kids playroom غًرٍفْـِّــــة آلعًـــآبٌَِللآطُـفـــــــآل

**Me&U** · 2008-11-27, 22:57

السلام عليكم ورحمة الله وبركاته
خواتي امهات سيدات الامارات
بغيت مشوركم واحنا خوات ما بتقصرون

قررت وللحظة الاخييييييييييييييييرة اني اغير غرفة العاب عيالي، من بعد ما اشترينا الاغراض وكنا اليوم ناويين انا وريلي نرتبها كلها وبتكون جاهزة باذن الله

بس قلبنا عورنا على ورق الجدران اللي حاطينه ، والله وايد غالي وقلنا خسارة بغرفه العاب

، بس لآن الغرفة ظلت فاضية بالدور الارضي، فحبينا نستغلها بغرفة العاب

المهم بعد التغييير ، الغرفة اللي بنحط فيها غرفة الالعاب الصبغ ابيض، اكييييد، وفيها اكثر من ستارة
الستاير مب مشكلة بدور على حسب لون الجدار

فشو تنصحوني احط الالوااااااااااان
الالوان اللي خاطري من زمان احطها البرتقالي والاخضر احس وايد روووعة
ومناسب للأولالالاد، انا عيالي اولاد
لا تقولون ازرق ما ابي،

علشان غرفتهم اللموجودة حالياـ ازرق واصفر ورمادي وطالعة روعة بعد مع الاثاث كله

ملاحظة مهمة: الغرفة وايـــــــد واسسسسسعة اكبر عن الغرفة السابقة بوااايد

انا بس ابي اصبغ الحين وعلى طول برتب الاغراض فيها، لآن الاغراض شارينها خلاص من زمااااااااااان
والتفصيل اللي كنا نبيه بعد مخلص

حصلت بعد غرف للعب بالجوجل وماخذة منها افكار للغرفة :

سامحوني هذا اللي قدرت ارفعه ، عندي ملف فيه كل شئ يخص kids playroom
بس تعبانة

،ودشيت اكتب الموضوع
اتمنى تشاركوني الاختيار

ومشكورين مقدمـــــــــــــــــــا

المزيد من آخر المواضيع من نفس القسم:

**ثلوج الصيف** · 2008-11-27, 22:59

حبيت هالفكــره .. يمكن اسويها حق العاب الصغريه .. وبالمره كرسي

يسلمو الغاليه

**Me&U** · 2008-11-27, 23:06

ثلــــــــــــوج الصيف بذبحج

على بالي بتقولين حطي هاللون وشيلي هاللون >> وبتشاركيني

لوووول

لا عادي اسولف

هيه هالدولاب الصغير وايد كيوت وحلو، تسوين فيه يا الدباديب حق العيال
والا الاوراق والرسومات اللي يلونونها او اي شئ خاص فيهم
موجود بتحصلينه بتويز ار اس
وبيبي شوب اللي بمول الامارات
وبالتنين اشكال وانواع ورخاص وايد

انا فصلت عند نجار قلت بشوف الشكل كيف يطلع بدل ما اشتريه ، طلع لا بأس فيه
بس اللي اشتريتهم غير
وبتحصلين تقريبا نفسها بايكيا وهوم ار اس
وفيه محل بالامارات مول والله ما يحضرني بالطايق الفوق واااااااااااااايد روووعة
اهو محل اثاث عاد بس فيه قسم اطفال خبااااااااااااااااااال خيالي
اسعاره صراحة شوي نار
بس شاريه منه بعض الاشياء

انا لفيت السوق لف علشان كنت أشتري اغراض يديدة لبيتي ، وحفظت الاماكن الحمد لله

وتسلمين على مشاركتج المفيدة

**Me&U** · 2008-11-28, 14:33

لاه لاه لاه
زعلتوني
ليش الامهات ما يهتمون بغرف العاب الاطفال!!!

هذي غرفة مهمة لازم تكون موجوده بكل بيت

يالله ابي مشاركات حلوة مثلكم
لازم اصبغ خلال هالاسبوووع

كنت بصور الغرفة بس التلفون شوي معلق كان وما فضيت
اليوم لازم اروح اختار الاصباغ

ما عليكم انا صبور

وبنتظر بعدد شوي علشان تشاركوني

**الجابرية** · 2008-11-28, 15:33

أنا حبيت الغرفة الأخيرة وايد حلوه بس إنتي ماتبين هذا اللون وانصحج إختيه إنه إسوين غرفه يكون الوانها للبنات والأولاد يمكن الله يرزقك ببنوته حلوه وبتردين إتغيرين الاثاث مره ثاني أو حد من العيله ييب يناته يكون اللون ماشي مع الكل وجعله الله بيت عامر إن شاء الله

**Me&U** · 2008-11-28, 17:45

صدقج والله

الحين ريلي يبي يصبغ!!!
هي هي هي

كنت بروح مشوار مهم بس تأجل

المهم اتعرفين شو قررت
انوع بالاصبغ لكل الغرفة ويقولنا اللي بيصبغ لنا ان باجر بتخلص ومن بعد صلاه المغرب بيبدون بالشغل

جدار واحد لونه ازرق فاتح لون السما وفيه غيوم وجدار ثاني ممزوج ما بين الاخضر والبرتقالي الاخضر

شو بعد .........

المشكلة ان ما عندي وقت اختار وافكر هذا اللي طلع معاي

**sadnessshadow** · 2008-11-28, 20:18

صدق والله غرفة خاصة بألعاب الأطفال فكرة حلوة وتخلي الأطفال يعيشون في عالمهم الخاص (يعني بعض الخصوصية والثقة)
استفسار: غرفة الألعاب بس للألعاب ولا للدراسة بعد؟؟!!! شو رايكن غرفة واحدة بس الألعاب مفصولة عن المكاتب
والسموحة
أم سيف

**بدر0البدور** · 2008-11-28, 21:56

إن شاء الله البنات يساعدونج

**Me&U** · 2008-11-30, 12:38

السلام عليكم:

هذي بعض صور الجدار اللي صبغناه
وما خلصنا طبعا بس بيخلص هاليومين
وانا علي اني ارتب وبس

وبوريكم بعض الصور اللي استمديت منها الالوان
طلعتها من الجوجل وعجبتني وهاي الصور:

**om_m.m** · 2008-11-30, 13:35

أنا بعد امخصصه عقب ما اتحولت في بيتي اليديد غرفه خاصه حق لعب الأطفال .. أشوفها أهم غرفه فالبيت ... عشـــــــــــــان ألعابهم تترتب ... وكل ما نظمتي أمورج فالبيت كل ما ارتحتي زياده

فأتمنى من كل شخص ناوي يبني ... يخصص غرفه للألعاب للأطفال .. وانا بعدني ما عدلت الغرفه .. بس حاطه علب وبوكسات فيها ألعابهم وناويه خلال الشهر الياي أبدأ في الغرفه وبحط فيها تلفزيون ودي في دي معلق حق الرسوم ... وايكيا عندهم أشياء وايد حلوووووه حق غرف الأطفال .. بالتوفيق للجميع ان شاء الله

**اليامي مريامي** · 2008-11-30, 13:41

دعواتكم لي احصل بيت واسوي غرفه لليهال ان شالله

**Me&U** · 2008-11-30, 14:02

المشاركة الأصلية كتبت بواسطة om_m.m

أنا بعد امخصصه عقب ما اتحولت في بيتي اليديد غرفه خاصه حق لعب الأطفال .. أشوفها أهم غرفه فالبيت ... عشـــــــــــــان ألعابهم تترتب ... وكل ما نظمتي أمورج فالبيت كل ما ارتحتي زياده

فأتمنى من كل شخص ناوي يبني ... يخصص غرفه للألعاب للأطفال .. وانا بعدني ما عدلت الغرفه .. بس حاطه علب وبوكسات فيها ألعابهم وناويه خلال الشهر الياي أبدأ في الغرفه وبحط فيها تلفزيون ودي في دي معلق حق الرسوم ... وايكيا عندهم أشياء وايد حلوووووه حق غرف الأطفال .. بالتوفيق للجميع ان شاء الله

كلامج صح

انا استبدلت غرفة الضيوف الكبيرة بغرفة الالعاب
ما همني الضيوف كثر ما افكر براحه عيالي
والبيت واسع وايد الحمد الله

ان شاء الله اخلصها قريب وبعرض الغرفة كلهاااااااااا

ااااااااا

**Hno0odah** · 2008-11-30, 14:40

انا خالتيه امسويه غرفة اعيالها بالوان القوس قزح بس الوانه فاتحه وايد حلوه
وستاره عاديه بس ملونه وقصيره مع استايل روماني

والارضيه امسوتنها زوليه بس فيها اشكال غريبه بس هب خيوانات ولا نباتات
والليتات اشكال يعني الليتات هب كل شيء نفس الشيء
لأن هيه عندها بنات واولاد ,, وكل واحد حاطتله اللي يباهفي هالغرفه
يعني ترضي جميع الاذواق
بس صح ان فيها الف لون ولون وحركات وايد
بس رهيبه .. انا من اروح بيتهم اتم يالسه فيها العب خخخخخخخخخ

**Me&U** · 2008-11-30, 14:48

كل جدار بالغرفة غير عن الثاني
بس الالوان مختلفة لكن مب غامقة
يعني الغرفة كلها الوان اطفال ووايد رهيبة
عاد مع الاغراض والالعاب بتصير احلى واحلى
ومرتبة ومقسمتها مب عشوائي

**اومليت** · 2008-11-30, 19:51

انا غرفه ولدي صارت غرفه العاب و يبيلها شي يرتبها

ان شاء الله بالصيف اقعد اشتغل عليها

الموضوع: kids playroom غًرٍفْـِّــــة آلعًـــآبٌَِللآطُـفـــــــآل

أدوات الموضوع

عرض

kids playroom غًرٍفْـِّــــة آلعًـــآبٌَِللآطُـفـــــــآل

المزيد من آخر المواضيع من نفس القسم:

المواضيع المتشابهه

.. Kids 2009 ..

Even Kids

very Nice one for kids‎

kids think quick

BBC Kids