استبانة عن افضل مدارس الشارقة

**مدام الطيب** · 2009-03-26, 16:02

السلام عليكم
أختي أنا عيالي ٣ منهم في مدرسة ألابدع العلمي وأنا وااااايد معجبة بتدريسهم عندهم العربي وألدين والأنجليزي كله نفس المستوى وما شالله تربيه دينيه ممتازة غير هذا الطفل يطلع من صف أول حفظ جزء عم وبلتدرج معهم والتحبب في المادة ...منظمين جدا في الوجبات وجدولهم لطول ألسنة موجود كذلك الواجبات تعرفينها كلها من أول الأسبوع ....والتواصل مع الاهل ممتاز ...توكلي على الله ترى أنا بحثت في كل المدارس وهي من أحسن المدارس وعيالنا محاسبين عليهم نعلمهم دين وعربي لغة القران ونفس الشي الانجليزي ترى الدنيا كلها بل انجليزي في ها الوقت

**ام موازي** · 2009-03-29, 13:40

كلام سليم 100%
وهذا لي كنت بقوله

**طيبة الكويتية** · 2009-03-31, 01:40

ماشاءالله
الله يوفق الجميع و يوفق اعيالنا و يحفظهم لنا يارب

**جوهرة111** · 2009-04-16, 01:08

الرسالة العلمية فالشارجه
رووووووووووووووووووووووووووووووووووووووووووووووووو عه

**قلبي قبرك** · 2009-04-28, 01:39

السلام عليكم
انا بنتي ف مدرسه اقرأ بس احسها مب متهيأه حق الصف الاول وقالولي خليها kg2 مره ثانيه
وانا معترضه شو الحل ؟؟؟
أوديها الورديه احسن ولا المروج؟؟؟

**عنبر** · 2009-04-28, 21:12

حبيت اعرف هل الانصار انتقلوا للموقع الجديد ام لا

**طيبة الكويتية** · 2009-04-29, 22:25

المشاركة الأصلية كتبت بواسطة قلبي قبرك

السلام عليكم
انا بنتي ف مدرسه اقرأ بس احسها مب متهيأه حق الصف الاول وقالولي خليها kg2 مره ثانيه
وانا معترضه شو الحل ؟؟؟
أوديها الورديه احسن ولا المروج؟؟؟

والله ما اعرف اي وحده فيهم الأحسن يا اختي
لكن افضلل شي انج تدرسينها وايد عن طريق اللعب. لو تروحين مكتبة المجرودي عندهم كتب وايد حلوه على حسب عمرها منها تلون و تلعب و تدرس و ما تمل والله.
اشرايج بالشويفات او الويس جرين. ليش ما تحطين بنتج في وحده منهم؟

الله يوفقها يارب و يسهل امورها

**انجـــود** · 2009-05-05, 11:21

المشاركة الأصلية كتبت بواسطة بثـينه

ٌقبل كل شي أحب أشكر كل من شارك في طرح رايه في هالموضوع ..
وأشكر الغاليه ( طيبة الكويتيه ) على جهودها الطيبه في افاده الجميع ..

الله يبارك لكم في عيالكم وان شاء الله تشوفونهم متفوقين دايما يا رب ..

المهم خلوني أبدأ الحين في صلب الموضوع ..

لاحظت انكم كلكم تتكلمون عن الخاص ؟؟ ليش وين المدارس الحكوميه بين زحمه هالمدارس ؟؟
محد جرب أي مدرسه حكوميه ؟؟؟ اللي أشوفه من المدرسات خواتي واربيعاتي انه نظام التعليم تغير وااايد والمناهج تطورت وتقريبا كل شي صار في الانجليزي يعني تأسيس الطلاب تغير مب نفس قبل ..
وانا وياكم اكيد بعض المدارس الخاصه تكون تووووووب بالانجليزي وهذا يمكن سبب الاقبال عليها ..
لكن انا ولله الحمد درست بمدرسه حكوميه وانجليزيتي تووووب وأنافس ربيعاتي اللي درسوا في الخاص و الحمدالله درسنا في الجامعه وتخرجنا واشتغلنا وفنشنا خخخخ

بس جد انا واااايد محتاره ومب عارفه وين اسجل ولدي ؟؟ شو تشورون علي؟؟؟

أنا أقول من يصير جريد 1 بوديه المدرسه النموذجيه في العزره لكن المشكله ما عندهم كي جي !!
وين اوديه الحين ؟؟ أبغيه يتأسس عدل من البدايه بس بعد احاتي المسافه ما ابغيه يكرف من الفجر طالع من البيت ويرجع لي العصر البيت حرام بعده ياهل وتعب الطريج !!
منطقه العزره جريبنا وفيها وايد مدارس لكن للأسف ما أعرف اي حد مجرب فيها الا النموذجيه ويمدحونها وايد ...

حيرتوووووني بآراءكم !! بس قولولي شو رايكم بالمدارس الحكوميه للي جرب !!

الغاليه من ناحية المدرسه النموذجيه..

انا بصراحه خذت بنتي هناك وسوا معاها امتحان.. ويابت 78 في الامتحان..

يعني رسبت ):

اونه يقبلون اقل شي 80

ولما دخلت ع المديره قلت لها وريني ورقة الامتحان.. ابي اشوف اغلاطها

كانت الاغلاط بسيطه..

ان امحطين لها الاشكل (( دائره - مثلث - مستطيل الخ))

ويبونها تقولهم بالعربي..

عاد بنتي في مدرسه الرساله.. وهي متعلمه هلاشكال بلانكليزي.. فجاوبت عليهم بلانجلش

طبعا حسبوا لها غلط..

وليش كتبت اسمها بلانجليزي حسبوا لها غلط !!!!!!!!!!

اونه البنت ما تعرف شي بلعربي و مب امركزه ع الحروف !!!!.. انزين هذه عمرها 5 ونص شو بتركز ..؟؟؟

اذا اهي طاقتها الاستيعابيه جذي؟؟

ف كان عذرهم اونه مستواها العربي ضعيف..

قبل سنتين سجلنا اختي ع صف 3 فالبدايه رفضوا قالوا والله مستواها الانجليزي ضعيف !!!!!!

ولما امي يابت لهم الكتب والشهاده وشافوا درجاتها ب 90 وفوق قبلوها ..

يعني بصراحه تحكيمهم غلط بغلط ويمشوون ع الوااااااااااااااااااااااااااااااااااااااااسطه..

قلت بخيلها في الرساله ولا بصدع راسي وياهم..

**همس السحر** · 2009-05-05, 14:29

المشاركة الأصلية كتبت بواسطة عنبر

حبيت اعرف هل الانصار انتقلوا للموقع الجديد ام لا

أختي الله يسلمك الانتقال بيكون ان شاء الله على السنة الجديدة يعني استلام الكتب والزي من هناك الموقع الجديد بإذن الله

**فاروله** · 2009-05-17, 13:26

انا ولدي في مدرسه الكمال الخاصه كجي 2 واحس المدرسه مهتمه فيهم وخاصه مسؤلة الكيجي فنانه والحين بفتحون فرع يديد للمدرسه في العزره وصح الكلا م الاخت إلي قالت ان المدير قريب من الاطفال خاصه الكيجي للامانه ويحفظونهم القران في الكيجي والتجويد في من صف الاول
والله اعلم

**لمعة** · 2009-06-03, 18:48

شو عن مدرسة الدوحة الخاصة نصحنوا فيها

**طيبة الكويتية** · 2009-06-08, 14:49

المشاركة الأصلية كتبت بواسطة لمعة

شو عن مدرسة الدوحة الخاصة نصحنوا فيها

ما سمعت عن المدرسه
بس ان شاءالله البنات بفيدونج يارب

**فريش** · 2009-06-09, 12:10

الغاليه انا ربيعي عيالها في مدرسة الدوحه وتمدح المدرسه وايد

**نسيم الحب** · 2009-07-01, 16:41

اخواتي الكرام :
افضل المدارس من حيث النهاج البريطاني ومتابعة الطالب من حيث الدين الاسلامي هي الانصار
لم ياتى الذكر على مدرسة الامانة الخاصة وللعلم هي معروفة بمدرسة الخيانة لما بها من مخالفات وتعارض والتميز العنصري بين العرب والهنود لذا ارجوا الانتباه من وضع اولادكم فيها لما فيها من تسيب ولقد نجا اولادي الله من هذه المدرسة وعفا عنا ادارتها فاشلة جدا الطالب يمكن ان يهرب منها بكل بساطة لعدم وجود اي امن فيها احذروا منها كما ان الاعتماد على الطالب كاملا في التحصيل العلمي حتى لو سألتم المنطقة فانها لا تنصح بها ابدا .

**@ام حمودي@** · 2009-07-01, 16:56

اختي نسيم الحب هالكلام عن مدرسة الانصار العالميه او الامانه الخاصه حددي لاني بصراحه ودي بالانصار فياريت لو عندج اي معلومه تفيدنى

مشاهدة نتائج الإستطلاع: ما هي أفضل مدرسة للتأسيس في الشارقة

الموضوع: استبانة عن افضل مدارس الشارقة

أدوات الموضوع

عرض

استبيان عن مدارس الشارقة

المواضيع المتشابهه

مدارس ابوظبي (افضل عشر مدارس من وجهة نظري) TOP TEN SCHOOLS IN ABU DHABI

افضل مدارس الشارقة والاسعار مناسبة

مدارس الشارقة - مدرسة الزهور ومدرسة الشارقة الدولية -

افضل مدارس الشارقة

شنو أحسن مدارس الشارقة