ِِمن هم عرب فارس؟!! .. موضوع حلو للمناقشه!! .. دشي وابدي رايج الغاليهَََ

**ملكة الاحاسيس** · 2008-10-26, 00:54

الغر الحشيم .. لا تكبرون السالفة وهي تافهة .. العرب عرب وين ماسارو .. وكل واحد يعرف اصله وفصله زين ما زين .. والي ماله اول اكيد ماله تالي .. وهالايام صعب صعب تلاقين حد يعترف باصله .. مع انه يمشون بالشوارع والمراكز ويرمسون يشفرون بلهجتهم بعد .. مافيها مستحى .. اتمنى محد يزعل من كلامي .. بس انا لو افتح لعمري مجال بتوسع بالموضوع وبجيب لكم الاثباتات والادلة .. <<للعلم انا مب من عرب فارس ولا عيمية .. عربية 100%

**om3laawi** · 2008-10-26, 01:15

خواتي ..
والله ماله داعي هالرمسه الموضوع صار فيه تحيزات وايده .. خواتي كلنا خوات .. الزرعونيه اختي سواء كنتي عربيه او عيميه افتخري بأصلج وخلاص .. ماله داعي هالرمسه واختي الغر الحشيم ماله داعي كل هالتعصب .. ؟؟!!
مشن السالفه عادي بلاكن ما تعرفن تتناقشن وكلنا اهل ديره وحده والحين صار عادي العيم ياخذون عرب والعكس؟؟!!
الناس وصلت القمر ونحن نتضارب على هالسوالف؟!! .. الله يهديكـــن.

**ام شامه** · 2008-10-26, 03:37

المشاركة الأصلية كتبت بواسطة وجه القمــــر

ومنكم نستفيد .. مشكورات خواتي ع المعلومات

بس بسألكم قوم الأميري والفهيم والخوري والخاجة .. هل هم عجم أو من عرب فارس وشو مذهبهم سنة وإلا شيعة ؟؟؟

(الفہيم والخوري والخآجـﮧ) عيم سنـﮧ

وهآي ألقآب وقبيلٺہم وحده اللـﮯ هـﮯ (الہرمودي) <<< فديييٺہم

وحبيت اوضّح للأخٺ اللـﮯ سألٺ عن قبيلة (الزرعوכּــﮯ)

(الزرآعـכּــﮧ) عيم مب عرب فآرس

مسٺحيل ٺسأليـכּ (زرعوכּـــﮯ) ويقولج غير هآلكلآم

عيم ويفٺخروכּ بأכּـہم عيم

والعيم غير وعرب فآرس غير

**Dloo3t AD** · 2008-10-26, 05:19

انا اللي احيدة و اعرفة انة قوم الفهيم مش عيم... اصلهم عربي و عاشو في ايران وبعدين انتقلو السعودية.. وبعدين سكنو فالامارات... وهم مش من قبيلة الهرمودي... ونفس ما قالت الاخت الزرعونية انهم كانو عايشين في هرمود...

انا هاللي سمعتة منهم نفسهم... ولو كان غير ها جان مايوزوهم بنات البلادو قبايل ومن اكبر عوايل البلاد بعد...

**للمره 1000** · 2008-10-26, 14:20

المشاركة الأصلية كتبت بواسطة Dloo3t AD

انا اللي احيدة و اعرفة انة قوم الفهيم مش عيم... اصلهم عربي و عاشو في ايران وبعدين انتقلو السعودية.. وبعدين سكنو فالامارات... وهم مش من قبيلة الهرمودي... ونفس ما قالت الاخت الزرعونية انهم كانو عايشين في هرمود...

انا هاللي سمعتة منهم نفسهم... ولو كان غير ها جان مايوزوهم بنات البلادو قبايل ومن اكبر عوايل البلاد بعد...

الا هم عيم حتى النخاع و على فكره هم اصلا شيوخ قبيله الهرمودي ...ما عليج في الفهيم الظبيانين تراهم مستعربين ..تعالي شوفي عيال عمهم الي في باقي الامارات ...

لكن البيزات سوتهم عرب و خلت العرب يقولن عنهم عرب و لولا البيزات ما زوجوهم بناتهم و السموحه

**جمال إنسانة** · 2008-10-26, 14:31

فدددييييييت العيييم و العرب!!!

مسلمييين و محبييين و موفييين حق الأخوة

**عنـيــــده** · 2008-10-26, 14:41

Thanks for your report
its nice and simple

**AL-Zarouni** · 2008-10-26, 14:47

المشاركة الأصلية كتبت بواسطة الغر الحشيم

الغالية انتي ليش معصبه ؟ و بعدين منو يكون هذا عبدالعزيز الزروعني ؟!
نحن شخصياً ما نعرفه و محد له فضل علينا و محد زوج عيالنا ولا صرف علينا

نحن طول عمارنا عشنا معززين مكرمين و راسنا مرفوع و فحياتنا ما احتجنا حق حد .. و عرب فارس معروفين من القدم بالكرامة و عزة النفس و مستحيل يمدون اياديهم حق حد لو بتذبحهم الحايه

حتى اهالينا و عيال عمومنا اللي ما هاجروا و كانو يطرشولنا مساعدات ؛ ما كنا ناخذ شي منهم و شيوخنا يردونها كلها لان فيهم عزة نفس .. الحين يايه تقولين واحد زرعوني اول مره نسمع اسمه يصرف علينا ؟!

شو دليلج على هالكلام ؟ وضحي اكثر حبوبه

و لا تعقين رمسه بدون ما تثمنينها لان المثل يقول ( لسانك حصانك ان صنته صانك و ان خنته خانك )

انا كنت ساكته وايد و تكلمت بلباقه و اسلوب راقي و ما حبيت اجرح حد و وضحت الفرق بينا و بينكم اكثر عن مره و تكلمت بالمنطق و بالأدلة التاريخية لكن الحين بتخليني اقولج شي ما كنت ابغي اقوله !

بالغصب يعني تتلصقون في عرب فارس ؛ و تلصقونا فيكم ؟! من متى العيم و الزراعنه ينعدون من عرب فارس ؟؟؟ .. والله هزلت !

المعلومات اللي قلتي عنها انذكرت في كتابين فقط و كل الباحثين في التاريخ اجمعوا على عدم صحتها (اقصد عدم انتمائكم إلى قبائل عرب فارس و اختلافكم عنهم ، مب قصدي اصولكم العربيه ) و قد تكون أصولكم عربية و مهاجرين من ايام الدولة العباسية لكن غييير عن عرب فارس و ما يخصكم فيهم لان عرب فارس عرب أقحاح 100% و هجرتهم من فترة قصيرة

و بروحج قلتيها : الحمدلله اني عيمية وافتخر

شو هالردود المتناقضة ؟ تكلمي بالعقل الغالية

السموحه اذا غثيتج بكلامي لكن من دق الباب ياه الجواب =)

و بالنسبة للفرق بين عرب فارس و العيم اقري بعد مره ردي على كلامج صفحة 35 و ان شاء الله تفهمين

تحياتي لج

الغالية ليش عصبية ... انا لي راي وقلتها ... انتوا اللي هجرتكم جديدة مب نحن ...

الغالية اسمحي لي انا غلطت بالمعلومة

التاجر عبدالرحيم عبدالعزيز الزرعوني لقبه ( بو غزوز)

هذا اللي كان يصرف مصاريف العرس الجماعي حق شبابنا في الامارات ... ليش انتي وين عايشة ؟؟

نحن ما نتلصق فيكم شو نبى فيكم ... الحمدلله نحن في خير ونعمة مب محتاجينكم ...

انا قصدي مثل انتوا فيكم اصول عربية نحن بعد بعد فينا اصول عربية ...

والكلمة عيميه مب عايبنج حطي في بالج انهم صدق عيم بس فيهم اصول عربية من زمان بعيد ...

واذا يت على لغة لغتنا فيها واااااااااايد من كلمات محلية ... اصلا انتواااا واااايد زوتوها ...

ليش الحين عبدالجليل الفهيم الله يرحمه عيمي ....؟؟؟؟

شوفي عياله منوا ماخذين ؟؟؟ الحين عرب ما ياخذون العيم ... اصلا يتمنون بنات العيم من جمالهم واناقتهم ....

الله يهديج ... وانا بعد بقولج انا عيمية وافتخر ..

تحياتي .... الزرعــــــــــــــــــــــــــــــــــونيه حتى النخاع

**بنت سلوم** · 2008-10-26, 14:57

اقوووووووووووووووووووول
عورتوا راسنا ويا العرب وعرب فارس والعيم خخخخخخخخخخ

اقولكم لا تتكلمون وااااااايد عن الاصول راسكم بيعوركم ترى

"لا فرق بين عربي وعجمي الا بالتقوى "

انا عن نفسي ما اعرف واااااايد فالاصول بس افتخر اني بنت عرب ومتزوجة "عيييييييمي"
فديته والله خخخخخخخخخخخخخ

**&المزيونه&** · 2008-10-26, 15:05

تسلمين الغلا ع الموضوع القيم ............................

**Al_Dloo3aa** · 2008-10-26, 15:11

الحمدلله على نعمه الاسلام

**حور العين1** · 2008-10-26, 15:21

والنعم فيهم والسبع تنعااااام حريم والله ما شاءلله تبارك الله وما عليهم كلام لان جيرانا من هالمناطق ووايد زينين وقمه في الاخلاق ما شاءلله عليهم الله يحفظ اليميع يااااارب ..

**Dloo3t AD** · 2008-10-26, 15:42

المشاركة الأصلية كتبت بواسطة للمره 1000

الا هم عيم حتى النخاع و على فكره هم اصلا شيوخ قبيله الهرمودي ...ما عليج في الفهيم الظبيانين تراهم مستعربين ..تعالي شوفي عيال عمهم الي في باقي الامارات ...

لكن البيزات سوتهم عرب و خلت العرب يقولن عنهم عرب و لولا البيزات ما زوجوهم بناتهم و السموحه

حبيبتي العرب مازوجوهم عشان البيزات...زوجوهم عشان اخلاقهم ودينهم.. و بعدين من اول يوم خذو بنات الناس ماكان عندهم بيزات اللا عقب يوم كون عبدالجليل تجارتة... وعشان يكون في علمج الفهيم اللي في بوظبي غير عن الفهيم اللي في الامارات الثانية او دبي و الشارجة...

وكلن يرا الناس بعين طبعة.... مش الفلوس اللي تسوي الناس عرب

**AL-Zarouni** · 2008-10-26, 16:13

المشاركة الأصلية كتبت بواسطة Dloo3t AD

حبيبتي العرب مازوجوهم عشان البيزات...زوجوهم عشان اخلاقهم ودينهم.. و بعدين من اول يوم خذو بنات الناس ماكان عندهم بيزات اللا عقب يوم كون عبدالجليل تجارتة... وعشان يكون في علمج الفهيم اللي في بوظبي غير عن الفهيم اللي في الامارات الثانية او دبي و الشارجة...

وكلن يرا الناس بعين طبعة.... مش الفلوس اللي تسوي الناس عرب

انا اول مرة اسمع الفهيم منقسمين الى قسمين

الغالية كلهم وااااحد والله سبحانه وتعالى وااااحد..

الغالية وانا بعد معاج مب بنات العرب مب زوجينهم عسب بيزات عسب دينهم واخلاقهم والحمدلله

بس الغالية على حسب احتكاكي بعائلة الفهيم كلهم نفس شي ... تقدرين اتقولين عيال عموم

دمتي بود

**أمورة** · 2008-10-26, 16:14

انا من عرب بني ياس و ريلي الله يحفظه من عرب فارس

و النعم فيهم عرب فارس بس فيه فرق بين عرب فارس و العيم (العجم) على حد علمي

عرب فارس نفس عادات و تقاليد عرب الجزيره

و العيم لهم عاداتهم بروحهم و ها الكلام قالولي اياه عرف فارس و هم طبعا ادرى لانهم يايين من هناك.

في النهايه اهم شي انا كلنا نجتمع تحت راية التوحيد ان لا اله الا الله و ان محمد رسول الله

الموضوع: ِِمن هم عرب فارس؟!! .. موضوع حلو للمناقشه!! .. دشي وابدي رايج الغاليهَََ

أدوات الموضوع

عرض

المواضيع المتشابهه

موضوع للمناقشه

موضوع للمناقشه اقربن

فستااااني الذهبي من عقب مانزلت سعره....ادخلي وابدي رايج عالاقل ^__^

موضوع للمناقشه