والبقع البنيه والهالات السودا

***عواش*** · 2008-12-17, 03:15

انا مع امج

**عاشقة الجنة 1** · 2008-12-17, 08:46

بسم الله الرحمن الرحيم
أنا من رأي إقرأي الفاتحة 7 مرات والمعوذات وآية الكرسي على ماء زمزم وإغسلي ويهج بالماء واشربي.
وباقي على الله تعالى

**uAe eVe** · 2008-12-17, 10:37

عادي الغاليه مب لازم تقولين لها
اهم شي تاخذين عنها اثر ..بس لو تسألين شيخ احسن
بس اتذكر انه الكاسه اللي شربت منها لو تاخذينها وتغلسينها في ماى وهالماى تتسبحين به ينفع
وفي امور ثانيه بس اقول اسالي احسن

وداومي عالسكراب يزيل البقع اذا التزمتي فيه

**انثى الحب** · 2008-12-17, 15:01

اختي سمحي لي مابينفعج لا كريمات ولا خرابيط انا مع امج حسد وانا منج اخذها على جنب واقولها بس بطريقه حسنه وكلمة طيبه وخليها تتوضى لج ما فيها شي ترى والعين حق اختي

ومن اليوم اي حد يقولج شي قولي لهم قولو ماشاءالله ولاتفكين لين مايقولون واذا قالو لا حنا عيونه مو حاره قولي لهم العين حق وثاني شي في عين محبه وفي عين حقد حسد واذا ازعلت بكيفها هذا ذكر الله تأجر اذا الفظته

انصحج نصيحه لوجه الله قولي لها لا تخسرين فلوسج على الفاضي

والله يشفيج انشاءالله ويبعد عنج عين كل حاسد

**عيو دبي ون** · 2008-12-17, 16:43

الله واكبر ع عيوونهاااااا ..

كلتج .. بسم الله عليج ..

**el7lwah** · 2008-12-17, 21:00

جان جعمتيهاا ,,, وقلتيلهااا أعوذ بالله ..قووولي ما شاء الله ..

***القطريه*** · 2008-12-17, 23:34

الله يشفيج ويعافيج

اقري على نفسج

**روح الــــورد** · 2008-12-17, 23:37

بدون ما تحسسينها عزميها فبيتكم وحطي غسول عشان تتغسل عقب ما تتقهوى وخذي الغسول واستعمليه .. ولاتنسين الرقيه والاذكار والله يشفيج ..

**قرنفل** · 2008-12-18, 17:09

أنا مع عاشقة الجنةوأم ورد طريقتهم حلوه بس مايصير أتقولين لها بوجها هالكلام مامن الذوق مثل

ماقالولج الأخوات يعني كل وحده تحط نفسها مكان البنت شنو بكون موقفها الواحد لايزم يراعي مشاعر

الآخرين لو أذوه اول شي سوي طريقة ماي زمزم وتقري الآيات مع اليقين بالشفاء من الله إذا مافاد روحي لمطوع مب دجال وإذا مافاد أعزميها

الموضوع: علاج للبقع البنية الداكنه...

أدوات الموضوع

عرض

علاج للبقع البنية الداكنه...

المزيد من آخر المواضيع من نفس القسم:

المواضيع المتشابهه

أبا حل للبقع على غنفاتي

الليزر للبقع الداكنه وشد البشره

علاج للبقع البنية في الوجه

البقع البنية الداكنه في الوجه ؟

أبا علاج للبقع