المشاركة الأصلية كتبت بواسطة LoOoL
بسم الله الرحمن الرحيم[/CENTER]
السـلام عليكم ....
هذا اول موضوع لي في هالقسم ... وان شاء الله ما اخر موضوع
حبيت اعرض لكم شنطة الـ لويـس فيتون
و الحجز ليوم فقط
لاني مب فاظيه حق استهبال البنات
الي تحجز لين مادري كم يوم .. والي حاجزه اكثر من اسبوعين و انا مراعيه ظروفها
واخر شي تسوي طاف ...
مب من شي البنات يكتبن ما شي حجز و للجادات فقط
والله صج ما اقول غير الله يعينكن ...
الــ Speedy 30 AZUR
الشنطه سعرها فالبوتيك 2650 درهم
وانا حابه ابيعها بـ 2000 درهم بــس !
وان شاء الله نتفق ع السعر
ها صوره من الموقع للسايزات
الشنطه عمليه وايد وحجمها مناسب ..
وصورت لكم الشنطه من كل الجوانب ومن داخل عسب تشوفون حالتها ..
القبطه الي متلعوزه اكثر شي ........... معنه ما شايلتنها وايد بس يوم السفر طاح مطر وانا شايلتنها و وغمج شوي لونها .. ومن بعدها ما شلتها الا كمره.. وكنت بوديها البوتيك انظفها .. بس ما كان عندي وقت ..ولانه بعد هم بينظفونها بـ كريم و الكريم مالهم بيغمج اليلد زياده ... انا بترك الخيار لج انج تودينها ولا لا...
اخليكم ويه الصور
وهني الشنطه من تحت صورتها بالفلاش عشان يبين لكم اذا متوضخه ولا فيها شمخ او شي
وهني من الجنب
هني بعد من ع جنب شوي من العباه مستوي رمادي خفيف ما يبين وايد الا اذا ركزتي
يعني ما بيتلاحظ .. وحاولت ابينه وايد فالكاميرا بس ما رضى يظبط وياي ><
من داخل فيه شخطه بيسيطه ما تبين .. مادري ها قلم ولا جحال
صوره ثانيه من داخل
وايد نظيفه من داخل وحتى الشخطه ما تبين الا اذا ركزتي ...
وهاي القبضه صورتها كذا صوره عشان تشوفون ما تقولن غشيتكم ..
وصورتها بفلاش وبدون فلاش ..
والشنطه بتيج في هالبكس ...
و البوكس مب كبير لانهم مايعطون ل سبيدي 30 بوكس عود اتيج بهالطريقه ... الا اذا انتي طلبتي بوكس كبير.. وفالعاده البوكس الكبير ايج ويه السبيدي 40..
هذا رقم لويس فيتون .. الي تبغي تسال وتتاكد من سعرها فالبوتيك
04 3592535
والي تبا الشنطه تراسلني عالخاص ....
وان شاء الله بنتفق على باقي التفاصيل
والسموحه منكم ....
ودعواتكم
تم اضافة 3 صور - فالرد الثاني
للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا
رد مع اقتباس
