قلة الماء حول الجنين؟؟؟؟؟ استفسار

[شماااسي]

السلام عليكم يا بنات

البارحة سرت عند الدكتورة وقالتلي ان الماء الي حول الجنين قليل ونصحتني بالراحة

أنا بالتاسع وبالكثير ان شا الله أسبوعين وبربي بس كلامها خوفني وايد

سألتني إذا الجنين يتحرك وماشا الله يتحرك ويرافس وأحس بحركته ونبضه

قالتلي أحسب عدد الحركات من الساعه 9 الصبح لين 9 المسا وإذا كانت 10 حركات فهالشي طبيعي،

مادري اذا وحده مرت بهالشي تخبرني عسب اطمن
وكيف أحسب عدد الحركات بالضبط

أحسب كل حركة يمر فيها الجنين ولا بكل حركة كم حركة تتفرع منها

وسلامتكم

بلييييييييييييز طمنوني

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شماااسي]

up up up

[شماااسي]

معقولة ولارد؟؟؟؟؟؟

[بنت-المها]

الغالية نفس الكلام قالتو الدكتورة حق أختي قبل أسبوعين و قالتلها لو ما ربيت فظرف ثلاثة أيام بنظطر نعطيج طلق صناعي و هي استخارت ربنا و صارت تتمشى و تطلع دري و الحمد لله ربت طبيعي من 5 أيام و كل شي تمام و الحمد لله من غير طلق يعني ويع طبيعي
الله يسر ولادتج و لا تنسينا بالدعاء ربي يحفظ لي بنتي و ريلي من كل شر

[شماااسي]

عسى خير ان شا الله
انا على فكرة الجنين يتحرك عندي ماشا الله وموعد الولادة 1- 11 أو قبله بشويه
وماراح آخذ على رمسه الدكتورة لانها قالتلي راسه صغير ووانا اراجع في خمس أماكن تقريبا ولا حد قالي هالشي
باجر عندي موعد في مستشفى راك وبيتضح إذا كلام هذيج الدكتورة صح ولا خطأ
تسلمين بنت المها ع الرد
وبانتظار آراء البقيه
وسلامتكم

[umm.salama]

الغاليه انا مريت في نفس قصج بس انا عرفت ان الماي ناقص من السابع بس والله مستشفى دبي ماقصروا وياي وكانوا قايليلي يمكن نولدج في اي وقت وكنت متوكلة على رب العالمين المهم عديت السابع والثامن والحمدلله في نص التاسع عطوني طلق وربيت بس بنتي كانت وايد ضعيفة تقريبا كان وزنها2ونص والحمدلله احين هية في كيجي1

توكلي على خليهم يعطونج طلق لان الماي من ينقص ياثر على الياهل
عدي كم حركة فاليوم حتى لو تحرك ورى بعض بس اهم شي انج مرتاحة من حركاته تحسينها طبيعية.

الله يسهل عليج الغاليه وطمنينا عليج.

[شيما333]

الغاليه أنا في أول ولاده مريت أبنفس الشي وأثناء الولاده وشد نشف الماي وقلت نبضات البيبي لأن كل مايقل الماي ايقل الأكسجين فخافو وسوولي عمليه قيصريه
والله ايسهل عليج وصدق كلامها ارتاحي أحسن شي والله ايسهل عليج

[أنا مسلمه]

وعليكم السلام ورحمة الله وبركاته

عادي اختي نسيبتي نفسج وعادي ربت بالسلامه كثري من الدعاء ^.^

[شماااسي]

مشكورين ع الردود الطيبة
مرت أخوي وهي بالتاسع راحت عند نفس الدكتورة وقالتلها نفس الكلام ان الماي قليل
والحمدلله ربت طبيعي
الحمدلله الجنين يتحرك عندي نفس أول وأكثر فماراح آخذ برمستها واليوم عندي موعد عند الدكتورة الي بتولدني وراح يتضح كل شي

فدييييييييتكم ماقصرتوا بردودكم

[شماااسي]

الماي عادي لا قليل ولا شي

الحمدلله

هذا راي الدكتورة الي بتولدي جريب ان شا الله

[TheLegend]

هلاا الغاليه مدري اذاا بفيدج او ردي متأخر...اناا الي اعرفه ان الزعتر يزيد المااي عند اليااهل..فشربي زعتر هاليومين وان شاءالله تكون امورج طيبه وتربين طبيعي والله يسهل عليج ...

[شماااسي]

مشكورة الغاليه
بديت أشرب شاي زعتر وإن شا الله للأحسن يارب

ادعولي
ماقصرتي الغلاا

[Me&U]

صارت لي نفس الحركة بولدي الثاني
وعطوني طلق صناعي
والمرة الثالثة بعد قالو الماي خفيف
وبنسوي لج طلق ما رضيت مولية
توكلت على الله ووولدت طبيعي والحمد لله

[الغلاة]

مرحبا الغالية
انا بعد قالو لي نفس الشي
حبيبتي ارتاحي واشرب ماي وايد و ارفعي ريولج شوي يعني حطي مخدة شويه كبيرة او اي شي تسندين ريلج عليها

انا وحدة وياي في الدوام قالت لي والحمد لله سويت الحركة في اسبوع يوم سرت اشيك قالت لي ماشالله الماي صاير فوق الطبيعي

[MrMrUAE]

up




up




up