صفحة 1 من 2 12 الأخيرةالأخيرة
النتائج 1 إلى 7 من 8
  1. #1
    تاجرة برونزية


    رقم العضوية: 108

    تاريخ التسجيل
    06 - 10 - 2005
    الدولة
    في بـــــيــتي
    مشاركات
    2,653

    افتراضي رحلتي إلى سيرلانكا .. جدول الرحله


    بناء على طلب من أخواتي الكريمات في المنتدى ....... نزلتلكم جدولنا السياحي لرحلتنا الى سيريلانكا .. واللي كنت كاتبه عنها في هذا الموضوع ..
    (رحلتي إلى سيريلانكا .... )

    بسم الله نبدا ..

    طرنا من مطار أبوظبي على طيران الاتحاد ..
    التذكره كانت 1800 للشخص لانا تأخرنا في الحجز ..
    وكان موسم عيد .. زحمه ..

    وصلنا سيريلانكا بعد 4 ساعات ونص ..

    في مطار سيريلانكا .. يوجد الكثير من المكاتب السياحيه .. وأسعارها مناسبه
    وعندهم خصومات في الفنادق .. وبعد الأحلى ان عندهم جداول سياحيه جاهزه ..
    يعني ممكن تختارون الجدول اللي يناسبكم .. او ممكن ترتبولكم الجدول بنفسكم ..

    المكتب اللي تعاملنا معاه كان يشتغل فيه عربي مولود في سيلان .. اسمه زهراني ..
    أخذ منا المبلغ في المطار .. 800 دولار .. شامل 6 أيام مع فطور في أفضل الفنادق في كل منطقه ..
    (لان في بعض المناطق لا يوجد 5 نجوم .. وافضل فندق يكون 4 نجوم .. )

    وفرلنا المكتب ميني باص + سايق يتم معانا 24 ساعه ..

    طلعنا من مطار كولومبو إلى مدينة كاندي ..

    وهي مدينه سياحيه تبعد 5 ساعات من المطار ..
    وسكنا في منطقه بجانب كاندي أعلى منها وتبعد 20 دقيقه عنها ..
    اخترناها لانها منطقه هاديه .. والفندق (اللي موجوده صورته فالموضوع الأول) اسمه (هانس فولس) 4 نجوم ..

    الأماكن اللي زرناها في كاندي :حديقة الفيله
    مصنع المجوهرات والأحجار الكريمه
    عرض ليلي .. رقصات شعبيه واستعراض المشي عالنار ..
    حديقه كبيره وفيها مناظر روعه ..
    وجولتنا أغلبها كانت في الفندق لانه منتجع وفيه بحيره والمنظر فيه كان يجنن ..
    مدة الاقامه كانت يومين فقط ..

    ثم توجهنا إلى نورإليا ..

    في الطريق زرنا مصنع الجاي السيلاني ..
    يم المصنع فيه استراحه حللوه ونظيفه .. وألعاب لعيالكم الحلوين ..
    ويقدمولج فيه اللي تطلبينه من الجاي بكل النكهات ..
    وممكن بعد تشترين الجاي من هناك ..
    وصور الأكواب اللي كنت حاطتها كانت من هناك ..

    وصلنا نورإليا ..
    تبعد 5 ساعات عن كاندي
    مدينه مرتفعه جدا .. تقريبا أكثر من 5000 قدم ..
    والجو بارد .. 19 كحد أقصى ..
    اقامتنا كانت في فندق (جراند هوتيل) 5 نجوم ، وهذا أحسن فندق هناك وانصحكم تيلسون فيه ..

    الأماكن اللي زرناها في نورإليا:
    كان وايد مطر .. ومع المطر الحلو تعشينا في مطعم هندي مقابل الفندق .. لذيذ الأكل فيه ونظيف ..
    ونزلنا نتمشى في الفندق في ألعاب للأطفال .. وفيه نافوره .. باختصار المكان تقولين في اوروبا ..
    وديزاين اوروبي ..
    والسبب يرجع إلى ان كان عندهم استعمار انجليزي .. وراح الاستعمار .. وظلت المباني الانجليزيه الستايل موجوده ... :22 (12):
    وزرنا السوق الشعبي .. وشرينا جاكيتات حلوه ودافيه .. واللي شاف جاكيتي تخبل عليه يتحروني شارتنه ب 200 و 300 ..... وهو سعره تقريبا 20 درهم .. :22 (4):

    مدة الاقامه كانت يوم واحد ..

    اليوم الثاني توجهنا إلى كولومبو

    خذنا 4 ساعات من نورإليا إلى كولومبو .. وكنا نوقف على الاستراحات اللي تيي فالدرب بين مزارع الجاي ..
    يلسنا فالهلتون .. والفندق كان أنظف فندق موجود في كولومبو حسب ماعرف .. 4 نجوم لكن نظيف وكااامل من كل .. فيه مطعم يقدم سي فود لكن شي عجيب !!
    واللوبي مريييح جدا .. وأكله لذيذ .. وهادي .. ويطل على منظر جميل بتحصلونه في
    الموضوع الأصلي ... وفيه سوق صغير .. ومكان لشراء الحلويات والشوكليت ..

    الأماكن اللي زرناها في كولومبو:
    مصنع ODEL: يبيع منتجات من الماركه بسعر المصنع .. عنده ملابس، ملابس أطفال، جاكيتات، صحون، أغراض للبيت، زوالي، أكواب، العاب، اكسسوارات، شنط .... ووايد عيبتني الأشيا الموجوده ..
    مركز ODEL: مركز فيه ماركات عالميه .. والأسعار نفسنا .. وكبير .. للأسف ما درناه كله لضيق الوقت ..
    ومركز فاشن .. هذا يبيع باسعار المصنع .. وممكن تحصلون عنده بجايم وملابس للعيال .. وألعاب وشنط تقليد وميك أب تقليد .. 4 طوابق .. والأسعار يا بلاش ..

    وكان مطر وااايد ... ما قدرنا نسير مكان ..
    اقامتنا كانت يومين ..

    وسااالمه يا سلاااامه رحنا وجيينا بالسلامه ..

    أتمنى الرحله تكون عجبتكم ..
    واللي يبي يشوف الصور .. يدخل الموضوع الأول .. اللي موجود في أول الصفحه ..

    وسلامتكن .. :1 (26):


    لا اله الا الله



  2. #2
    نجمة برونزية


    رقم العضوية: 17317

    تاريخ التسجيل
    15 - 01 - 2007
    مشاركات
    1,163

    افتراضي

    تسلم أيدج وربي يعطيج العافيه موضوع حلو والسفر دائما مشوق.
    بس اختى سؤالى تستاهل الواحد يروح لها،وشو احلى وقت ممكن نزورها فيها؟؟وممتعه للى عنده عيال؟؟كثره الاسئله ما صار سوال
    تسلمين

  3. #3
    تاجرة برونزية


    رقم العضوية: 108

    تاريخ التسجيل
    06 - 10 - 2005
    الدولة
    في بـــــيــتي
    مشاركات
    2,653

    افتراضي

    اقتباس المشاركة الأصلية كتبت بواسطة ام السنافي مشاهدة المشاركة
    تسلم أيدج وربي يعطيج العافيه موضوع حلو والسفر دائما مشوق.
    بس اختى سؤالى تستاهل الواحد يروح لها،وشو احلى وقت ممكن نزورها فيها؟؟وممتعه للى عنده عيال؟؟كثره الاسئله ما صار سوال
    تسلمين
    غناتي .. حسب اللي أعرفه ان أفضل وقت هو فالعطله الصغيره .. او شهر 10 و 11 ..
    لان فالصيف يكون موسم سياحه عندهم وترتفع الأسعار ...

    بالنسبه للي عندهم عيال ..... لو كانوا اولادج كبار .. يلعبون كوره ويركضون .. ويحبون الألعاب المتعارف عليها .. في كل حديقه .. عادي .. لكن للأطفال ما تنفع .. لان الشوارع فيها وايد قرقره .. يعني طول مانتي بالسياره خضضضض .. وما ينفع تشلين وياج عربانه أطفال .. لان الدرب ما تمشي فيه عربانه .. ولو عيالج يحبون الألعاب الالكترونيه ما انصحج فيها ابدا ...

    هل تستاهل ؟؟؟ انا سافرت كذا مكان ... من اوروبا لين دول عربيه .. والصراحه .. أحس انها مكان فعلا يستاهل الواحد يكتشفه ... لكن مش للصيف .. يعني بالكثير عليها 12 يوم ..


    وشكرا عالمرور


    لا اله الا الله



  4. #4
    نجمة


    رقم العضوية: 3096

    تاريخ التسجيل
    26 - 04 - 2006
    الدولة
    دبي
    مشاركات
    194

    افتراضي

    مرحبا أختي... مشكورة على الجدول.. سيفته عندي و بطبعه إن شاء الله. جزاج الله خير

  5. #5
    نجمة برونزية


    رقم العضوية: 33

    تاريخ التسجيل
    28 - 09 - 2005
    مشاركات
    1,469

    افتراضي

    جزاج الله الف خير

  6. #6
    نجمة برونزية


    رقم العضوية: 17317

    تاريخ التسجيل
    15 - 01 - 2007
    مشاركات
    1,163

    افتراضي

    اقتباس المشاركة الأصلية كتبت بواسطة زكية الذكية مشاهدة المشاركة
    غناتي .. حسب اللي أعرفه ان أفضل وقت هو فالعطله الصغيره .. او شهر 10 و 11 ..
    لان فالصيف يكون موسم سياحه عندهم وترتفع الأسعار ...

    بالنسبه للي عندهم عيال ..... لو كانوا اولادج كبار .. يلعبون كوره ويركضون .. ويحبون الألعاب المتعارف عليها .. في كل حديقه .. عادي .. لكن للأطفال ما تنفع .. لان الشوارع فيها وايد قرقره .. يعني طول مانتي بالسياره خضضضض .. وما ينفع تشلين وياج عربانه أطفال .. لان الدرب ما تمشي فيه عربانه .. ولو عيالج يحبون الألعاب الالكترونيه ما انصحج فيها ابدا ...

    هل تستاهل ؟؟؟ انا سافرت كذا مكان ... من اوروبا لين دول عربيه .. والصراحه .. أحس انها مكان فعلا يستاهل الواحد يكتشفه ... لكن مش للصيف .. يعني بالكثير عليها 12 يوم ..


    وشكرا عالمرور
    تسلمين الغاليه على الرد،وفعلا عيالى كبار ويحبون الحيوانات،والمناطق الطبيعه وايد.
    المشكله انى بنتى تهدم(تدوخ من القرقره على قولتج اظنى ان قررت اسير اشل دواء الوعه احسن.
    وربي يجراج كل خير على جدول هذا

  7. #7
    تاجرة برونزية


    رقم العضوية: 14326

    تاريخ التسجيل
    24 - 11 - 2006
    الدولة
    التواصل عااواتساب0507444896 انستقرام @omamna123
    مشاركات
    21,117

    افتراضي

    ياسلام كلامج وايد شجعني الله ابااااااااااااااااااااااااااااااااااااااااااا اسير سيرلانكا اهم شي عندي النظافة


    Watsap..0507444896Inst..omamna123
    كريم دالفورالاصلي ومختوم لبياض مع التجارب والتصريح فقط180درهم كل منتجاتي فانستقرام واتساب مرطب وموردطبيعي لشفاه نقابات لاستيك كل احتشام واناقة



صفحة 1 من 2 12 الأخيرةالأخيرة


المواضيع المتشابهه

  1. سيرلانكا
    بواسطة صمت الغلا في قسم : نادي السفر والسياحة
    مشاركات: 3
    : 2010-09-18, 22:42
  2. رحلتي الى سيرلانكا كانت......!!!!
    بواسطة فراولة VIP في قسم : نادي السفر والسياحة
    مشاركات: 27
    : 2010-07-18, 07:07
  3. خلصت جدول رحلتي لنيوزيلاندا و افتكيت
    بواسطة honest في قسم : نادي السفر والسياحة
    مشاركات: 11
    : 2008-05-17, 01:51
  4. جدول رحلتي الصيف اللي طاف لاستراليا و ماليزيا
    بواسطة honest في قسم : نادي السفر والسياحة
    مشاركات: 9
    : 2008-04-22, 20:37

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading