خلاص يعني كل شي أنتهى وراح

**لمسة سحريـة** · 2008-12-11, 05:56

استـــخيري الله
و الحب ايي بعد الزواج الغالية

**dream-land** · 2008-12-11, 23:59

لغالية الله يوفقج ويبعد الشر عنج
تقولين يعاير اهلج وبيتكم فلة وبيتهم شعيبي وحالته حاله،، يمكن هذي ردة فعل مقاومة يعني نتغدى بهم قبل ما يتعشون بنا، يمكن هو يحس بانه وضع اهلج احسن عنهم فيخقون عليج عشان ما تشوفين نفسج عليهم وتتكبرين،،،
حسسي انج ما تهتمين بهالامور وانها تافه واهم شي عندج معدن الانسان لو كان فقير،، وعزة شأن الانسان بفعاله الطيبة واخلاقة مو بالبيت الي يسكنه ولا السيارة،،، ولما يعايب لا تسكتين ردي عليه بس لا تخربين برسديج وتطلعين جنج وحش كاسر،،،
وبخصوص كلام الحب يوم قال حبيبتي بعدين رد قال طلعت بالغلط،،، مشكلة الشباب وايد نصايح تيهم من ربعهم وهلهم لا تعطيها ويه واثقل ومادري شو،،، غير انه بعض الاولاد موتهم يغايضون البنت ويستانسون اذا رفعوا ضغطها،مادري تفكيرهم كيف يبالهم وقت ليما ينضجون ويتركون حركات المراهقين هذى،،،
هو شكله رسمي في تعامله وياج "زوجتي العزيزة" بعده ما قادر ياخذ الامور ببساطة،، الاخذ والعطى والسوالف والضحك تكسر الحواجز النفسية بينكم ،، العبرة مو في الفترة،، في ناس نحن معاهم سنين لكن ما بينا الا السلام مع انهم طيبين وما عليهم كلام لكن تعاملهم محدود جدا ورسميين، يمكن نوعية علاقتكم لي احين رسمية،،،
تكلمي وياه عن خططكم في المستقبل ،كيف يكون شكل علاقتكم الزوجية، كم ناوين تيبون عيال، كيف بتربونهم، وين تحلمون تسافرون، شو تتمنون عيالكم يكونون، بيتكم كيف يكون تصميمه،،، حاولي تتعمقين معاه في السوالف وتشيلين الحواجز
الله يوفقج الغالية وينور دربج وحياتج،،، خلج رقيقة وناعمة معاة ونفس الوقت واثقة من نفسج وقلبج قوي،،،شيلي عن بالج اني ياهل وما عرف وما اقدر ارد،، خلاص انتي بتتزوجين ويصير لج بيت وريل مسئولة عنه وباجر بتصيرين ام،،، ثقفي نفسج وعطي نفسج الثقة واقري في في كتب وايد تفيدج عندج الي ذكرته الاخت " الرجال من المريخ والنساء من الزهرة" وعندج"التفاهم في الحياة الزوجي" لــ مؤمون مبيض الله يوفقج ويبعد الشر عن دربج

**قنيصة شوا&ـين** · 2008-12-12, 00:06

يا الغلا صارحيه قوليه اباك اتكون رومانسي وانا أحب الرومانسية ,,
وطرشيله كلام حب وغزل وعطيه هدايها مكتوب فيها كلمة احبك ،،
انتي اخلقي جو الرومانسية ،،،
,, ,, بخبرج يوم يعايرج خذي الامور ببساطة قوليله كلنا عيال زايد ومن إمارات وحدة ،، والحمدلله كلنا عايشين بخير وسهالة ،،
,, وبيسكت اذا تم يعايج وجي طنشيييه ،، لازم بتلاقي هسوالف ،، هو اكيد يتمصخر
،، خخ دوم اخواني يتمصخروا على حريمهم ،،
الله يهدي الجميع ,,

**Miss CuTe** · 2008-12-12, 01:45

ما عندي غير

الله يهديكم لبعض

**لون الحزن** · 2008-12-12, 02:00

حبيبتي .. نحن كلنا في دوله وحده .. أحس ماله داعي أنه يعايرج .. وثاني شيء هو اللي خطبج مب أنتي سرتيله .. هذا إذا بيعاير ... وليش هو ما كان يعرف أنج من الإماره الفلانه .. بس لأن هو يبغي ...

و بعد في نوعيه من الرياييل واااايد يستحون أنهم يقولون كلام حلو رومانسي .. (( كل انسان يعبر عن حبه بطريقته )) مب شرط يكون الكلام يمكن الفعل أو بأي تصرف

وياما رياييل وقت الملجه غييييير كل الكلام والحب والرومانسيه وعقب العرس كل الدفاشه ولا حب ولا غيره...

بقولج قصه ... في رياال كان معروف أنه في البيت شديد وجامد ولكنه طيب وحنون بس ما يبين والكل يحترمه .. المهم عرس وكان ويا حرمته عسل ففي يوم كانوا يالسين ويا أهله الحرمه والريل فالخوات والأخوان يجوفونه وهم مستغربين كيف يتكلم مع حرمته وكيف حرمته تتمصخر وياه وووو....... فقالولها هو جذه وياج حبوب عيل نحن ليش نخاف نكلمه وهو وااايد جامد زغيره .. جان تقول هذا جدامكم لكن ألحين غير عنده حرمه ولا زم بيحن...معأنه هذا الشخص كتووووووووووم لمشاعره بدرجه ما تتصورينها وما كان فترة الملجه بتكلم أو ينطق وألحين تعالي شوفيه حبوب .. الحرمه بعد لها دوور في أنها تغير من أطباع زوجها مع الأيلم .. فلا تستعيلين

المهم ... لا حبيبتي لا تفكرين في الطلاق ... أنتي في أول المشوار ولازم في السنوات الأولى يكون في خلافات كثيره لأن أنتي أطباعج غير عن أطباعه........إلخ ... بتقولين خلاص بطلق ..
ترى أسم مطلقه مب سهله و هينه

بس لا تستعيلين (( أنتي تقولين أنه حنون وطيب وغيره )) أختي أصبر على مينونك لا أييك اللي أين منه

ياما بنات تزوجو من رياييل ذاقوا الويل من إهانات وضرب وغيره .. وأنتي الحمدلله الحمدلله عايشه بخير ونعمه ....فأصبري...

أما أمه فحاولي تكسبينها بأي طريقه لأن الريال يحب الحرمه اللي تحترم أمه وتقدرها .. ما عليه تراها حرمه عوده وتعرفين الأم تغار من مرت الولد لأن الحرمه خذت ولدها ... حبيبتي .. فكري ولا تتسرعين

و حاولي تستشيرين دكاتره نفسيين أو المصلحين الإجتماعيين أمممممم ... عشان تعرفين كيف تتعاملين مع زوجج وتحصلين اللي تبينه منه ....

أرجوا أني ما زعلتج ولا جرحتج بكلامي ...

السموحه

**bettouta** · 2008-12-12, 02:21

اختي اذا من الحيين يعاايرج ويعااير اهلج ويقاااارن بيينكم , عيل عقب الزوااااااااااج شو بيسوييي ؟؟؟؟؟ظظظظ

اختيي لاااااااااااازم توقفيينه عن حده , وتفهميينه انه لا مجااااااااال للمقارنة بين اهلج وبين اهله , وان الزوااااااج لازم ينبني على التفاهم و الحب والمودة والاحترااااااام المتبااادل وانه انت قبلتي تتزوجينه لانه ريااال يصلي ويخاااف ربه ويعامل الناس بالزييين

والله يفرج قلبج ويسهل امووورج ويفرحتج يارب امين بكل ما تتمنينه

الموضوع: خلاص يعني كل شي أنتهى وراح

أدوات الموضوع

عرض

المواضيع المتشابهه

خلاص يعني كل شي انتهى وراح

خلاص يعني ما في حل ....

يعني خلاص مافي فايده خلاص نهاجر!!!

خلاص يعني...