منو اخذت حبوب كلوميد قبل الحمل

[ام منتهى]

هلا , اخواتي , ارجوا الي اخذت حبوب الكلوميد لتنشيط المبايض قبل الحمل تخبرنا هل حملت عطول او اخذلها وقت وهل اخذت بس شهر او اكثر و شو الفرق بين الابر و الحبوب و كم نسبة احتمال حدوث توأم.

انا كتبت لي دكتورة بس ما بدأت ااخذهم متخوفة
ارجوا افادتي
شكرا

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم سـلطان]

هلااختيه .. بصراحه ماعندي فكره عنه ...

وان شاء الله البنات اللي عندهن تجربهـ ما بيقصرن وياااج ..

بحفظ الرحمنـ...

^^

[ام منتهى]

اشكرك ع المرور

[شيماء علي]

والله ما اعرف فديتج انشا الله الخوات يفيدنج

[!!شمعة أمل !!]

الغاليه انا اخذتها بس ما استمريت عليها لان زوجت اخوي تقول انها تزيد الشعر بالجسم وهي مجربتها قبلي .,...والله اعلم ...

اتمني اني افدتج

واسال الله انه يرزقج ويبارك فيج

دمتي بود

[ام منتهى]

اشكرك حبيبتي شمعة امل

انا اريد البنات الي ااخذه و وشافوا نتائج منه .

[shoki shoki]

up up

[اصايل]

حبيبتي انا اخذتهم يمكن 3 اشهر او 4
ووقفت
لانه انا مبايضي والحمد لله تمام يعني احس اني مااحتاج منشط

وشوفي بقولج الي حسيته

انه جسمي انتفخ شوي
وكله معصبه ومالي خلق
وزني زاد


واهما تاخذينهم على مااذكر خمس ايام وبعدها بجم يوم تاخذين الابره التفجيريه

والابره التفجيريه هذي تفجر البويضات على اساس يتلقحون فيقولج الدكتور بعد الابره بيوم مافي معاشره بعده بيوم يصير المعاشره على اساس انه البويضات تتلقح

بس حبيبتي نصيحه مني وحسب ماقريت وسمعت انه موزين وايد يعني موزين تاخذينه فترات طويله يضعف المبايض


وبخصوص الابر هم خذيتهم اخذت عشر ابر كل يوم ابره بالعضل
بس تعذبت شوي بطني انتفخ كاني حامل وتعرفين بطني صار يااااااااااااابس ويعورني من امشي احس مثل صخره ابطني من اتحرك يعورني

وهم ايبون الاعصاب

وسعرهم غالين يمكن الابره الوحده فوق 250 درهم على مااذكر

وبعدها تاخذين الابره التفجيريه

وهم مافادوني

واي استفسار حبيبتي انا حاظره

[miss.H]

انا خذت الكلووميد .. بس قالت لي الدكتوورة تحتاجين ابر و خذت ابرتين و الحمد لله حملت

و استخدمتهم بس شهر و حملت بدون ما آآخذ الابر التفجيريه بس مرت اخوي ما صاار عندها حمل يمكن لانها كانت متردده و قاامت

توسوس تقول ان الكلوميد سوالها تكيس
يعني الحمد لله فاادني و هي ما فاادها .. و هذا طبعا لانه في فرق بين جسم و ثااني ..

[همسة الغلا]

انا هالشهر اخذ كلوميد وابر
وإن شاءالله احمل
ادعولي بالذرية الصالحه

[um 3allawy]

بصراحة انا خذته شهرين وبعدين حملت وبالحمل الدكتورة قالتلي احتمال يكونون توم بس لما شيكت بالسونار طلع واحد والحمدلله يبت ولد و الحين عمره سنة وتسع شهور وناوية احمل انشالله قريب بس حاليا اتعالج لان عندي كيس ماي عالمبيض ادعولي يروح عشان احمل

[ام منتهى]

اشكركم ع مشاركتكم ف موضوعي

فهمت من كلامكم مو كل حالات تضطر تاخذ إبر تفجيرية و في حالات اخذ الكلوميد و ابرة ما دائما يحدث توأم
يعني انا لو أخذت كلوميد ف مرة الاولى ف احتمال حدوث حمل ؟
متى اكثر احتمال يحدث توام هل لما تاخذ الكلوميد ف اكثر من شهر؟

سوري طولت عليكم

[l@@k]

أنا خذت لمدة شهرين وفي الشهر الثاني الحمد الله حملت وأنا ألحين في الشهر الثالث من الحمل..

[دانتيل]

انا خذت الكلوميد
واحين انتظر النتيجه .ان شا الله ماتي الدورة

[Om SoSo]

انا خذت الحبوب 3 شهور وحملت وخذت الابر التفجيريه مره بس وايد تعبت من الابره وبطني انتفخ كأني حامل فالشهر الثالث..هذا غير النفسيه الزفت والعصبيه..وبالنسبه للتؤام يوم خذت الابره وصورت قالت الدكتوره انه احتمال كبير يكون الحمل تؤام بس الله ما راد يصير حمل في هذاك الشهر وحملت الشهر الي بعده..

الله يرزقج ان شاء الله بس حاولي ما تاخذينهن فتره طويله يعني كل شهرين وقفي شهر وارجعيله هذا كلام دكتورتي لان المبايض تتعب..