صفحة 1 من 3 123 الأخيرةالأخيرة
النتائج 1 إلى 7 من 16

الموضوع: خلطه بذرة القاطونة للحفر والتجاعيد والبقع بس عندي سؤال؟؟

  1. #1
    نجمة برونزية

    رقم العضوية: 89372

    تاريخ التسجيل
    08 - 05 - 2008
    الدولة
    أبوظبي
    مشاركات
    3,479

    افتراضي خلطه بذرة القاطونة للحفر والتجاعيد والبقع بس عندي سؤال؟؟

    [COLOR="Red"]قبل ماعطيكم الخلطه عندي سؤال انا سويت الخلطه بس ماتفردت في ويهي ماعرفت شوو اسوووي حد يطبقها ويصورها لنا والله ماعرفت ممكن مساعدة خوووااتي وربي يوفقكن وان شاء الله تنفعكم [/COLOR]

    heyyyyy sweet ladies & girls ......... miss u all sooooooooo much
    انا بقالي كتير موش بشارك بموضوعات جديدة فى المنتدى بس السبب انى كنت بتابع موضوعى القديم ولسة بيجيلي عليه أسئلة وتعليقات وانا موش عاوزة اكتب فى الموضوع الجديد غير اما الموضوع الآخير الكل يستفاد منه ويلاقي رد على أى استفسار وكمان عشان كنت بجرب الماسك الجديد الى هكتبه فى موضوعى النهاردة انشاءالله ومرضيتش أكتبه غير اما جربته كذا مرة عشان ابقي واثقة من كلامي وانا بكتبه يلا بقي نخش عالشغل
    الأول طبعا لازم تستحملوا الرغي بتاعى وتسمعوا قصة معرفتى بالماسك دة معلش بقي مفيش حاجة من غير مقابل عشان تعيشوا معايا الموقف .................. كان ياما كان يا سعد يا اكرام كان فيه بنت جميييييلة ( ادة احم احم دة انا عشت فى الدور بجد ولا ايه !!!!!! ) طيب خلاص خلاص هبطل هزار وهحكي بجد بس بليز متزهقوش وتنزلوا بالصفحة لتحت وتقروا الوصفة علطول أوكى ؟
    انا كنت مرة بتابع دكتور جلدية فى التلفزيون ولقيته بيتكلم عن وصفة نبات (........) وأنه بيعمل تقشير للوجه وبيعمل عمل التقشير الكيماوى بس بطريقة آمنة وسهلة وتقدر أى واحدة تعملها فى البيت وأنه كمان طبعا طالما بيقشر يبقي بيشيل طبقات الجلد الميت ويبيض البقع ويوحد لون البشرة ويعالج البقع وكمان قال انه بيرطب الوش ويشيل التجاعيد والخطوط وكمان الحفر الى بتبقي فى الوش من أثار حب الشباب وغيره ............. أنا طبعا جريييت وجبت الأجندة النونو بتاعتى الى بكتب فيها كل الوصفات الى بسمعها وكتبت الوصفة بالظبط بس بصراحة بصراحة قلت انا عمرى ما هعملها ... ليه بأة ؟ عشان بصراحة اسم النبات الى قاله كان غريب عليه وأول مرة اسمعه وقلت طبعا كالعادة استحالة نبات زى دة هلاقيه بسهولة كدة عند العطار أكيد موش موجود عند أى حد ولو موجود طبعا هيكون مستورد وتمنه غالى اكيد وطبعا طنشت ونسيت الموضوع
    وفى مرة وانا عند العطار بتاعى الى متعودة اتعامل معاه وقلت اما اقوله كدة على اسم النبات دة وانا متوقعة طبعا انه هيعد يقولي ويطلعلي فى 500 حاجة وفى الآخر برده موش هيفهم الى انا عاوزاه ... واتفاجأت لما قلت له انا عاوزة نبات ( .........) لقيته بكل سهولة راح جابه ولقيت البنت الى بتشتغل فى المحل بتقولي هو انتى عاوزاه عشان وشك ؟؟!!!!!!!!!!!!!!! أنا قلت لها: ايوة انتى تعرفيه قالت لي : طبعا .. انا بقي استعبطت زيادة وقلت أسأل العطار عن طريقته عشان أتأكد بالظبط من الموضوع ولقيته بيقولي نفس الطريقة الى قالها الدكتور بالظبط .... المهم قلت له خلاص هات شوية أما اجربها واشتريت كمية بحوالي 2 جنيه بس طبعا وانا مستغربة من السعر الرخيص والكمية فعلا كفتنى مرتين ... المهم بقي جربتها مرة واتنين وتلااتة وبجد معجزة انا المشكلة انه كان ساعات عندى اثار للحبوب من الى بتطلع فى فترة( البيريود ) وكانت بتروح لوحدها بس بتسيب أثر وكمان ساعات بيطلع لى حبوب فى وشي بسبب انى بحب أوى الشطة والمواد الحريفة فى الأكل ودة طبعا بيسبب هياج شوية للبشرة وبتظهر على هيئة حبوب حمرة بس برده اما بتروح بتسيب أثر ...وبعد ما جربت الماسك دة من المرة التالتة بجد حسيت بفرق رهييييب ولقيت وشي عمال يفتح والبقع بتختفي وكمان مامتى اتشجعت وقالتلي انها عاوزة تجربه عشان التجاعيد وفعلا ماما لقيت انو التجاعيد بتخف بشكل ملحوظ مع كل مرة استعمال ودلوقتى هكتب لكوا مكونات الماسك وطريقته ويلا ركزوا معايا

    3 ملاعق كبيرة نبات بـــذرة الـــقـــاطـونــة

    قطرات قليلة من زيت اللوز المر ( انتبهوا زيت اللوز المر غير الحلو )

    وزى ما قلت انه بذرة القاطونة دي هتلاقوها انشاءالله متوفرة عند أى عطار وهتلاقوا شكلها بالظبط بالظبط عاملة زى حبوب السمسم بس لونها بيدي على بنى كدة ودة شكلها



    ودى صورة زيت اللوز المر الى بستعمله وهو انتاج شركة مصرية وهو فعلا حلو أوى النوع دة لدرجة انك بتشمي ريحة اللوز من الزجاجة وسعره رخيييص موووت


    [
    يارب الصور تطلع مظبوطة وواضحة لأنى مصوراها بكاميرة الموبايل وكمان يارب تظهر أصلا لانى موش عارفة الطريقة الى بنزل بيها الصور دى صح ولا ايه ؟ وياريت يا بنات حد يوقلي على الطريقة الصح الى انزل بها الصورة مباشرة فى الموضوع .... ومعلش اعذرونى لو الصور موش واضحة او موش ظاهرة ... بس انشالله تظهر عندكوا

    الطريقة : ركزوا بقي معايا أول حاجة هنحط البذور فى الهاون وندقهم كذا دقة كدة يعنى مو ش هنطحنهم ناعم ولا نسيبهم خشن يعنى ندقهم كذا مرة كدة وخلاص وانتبهوا الدق يكون فى الهاون لكن موش مطلوب خالص تطحن فى المطحنة خدوا بالكم وبعدين نبدأ نضيف ليهم ميه شوية بشوية بس موش نغرقهم خالص ونبدأ نقلب لمدة ثوانى وهنلاقي انه البذور بدات تتماسك فى بعضها وبقت زى الجيلاتين كدة وبقت لزجة ساعتها نبطل نزود مية ونبطل تقليب لأن انتبهوا ممكن لو زودنا الميه والتقليب هنلاقيه لزق فى بعضه خااالص وبقي زى السويت وهيبقي صعي يتفرد على الوش عشان كدة نوقف المية والتقليب أول اما نحس انه بدأ يلزق فى بعضه وبقي متماسك شوية وينفع يتفرد على البشرة
    بعد كدة هنضيف قطرات قليلة جدااا من زيت اللوز الــمـــر ونبدأ نقلبهم بصوابعنا على عجينة البذور
    تحضير البشرة قبل الماسك : لازم قبلها ننضف وشنا كويس وانا عن نفسي بنضف وشي باللبن زى ما أنا متعودة http://w

    مزيل ماكياج فعااااال و رخيص ومرطب ومنظف ومبيض..يلااااااا ادخلوواا بقااااا


    وبعدها نغسل وشنا بالميه بس وننشفه كويس تمام لغاية كدة ؟؟!!

    ونبدأ نوزع الماسك على وشنا وعلى الرقبة ما عدااااااا منطقة تحت العين خدوا بالكم لانه مينفعش نحط ماسك تقشير فى المنطقة الرقيقة الى تحت العين لانه هيبقي قوي عليها وعشان كدة هنكتفي بس بوضع طبقة رقيقة من زيت اللوز المر لوحده ونسيب الماسك لمدة من 3 الى 4 ساعات ومعلش المدة طويلة شوية بس زى ما قلت لكم الماسك دة ليه مفعول التقشير الكيماوى ولازم ياخد وقته على البشرة عشان كدة ممكن نحطه فى يوم الأجازة أو بليل فى الوقت الى فاضيين فيه ونسيبه على وشنا وننساه ونعمل اى حاجة وهنلاقي الوقت عدى بسرعة وبعد كدة نغسل وشنا بماء فاتر وبعدين ماء مثلج عشان نقفل المسام ونمسح وشنا بقطنة فيها ماءورد أو اى تونيك عندك ومتعودة عليه .... وشوفي بقي وشك بعدها وهتلاحظى الفرق من أول مرة واعملي الماسك مرتين فى الاسبوع عشان تحلي كل مشاكل وشك وهو آآمن فى الاستعمال وطبيعي ملحوظة: بصراحة الماسك دة اما بيتحط على الوش بيبقي شكله مرعب شوية وانا بصراحة اما حطيته أخويا استلمنى تريأة انتوا عارفين بقي الصبيان وغلاستهم بس انا مهمنيش برده وفضلت قاعدة لهم فى البيت بشكلي المرعب عشان كدة بنصح غير الجريئات وخصوصا المتزوجات طبعا انهم يعملوا الماسك دة من غير ما حد يشوفهم وخليهم بس ينبهروا بالنتيجة بعدها ويوقولوا ادة ؟ هى عملت ايه فى وشها .؟؟؟

    فوائد الماسك

    بذرة الــقاطـونة: زى ما قلت دة نبات عجيب لأنه فعلا بيفتح البشرة جدااا وبيعمل زي تقشير لخلايا الجلد الميتة والدكتور قال انو بيعمل عمل التقشير الكيماوى الى بيتعمل برة عند الدكاترة فى العيادات وبيكون طبعا تكلفته باهظة

    زيت اللوز الــمــر : وهو مختلف عن زيت اللوز الحلو فى انه منظف كويس اوى للبشرة وكمان بيحتوى على حامض السلسليك ( sel elick acid ) ودة بيعمل تقشير للبشرة وبينضفها والحامض دة موجود فى أحماض الفاكهة وبيستخدم فى عمليات التقشير الكيماوى وكمان بيحتوى على الكاروتين ( caroten) وفيتامينات ودة مهم جداا للبشرة لحمايتها من الشيخوخة والعوامل الجوية الخارجية الى بتأذى البشرة والكاروتين دة موجود اكتر حاجة فى الجزر


    أنا كدة خلصت كلامى وخلاوييييص موضوعى خلص وموش فاضل بس غير انكوا تتشجعوا وتروحوا تجيبوا المكونات من العطار وهى كلها من أرخص ما يمكن وانشاءالله هتلاقوها بسهولة جدااا والنتيجة انشاءالله باذن الله وش أبيض ورايق ونضر من غير بقع ولا شوائب

    ياريت موضوعى المرة دى يكون عجبكم وعاوزة التشجيعات والكلام الحلو بأة وخصوصا من اصحابي الى متعودين يتابعونى بقولهم بحبكوا موووت وبشكر كل بنت وست كتبتلي فى اى موضوع من موضوعاتى وكل حرف بيتكتب بيشجعنى جااااامد وانا دايما بتابع كل موضوعاتى وبرد على اى استفسار وانا طبعا جاهزة لأى سؤال منكم مع انى بحاول فى أى موضوع انى أشرح كل حاجة بالتفصيل الممل عشان بحط نفسي مطرح كل بنت بتقري وبفكر ايه الاسئلة الى ممكن تيجي فى بالها ... ويارب أكون قدرت أفيد فعلا

    أخر حاجة عاوزة أقولها عشان همشي بقي قبل ما تضربوني من كتر الرغي بس عاوزة اشكر موقع عروس وكل الجميلات المشرفين عليه فى كل الاقسام وبقولهم :

    you go to east
    you go to west
    ***** is the best

    يلا حبايبي بااااااااى

    متنسووووش تدعولي بالزوج الصالح يااااارب
    التعديل الأخير تم بواسطة nanosha ; 2008-09-22 الساعة 09:40





  2. #2
    نجمة

    رقم العضوية: 41431

    تاريخ التسجيل
    27 - 06 - 2007
    مشاركات
    167

    Pms

    مشكورة اختي بس ما ادري احصل ها النبات في بوظبي! وهل عنده اسماء ثانية ؟وكل عام وانت بخير بقرب عيد الفطر

  3. #3
    نجمة برونزية

    رقم العضوية: 89372

    تاريخ التسجيل
    08 - 05 - 2008
    الدولة
    أبوظبي
    مشاركات
    3,479

    افتراضي

    للرفعععععع





  4. #4
    نجمة برونزية

    رقم العضوية: 95128

    تاريخ التسجيل
    17 - 06 - 2008
    مشاركات
    2,815

    افتراضي

    بتلقينها عند اللي يبيعون الحلول والمر والخيل يعني عند العطارين ,وبالنسبه للماسك صعب ينفرد لأن البذره ماتنطحن .





    [COLOR="Red"]أولا من أجل غذاء البشرة ندق بذر قطونا في النجر ( الهون ) ثم ننخلة بعني نشخلة ثم نأخذ البودرة
    ثم تضيف عليها الماء وسوف تصبح مثل الجل ونضعها علي الوجة من ساعتن الي أربع ساعات
    أو الطريقة الثانية وهذه الطريقة لأزالة حفر حب الشباب وبديل عن علميات شد الوجة
    نجرش 2ملعقة بذر قطونا ثم نضيف عليها الماء حتي تحصلي علي جل متوسط القوام ثم صعية علي
    بشرتك ونامي بة سوف تشعرين أنة أصبح مثل الجبس وفي الصباح أغسلية
    وهذا من كلام الدكتور هنري عوض
    [/COLOR]هذي الفقره منقوله من منتدى ثاني

  5. #5
    تاجرة برونزية

    رقم العضوية: 83305

    تاريخ التسجيل
    23 - 03 - 2008
    الدولة
    في قلب الغالي
    مشاركات
    9,755

    افتراضي

    مشكوووووورة وأنا قريت الموضوع قبل...بس ما عرفت وين القطونة

  6. #6
    نجمة برونزية

    رقم العضوية: 89372

    تاريخ التسجيل
    08 - 05 - 2008
    الدولة
    أبوظبي
    مشاركات
    3,479

    افتراضي

    جرش 2ملعقة بذر قطونا ثم نضيف عليها الماء حتي تحصلي


    كيف نجرش؟؟

    عندي البذرة انا ماادورها بس وايد تلزق ببعض وماتنفرد عالويه





  7. #7
    عضوة جديدة

    رقم العضوية: 64182

    تاريخ التسجيل
    07 - 12 - 2007
    مشاركات
    7

    افتراضي

    مشكورة اختي

صفحة 1 من 3 123 الأخيرةالأخيرة

المواضيع المتشابهه

  1. بنات عندي سؤال عن العضوه الي تبيع خلطه العامريات
    بواسطة المتحنية في قسم : سـاعــدونـي
    مشاركات: 35
    : 2013-03-27, 16:16
  2. س سؤال ,, بذرة الكتان ؟
    بواسطة ميمااان في قسم : علاج السمنة والنحافة
    مشاركات: 5
    : 2011-03-18, 19:15
  3. مشاركات: 18
    : 2010-01-23, 07:57
  4. سؤال عن بذرة الكتان
    بواسطة بنت النوخذا في قسم : الصحة و التغذية
    مشاركات: 5
    : 2009-06-15, 07:46

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  



Loading